ಮುಂಬಯಿ: ಬಹುಭಾಷಾ ನಟಿ ಪ್ರಜ್ಞಾ ಜೈಸ್ವಾಲ್(Pragya Jaiswal) ಅವರು ತಮಗೆ ಟೀಮ್‌ ಇಂಡಿಯಾದ ಸ್ಟಾರ್‌ ಯುವ ಬ್ಯಾಟರ್‌ ಶುಭಮನ್ ಗಿಲ್(shubman gill) ಜತೆ ಡೇಟಿಂಗ್‌ ನಡೆಸುವ ಬಯಕೆ ಇದೆ ಎಂದು ಹೇಳಿದ್ದಾರೆ. ಪ್ರಜ್ಞಾ ಅವರ ಈ ಹೇಳಿಕೆಯ ವಿಡಿಯೊ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆಗಿದೆ.
ಫಿಲ್ಮಿಜ್ಞಾನ್ ಎನ್ನುವ ಯ್ಯೂಟೂಬ್ ಚಾನೆಲ್‌ನಲ್ಲಿ ಮಾತನಾಡುವ ವೇಳೆ ಸಂದರ್ಶಕಿ ಪ್ರಜ್ಞಾ ಅವರಿಗೆ ಕ್ರಿಕೆಟ್ ಬಗ್ಗೆ ಆಸಕ್ತಿ ಇದೆಯೇ ಎಂದು ಕೇಳಿದ್ದಾರೆ. ಇದಕ್ಕೆ ಪ್ರತಿಕ್ರಿಯಿಸಿದ ಪ್ರಜ್ಞಾ ಹೌದು, ನನಗೆ ಟೀಮ್‌ ಇಂಡಿಯಾದ ಶುಭಮನ್ ಗಿಲ್ ಎಂದರೆ ಅಚ್ಚುಮೆಚ್ಚು. ಅವರು ತುಂಬ ಕ್ಯೂಟ್‌ ಆಗಿದ್ದಾರೆ. ಜತೆಗೆ ಸಿಂಗಲ್‌ ಕೂಡ. ನಾನು ಕೂಡ ಸಿಂಗಲ್‌ ಆಗಿದ್ದೇನೆ. ಸಾಧ್ಯವಾದರೆ ಅವರೊಂದಿಗೆ ಡೇಟಿಂಗ್‌ ಮಾಡಬೇಕೆಂಬ ಆಸೆ ಇದೆ ಎಂದರು. ಸದ್ಯ ಈ ವಿಡಿಯೊ ವೈರಲ್‌ ಆಗಿದ್ದು, ಶುಭಮನ್ ಗಿಲ್ ಅಭಿಮಾನಿಗಳು ಇದು ಸಾಧ್ಯವಿಲ್ಲ, ಗಿಲ್ ಈಗಾಗಲೇ ಸಾರಾ ತೆಂಡೂಲ್ಕರ್ ಅವರ ಮನಸ್ಸು ಗೆದ್ದಿದ್ದಾರೆ ಎಂದು ಕಮೆಂಟ್‌ ಮಾಡಿದ್ದಾರೆ.
ಪ್ರಜ್ಞಾ ಜೈಸ್ವಾಲ್ 2014 ರಲ್ಲಿ ತಮಿಳು ಭಾಷೆಯ ವಿರಟ್ಟು ಎನ್ನುವ ಸಿನಿಮಾದಲ್ಲಿ ನಟಿಸುವ ಮೂಲಕ ಚಿತ್ರರಂಗಕ್ಕೆ ಪದಾರ್ಪಣೆ ಮಾಡಿದ್ದರು. ಈಗಾಗಲೇ ಅವರು ತಮಿಳು, ತೆಲುಗು ಮತ್ತು ಹಿಂದಿ ಭಾಷೆಯಲ್ಲಿ ನಟಿಸಿ ಸೈ ಎನಿಸಿಕೊಂಡಿದ್ದಾರೆ. ಅಕ್ಷಯ್‌ ಕುಮಾರ್‌ ಜತೆ ಇದೇ ವರ್ಷ ತೆರೆಕಂಡಿದ್ದ ಖೇಲ್ ಖೇಲ್ ಮೇ ಚಿತ್ರದಲ್ಲಿಯೂ ನಟಿಸಿದ್ದರು.
ಇದನ್ನೂ ಓದಿ IPL 2025: ಹಿಂದೂ ವಿರೋಧಿ ಬಾಂಗ್ಲಾಕ್ಕೆ ಬಿಸಿ ಮುಟ್ಟಿಸಿದ ಬಿಸಿಸಿಐ
ಶುಭಮನ್ ಗಿಲ್(Shubman Gill) ಕ್ರಿಕೆಟ್ ದಿಗ್ಗಜ ಸಚಿನ್ ತೆಂಡೂಲ್ಕರ್ ಪುತ್ರಿ ಸಾರಾ ತೆಂಡೂಲ್ಕರ್(Sara Tendulkar) ಜತೆ ಡೇಟಿಂಗ್‌ ಮಾಡುತ್ತಿದ್ದಾರೆ ಎನ್ನುವ ಮಾತುಗಳು ಕಳೆದೊಂದು ವರ್ಷದಿಂದ ಕೇಳಿ ಬರುತ್ತಿದೆ.. ಆದಾಗ್ಯೂ, ಇಬ್ಬರೂ ವದಂತಿಯನ್ನು ನಿರಾಕರಿಸಿಲ್ಲ ಅಥವಾ ದೃಢಪಡಿಸಿಲ್ಲ. ಪಾಪರಾಜಿಗಳು ಇಬ್ಬರು ಸೆಲೆಬ್ರಿಟಿಗಳನ್ನು ಸಾರ್ವಜನಿಕವಾಗಿ ಸಾಕಷ್ಟು ಬಾರಿ ಪ್ರಶ್ನಿಸಿದ್ದಾರೆ.
ಸದ್ಯ ಆಸ್ಟ್ರೇಲಿಯಾ ಟೆಸ್ಟ್‌ ಪ್ರವಾಸದಲ್ಲಿರುವ ಶುಭಮನ್ ಗಿಲ್ ಎಡಗೈ ಹೆಬ್ಬೆರಳಿನ ಗಾಯಕ್ಕೆ ತುತ್ತಾಗಿ ಚೇತರಿಸಿಕೊಳ್ಳುತ್ತಿದ್ದಾರೆ. ಮೊದಲ ಪಂದ್ಯದಿಂದ ಹೊರಗುಳಿದಿದ್ದ ಗಿಲ್ ದ್ವಿತೀಯ ಪಂದ್ಯ ಆಡುವ ಬಗ್ಗೆ ಬಿಸಿಸಿಐ ಕಡೆಯಿಂದ ಯಾವುದೇ ಅಪ್‌ಡೆಟ್‌ ಇಲ್ಲ. ಮೂಲಗಳ ಪ್ರಕಾರ ಗಿಲ್ ದ್ವಿತೀಯ ಪಂದ್ಯ ಆಡುವುದು ಕೂಡ ಅನುಮಾನ ಎನ್ನಲಾಗಿದೆ. ಗಿಲ್ ಆಡದಿದ್ದರೆ. ಮೂರನೇ ಕ್ರಮಾಂಕದಲ್ಲಿ ರಾಹುಲ್‌ ಅಥವಾ ರೋಹಿತ್‌ ಇಬ್ಬರಲ್ಲಿ ಒಬ್ಬರು ಕಣಕ್ಕಿಳಿಯುವ ಸಾಧ್ಯತೆಯೂ ಇದೆ.
