ನವದೆಹಲಿ: ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) 2025ಕ್ಕೆ ಮುಂಚಿತವಾಗಿ ಶ್ರೀಲಂಕಾದ ಮಾಜಿ ಕ್ರಿಕೆಟಿಗ ಮಹೇಲಾ ಜಯವರ್ಧನೆ (Mahela Jaywardene) ಅವರನ್ನು ಮುಂಬೈ ಇಂಡಿಯನ್ಸ್ ತನ್ನ ಹೊಸ ಮುಖ್ಯ ಕೋಚ್ ಆಗಿ ಘೋಷಿಸಿದೆ. 2023 ಮತ್ತು 2024ರಲ್ಲಿ ಕ್ರಮವಾಗಿ ಕಳೆದ ಎರಡು ಋತುಗಳಲ್ಲಿ ತಂಡದ ಕೋಚ್ ಹುದ್ದೆ ವಹಿಸಿದ್ದ ಮಾರ್ಕ್ ಬೌಷರ್ ಅವರ ಸ್ಥಾನವನ್ನು ಜಯವರ್ಧನೆ ತುಂಬಲಿದ್ದಾರೆ. ವಿಶೇಷವೆಂದರೆ, ಶ್ರೀಲಂಕಾದ ದಂತಕಥೆ ಜಯವರ್ಧನೆ 2017ರಿಂದ 2022 ರವರೆಗೆ ಮುಂಬೈಗೆ ಮುಖ್ಯ ತರಬೇತುದಾರರಾಗಿ ಸೇವೆ ಸಲ್ಲಿಸಿದ್ದರು.
Mahela Jayawardena has been appointed as the Consultant Coach for the Sri Lanka national teams, starting 1st January. 🇱🇰
— Mumbai Indians (@mipaltan) December 13, 2021
Good luck on your new role, MasterMInd! 🙌💙#OneFamily #MumbaiIndians @MahelaJay pic.twitter.com/XSqsGjVQvV
ಅವರ ಅಧಿಕಾರಾವಧಿಯಲ್ಲಿ ಮುಂಬೈ 2017ರಲ್ಲಿ ತಮ್ಮ ಮೂರನೇ ಐಪಿಎಲ್ ಪ್ರಶಸ್ತಿಯನ್ನು ಗೆದ್ದಿತ್ತು. ಲೀಗ್ ಇತಿಹಾಸದಲ್ಲಿ ಅತ್ಯಂತ ಯಶಸ್ವಿ ಫ್ರಾಂಚೈಸಿಯಾಯಿತು. ಜಯವರ್ಧನೆ ಅವರು ಮುಂಬೈಗೆ ಕ್ರಮವಾಗಿ 2019 ಮತ್ತು 2020ರಲ್ಲಿ ಇನ್ನೂ ಎರಡು ಟ್ರೋಫಿಗಳನ್ನು ಸೇರಿಸಲು ಸಹಾಯ ಮಾಡಿದ್ದರು. ಅವರ ಟ್ರೋಫಿಗಳ ಸಂಖ್ಯೆಯನ್ನು ಐದಕ್ಕೆ ಏರಿಸಿದ್ದರು.
2022 ರಲ್ಲಿ, ಮಹೇಲಾ ಕ್ರಿಕೆಟ್‌ನ ಜಾಗತಿಕ ಮುಖ್ಯಸ್ಥರಾದರು, ವಿವಿಧ ಲೀಗ್‌ಗಳಲ್ಲಿ ಎಂಐನ ಜಾಗತಿಕ ತಂಡಗಳ ವಿಸ್ತರಣೆಯ ಮೇಲ್ವಿಚಾರಣೆ ನಡೆಸಿದ್ದರು. ಎಂಐ (ಡಬ್ಲ್ಯುಪಿಎಲ್), ಎಂಐ ಎನ್‌ವೈ (ಎಂಎಲ್ಸಿ) ಮತ್ತು ಎಂಐಇ (ಐಎಲ್‌ಟಿ 20) ನೊಂದಿಗೆ ಇದ್ದರು.
ಕಳಪೆ ಸಾಧನೆ ಹಿನ್ನೆಲೆಯಲ್ಲಿ ಬದಲಾವಣೆ
ಹೊಸ ನಾಯಕ ಹಾರ್ದಿಕ್ ಪಾಂಡ್ಯ ನಾಯಕತ್ವದಲ್ಲಿ ಹತ್ತು ಪಂದ್ಯಗಳಲ್ಲಿ ಕೇವಲ ನಾಲ್ಕು ಗೆಲುವುಗಳೊಂದಿಗೆ ಪಾಯಿಂಟ್ಸ್ ಟೇಬಲ್‌ನಲ್ಲಿ ಕೊನೆಯ ಸ್ಥಾನ ಪಡೆದ ಮುಂಬೈ 2024ರಲ್ಲಿ ಕೆಟ್ಟ ಋತುವನ್ನು ಅನುಭವಿಸಿದ ಹಿನ್ನೆಲೆಯಲ್ಲಿ ಮಹೇಲಾ ಮತ್ತೊಮ್ಮೆ ಮುಖ್ಯ ಕೋಚ್ ಆಗಿ ಮರಳಲಿದ್ದಾರೆ.
ಗುಜರಾತ್‌ನಿಂದ ವರ್ಗಾವಣೆಗೊಂಡ ನಂತರ ಪಾಂಡ್ಯ 2024 ರ ಋತುವಿಗೆ ಮುಂಚಿತವಾಗಿ ಮುಂಬೈ ಇಂಡಿಯನ್ಸ್‌ಗೆ ಮತ್ತೆ ಸೇರಿಕೊಂಡರು. ಅವರು ಹಿಂದಿರುಗಿದ ನಂತರ ರೋಹಿತ್ ಶರ್ಮಾ ಅವರ ಬದಲಿಗೆ ಪಾಂಡ್ಯ ಅವರನ್ನು ತಂಡದ ನಾಯಕರನ್ನಾಗಿ ನೇಮಿಸಲಾಗಿತ್ತು. ಪಾಂಡ್ಯ ಅವರು ಮುಂಬೈ ತಂಡದ ತವರು ಸ್ಥಳವಾದ ವಾಂಖೆಡೆ ಕ್ರೀಡಾಂಗಣದಲ್ಲಿ ದೂಷಣೆಗೆ ಒಳಗಾದರು.
ಆಕಾಶ್ ಅಂಬಾನಿ ಹೇಳಿದ್ದೇನು?
ಮುಂಬೈ ಇಂಡಿಯನ್ಸ್ ತಂಡದ ಮುಖ್ಯ ಕೋಚ್ ಆಗಿ ಮಹೇಲಾ ಅವರನ್ನು ಮರಳಿ ಪಡೆದಿರುವುದಕ್ಕೆ ನಾವು ರೋಮಾಂಚನಗೊಂಡಿದ್ದೇವೆ ಎಂದು ಆಕಾಶ್ ಅಂಬಾನಿ ಹೇಳಿದ್ದಾರೆ. ನಮ್ಮ ಜಾಗತಿಕ ತಂಡಗಳು ತಮ್ಮ ಪರಿಸರ ವ್ಯವಸ್ಥೆಗಳಲ್ಲಿ ತಮ್ಮ ನೆಲೆಯನ್ನು ಕಂಡುಕೊಂಡಿದ್ದರಿಂದ, ಅವರನ್ನು ಎಂಐಗೆ ಮರಳಿ ಕರೆತರುವ ಅವಕಾಶ ಹೊಂದಿದ್ದೆವು. ಅವರ ನಾಯಕತ್ವ, ಜ್ಞಾನ ಮತ್ತು ಆಟದ ಮೇಲಿನ ಉತ್ಸಾಹವು ಯಾವಾಗಲೂ ಎಂಐಗೆ ಪ್ರಯೋಜನವನ್ನು ನೀಡಿದೆ. ಕಳೆದ ಎರಡು ಋತುಗಳಲ್ಲಿ ಮಾರ್ಕ್ ಬೌಷರ್ ಅವರ ಕೊಡುಗೆಗಾಗಿ ಧನ್ಯವಾದ ಹೇಳುತ್ತೇವೆ. ಎಂದು ಹೇಳಿದ್ದಾರೆ.
ಇದನ್ನೂ ಓದಿ: IPL 2025 : ಸೌದಿ ಅರೇಬಿಯಾ ಅಲ್ಲ! ಈ ದೇಶದಲ್ಲಿ ಈ ಬಾರಿ ಐಪಿಎಲ್ ಮೆಗಾ ಹರಾಜು
ಮಹೇಲಾ ಜಯವರ್ಧನೆ ಮಾತನಾಡಿ, “ಮುಂಬೈ ಇಂಡಿಯನ್ಸ್ ಕುಟುಂಬದೊಳಗಿನ ನನ್ನ ಪ್ರಯಾಣವು ಯಾವಾಗಲೂ ಅಭಿವೃದ್ಧಿಯಿಂದ ಕೂಡಿದೆ. 2017ರಲ್ಲಿ ಅತ್ಯುತ್ತಮ ಕ್ರಿಕೆಟ್ ಆಟಕ್ಕಾಗಿ ಪ್ರತಿಭಾವಂತ ಆಟಗಾರರ ಗುಂಪನ್ನು ಒಟ್ಟುಗೂಡಿಸುವತ್ತ ಗಮನ ಹರಿಸಲಾಯಿತು. ಅದೇ ಪರಂಪರೆ ಮುಂದುವರಿಸಲು ಎದುರು ನೋಡುತ್ತಿದ್ದೇವೆ. ಇದೊಂದು ರೋಮಾಂಚಕಾರಿ ಸವಾಲಾಗಿದೆ ಎಂದು ಹೇಳಿದರು.
