ಪ್ರತಿಯೊಬ್ಬರಿಗೂ ಸಿನಿಮಾ ನಟಿಯರಂತೆ ಮೃದುವಾದ, ಕೋಮಲವಾದ ಚರ್ಮ ಮತ್ತು ಹೊಳೆಯುವ ಕೂದಲನ್ನು ಪಡೆಯುವ ಬಯಕೆ ಇರುತ್ತದೆ. ಆದರೆ ಕೆಲವರಿಗೆ ಕೆಲಸದ ಒತ್ತಡದಿಂದ ಕೂದಲು ಮತ್ತು ಚರ್ಮದ ಬಗ್ಗೆ ಕಾಳಜಿವಹಿಸಲು ಸಾಧ್ಯವಾಗುವುದಿಲ್ಲ. ಆದರೆ ಇತ್ತೀಚೆಗೆ ಸಂದರ್ಶನವೊಂದರಲ್ಲಿ, ಬಾಲಿವುಡ್‍ ನಟಿ ಅನುಷ್ಕಾ ಶರ್ಮಾ(Anushka Sharma) ತಮ್ಮ ಫಿಟ್‌ನೆಸ್‌ ರಹಸ್ಯವನ್ನು ಹೇಳಿದ್ದಾರೆ. ಅವರ ಸಲಹೆಗಳನ್ನು ನೀವು ಅನುಸರಿಸಿದರೆ ಅವರಂತೆ ಅದ್ಭುತವಾದ ಸೌಂದರ್ಯವನ್ನು ಪಡೆಯಬಹುದು. ಹಾಗಾದ್ರೆ ಅವರ ಸೌಂದರ್ಯ ರಹಸ್ಯವನ್ನು ತಿಳಿದುಕೊಳ್ಳಿ.
ಸಾಕಷ್ಟು ನೀರು ಕುಡಿಯುವುದು
ಹೆಚ್ಚು ಹೆಚ್ಚು ನೀರು ಕುಡಿಯುವುದು ಆರೋಗ್ಯಕ್ಕೆ ಬಹಳ ಮುಖ್ಯ ಎಂದು ನಟಿ ಹೇಳಿದ್ದಾರೆ. ಇದು ಚರ್ಮವನ್ನು ಹೈಡ್ರೀಕರಿಸುತ್ತದೆ. ರಕ್ತ ಪರಿಚಲನೆ ಮತ್ತು ಪಿಎಚ್ ಮಟ್ಟವನ್ನು ಸಮತೋಲನದಲ್ಲಿರಿಸುತ್ತದೆ. ಇದು ಆರೋಗ್ಯಕರ ಚರ್ಮ ಮತ್ತು ಕೂದಲಿಗೆ ಅವಶ್ಯಕವಾಗಿದೆ.
ಸಮತೋಲಿತ ಆಹಾರವನ್ನು ಸೇವಿಸಿ
ನಮ್ಮ ದೇಹಕ್ಕೆ ಅನುಗುಣವಾಗಿ ನಾವು ನಮ್ಮ ಊಟವನ್ನು ತೆಗೆದುಕೊಂಡರೆ, ಅದು ನಮ್ಮ ದೇಹವನ್ನು ಸಕ್ರಿಯವಾಗಿ ಮತ್ತು ಸದೃಢವಾಗಿಡಲು ಸಹಾಯ ಮಾಡುತ್ತದೆ. ಅದಕ್ಕಾಗಿ ನೀವು ಆಹಾರದಲ್ಲಿ ಪ್ರೋಟೀನ್‍ಗಳು, ಜೀವಸತ್ವಗಳು, ಖನಿಜಗಳು ಮತ್ತು ಒಮೆಗಾ -3 ಕೊಬ್ಬಿನಾಮ್ಲಗಳಂತಹ ಸರಿಯಾದ ಪ್ರಮಾಣದ ಪೋಷಕಾಂಶಗಳನ್ನು ಹೊಂದಿರಬೇಕು. ಇದು ತೂಕ ನಿಯಂತ್ರಣದ ಜೊತೆಗೆ ಚರ್ಮ ಮತ್ತು ಕೂದಲಿಗೆ ಉತ್ತಮವಾಗಿದೆ.
ಪ್ರತಿದಿನ ಸನ್‌ಸ್ಕ್ರೀನ್ ಹಚ್ಚಿಕೊಳ್ಳಿ
ಹೊಳೆಯುವ ಚರ್ಮಕ್ಕಾಗಿ ನಟಿ ಯಾವಾಗಲೂ ಸನ್‌ಸ್ಕ್ರೀನ್ ಬಳಸುತ್ತಾರೆ. ಇದು ನಮ್ಮ ಚರ್ಮವನ್ನು ಸೂರ್ಯನ ಹಾನಿಕಾರಕ ಕಿರಣಗಳಿಂದ ರಕ್ಷಿಸಲು ಮತ್ತು ಟ್ಯಾನಿಂಗ್ ಕಡಿಮೆ ಮಾಡಲು ಸಹಾಯ ಮಾಡುತ್ತದೆ ಎಂದು ಅವರು ನಂಬುತ್ತಾರೆ. ಅಲ್ಲದೆ, ಇದು ಮೊಡವೆ ಮತ್ತು ಕಪ್ಪು ಕಲೆಗಳನ್ನು ಕಡಿಮೆ ಮಾಡುತ್ತದೆ.
ಶಾಂಪೂ ಕಂಡೀಷನರ್ ಬಳಸಿ
ನಿಮ್ಮ ಕೂದಲನ್ನು ಬಲಪಡಿಸಲು ಮತ್ತು ಹೊಳೆಯಲು, ಶಾಂಪೂ ಮತ್ತು ಕಂಡೀಷನರ್ ಬಳಸಿ ಮತ್ತು ನಿಮ್ಮ ಆಹಾರದಲ್ಲಿ ಆರೋಗ್ಯಕರ ವಸ್ತುಗಳನ್ನು ಸೇರಿಸಿ ಎಂದು ನಟಿ ಹೇಳಿದ್ದಾರೆ.
ವ್ಯಾಯಾಮವೂ ಮುಖ್ಯ
ಆರೋಗ್ಯಕರವಾಗಿ ಮತ್ತು ಸದೃಢವಾಗಿರಲು ವ್ಯಾಯಾಮ ಅತ್ಯಗತ್ಯ ಮಾತ್ರವಲ್ಲ, ಇದು ನಿಮ್ಮ ಚರ್ಮ ಮತ್ತು ಕೂದಲಿನ ಮೇಲೂ ಪರಿಣಾಮವನ್ನುಂಟುಮಾಡುತ್ತದೆ. ಅನುಷ್ಕಾ ಅವರು ತಮ್ಮ ವರ್ಕೌಟ್ ಬಗ್ಗೆ ತುಂಬಾ ಗಮನ ಹರಿಸುತ್ತಾರೆ ಮತ್ತು ಕೆಲಸದ ಸಮಯದಲ್ಲಿಯೂ ಅವರು ಅದನ್ನು ಮಿಸ್ ಮಾಡಿಕೊಳ್ಳುವುದಿಲ್ಲ ಎಂದು ತಿಳಿಸಿದ್ದಾರೆ. ಇದು ಅವರ ದೇಹದ ತೂಕವನ್ನು ಫಿಟ್ ಆಗಿಸಲು ಸಹಾಯ ಮಾಡುತ್ತದೆ ಎಂದಿದ್ದಾರೆ.
ಇದನ್ನೂ ಓದಿ:ಕೂದಲು ಉದುರುವುದನ್ನು ತಡೆಯುವುದು ಹೇಗೆ? ನಟಿ ಕರಿಷ್ಮಾಳ ಟ್ರಿಕ್ಸ್ ಹೀಗಿದೆ
ಈ ರೀತಿಯಾಗಿ ನಟಿ ಅನುಷ್ಕಾ ಅವರ ಸೌಂದರ್ಯ ಸಲಹೆಗಳನ್ನು ನೀವು ಪಾಲಿಸುವುದರ ಮೂಲಕ ಅವರಂತೆ ಹೊಳೆಯುವ ಚರ್ಮ ಹಾಗೂ ಕೂದಲನ್ನು ಪಡೆದುಕೊಳ್ಳಿ.
