ಮುಂಬೈ: ನಟ ವಿಜಯ್ ದೇವರಕೊಂಡ(Vijay Deverakonda) ಅವರು ತಮ್ಮ ಮುಂಬರುವ ಮ್ಯೂಸಿಕ್ ವಿಡಿಯೋ ಸಾಹಿಬಾ(Sahiba)ವನ್ನು ಪ್ರಚಾರ ಮಾಡಲು ಶುಕ್ರವಾರ ಮುಂಬೈನಲ್ಲಿ ಕಾಲೇಜು ಉತ್ಸವದಲ್ಲಿ ಭಾಗವಹಿಸಿದ್ದರು. ಈ ವೇಳೆ ಅವರು ದಿಢೀರ್‌ ಅಂತಾ ಮೆಟ್ಟಿಲುಗಳಿಂದ ಆಯ ತಪ್ಪಿ ಬಿದ್ದಿದ್ದು, ಗಾಯಗೊಂಡಿದ್ದಾರೆ. ಇನ್ನು ಈ ದೃಶ್ಯ ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆಗಿದ್ದು, ಬ್ಯಾಲೆನ್ಸ್‌ ತಪ್ಪಿ ವಿಜಯ್ ಬೀಳುತ್ತಿರುವುದನ್ನು ಕಾಣಬಹುದಾಗಿದೆ.
ರಾಧಿಕಾ ಮದನ್ ಜತೆಯಾಗಿ ನಟಿಸುತ್ತಿರುವ ಸಾಹಿಬಾ ಚಿತ್ರದ ಅವರ ಮುಂಬರುವ ಹಾಡಿನ ಪ್ರಚಾರಕ್ಕಾಗಿ ವಿಜಯ್ ಶುಕ್ರವಾರ ಮುಂಬೈನ ಮಿಥಿಬಾಯಿ ಕಾಲೇಜಿನ ಸಾಂಸ್ಕೃತಿಕ ಉತ್ಸವಕ್ಕೆ ಭೇಟಿ ನೀಡಿದರು. ಸ್ಥಳದಿಂದ ಹೊರಡುವಾಗ, ನಟನನ್ನು ಅವರ ತಂಡವು ಹೊರಗೆ ಕರೆದೊಯ್ಯುತ್ತಿತ್ತು. ಈ ವೇಳೆ ಅವರು ಮೆಟ್ಟಿಲುಗಳಲ್ಲಿ ಜಾರಿ ಬಿದ್ದಿದ್ದಾರೆ. ಇನ್ನು ಈ ದೃಶ್ಯ ಸೆರೆಯಾಗುತ್ತಿದ್ದಂತೆ ವಿಜಯ್ ಬೆಂಬಲಿಗರು ಕ್ಯಾಮೆರಾಗಳನ್ನು ಕವರ್‌ ಮಾಡುವ ಪ್ರಯತ್ನ ನಡೆಸಿದರು.
#WATCH | Vijay Deverakonda Falls Off Stairs During Sahiba Promotions In Mumbai#VijayDevarakonda #mumbai #mumbainews #EntertainmentNews #Sahiba pic.twitter.com/xcBmj7jMFi
— Free Press Journal (@fpjindia) November 8, 2024
ಗಮನಿಸಬೇಕಾದ ಸಂಗತಿಯೆಂದರೆ, ಕೆಲವು ದಿನಗಳ ಹಿಂದೆ, ವಿಜಯ್ ಅವರ ಮುಂಬರುವ ಚಿತ್ರ VD 12 ಚಿತ್ರದ ಚಿತ್ರೀಕರಣದ ಸೆಟ್‌ನಲ್ಲಿ ಸ್ಟಂಟ್‌ ವೇಳೆ ಗಾಯಗೊಂಡಿದ್ದರು. ತೀವ್ರವಾದ ಆಕ್ಷನ್ ಸೀಕ್ವೆನ್ಸ್‌ನ ಚಿತ್ರೀಕರಣದ ಸಮಯದಲ್ಲಿ ಅವರ ಭುಜಕ್ಕೆ ಗಂಭೀರ ಗಾಯಗಳಾಗಿದ್ದು, ಪ್ರಸ್ತುತ ಅವರು ರೆಸ್ಟ್‌ನಲ್ಲಿದ್ದಾರೆ.
ಲವ್ ಟ್ರ್ಯಾಕ್ ಸಾಹಿಬಾವನ್ನು ಜಸ್ಲೀನ್ ರಾಯಲ್ ಅವರು ಹಾಡಿದ್ದಾರೆ ಮತ್ತು ವಿಜಯ್ ಅವರು ರಾಧಿಕಾ ಅವರೊಂದಿಗೆ ಪರದೆಯನ್ನು ಹಂಚಿಕೊಳ್ಳುತ್ತಿರುವುದು ಇದೇ ಮೊದಲ ಬಾರಿಗೆ. “ಸಾಹಿಬಾದಲ್ಲಿ ಕೆಲಸ ಮಾಡುವುದು ಸಂಪೂರ್ಣ ಸಂತೋಷವಾಗಿದೆ. ಜಸ್ಲೀನ್ ಅವರ ದೃಷ್ಟಿ ಮತ್ತು ಸಂಗೀತದ ಉತ್ಸಾಹವು ನಿಜವಾಗಿಯೂ ಸ್ಪೂರ್ತಿದಾಯಕವಾಗಿದೆ. ಈ ಹಾಡು ಅನೇಕ ಹೃದಯಗಳನ್ನು ಮುಟ್ಟುತ್ತದೆ ಎಂದು ನಾನು ನಂಬುತ್ತೇನೆ ಮತ್ತು ಅದರ ಭಾಗವಾಗಿರಲು ನನಗೆ ಗೌರವವಿದೆ” ಎಂದು ವಿಜಯ್ ಹೇಳಿದರು.
ಈ ಸುದ್ದಿಯನ್ನೂ ಓದಿ: ದೇವರಕೊಂಡ ಹೇಳಿಕೆಗೆ ಆಕ್ರೋಶ: ಟ್ರೆಂಡ್‌ ಆದ ‘BoycottLigerMovie’ ಹ್ಯಾಶ್‌ಟ್ಯಾಗ್
