ಮಕ್ಕಳು, ವೃದ್ಧರು ಇರುವ ಮನೆಯಲ್ಲಿ ಒಂದಲ್ಲ ಒಂದು ರೀತಿಯ ಅನಾರೋಗ್ಯ ಇದ್ದೇ ಇರುತ್ತದೆ. ಜ್ವರ, ಶೀತ, ಕೆಮ್ಮು ಸಾಮಾನ್ಯವಾಗಿ ಪದೇಪದೇ ಕಾಣಿಸಿಕೊಳ್ಳುತ್ತದೆ. ಹೀಗಾಗಿ ಒಮ್ಮೆ ವೈದ್ಯರ ಬಳಿ ತೋರಿಸಿ ತಂದ ಔಷಧ (Syrup Risks) ತೆರೆದು ಉಪಯೋಗಿಸಿದ ಮೇಲೆ, ಇನ್ನೊಮ್ಮೆ ಬಳಸಬಹುದೇ ಎನ್ನುವ ಗೊಂದಲ ಕಾಡುತ್ತದೆ.
ಅನೇಕ ಜನರು ಸಿರಪ್‌ಗಳನ್ನು ಒಮ್ಮೆ ತೆರೆದು ಉಪಯೋಗಿಸಿದ ಬಳಿಕ ಸೇವಿಸಲು ಸುರಕ್ಷಿತವಾಗಿದೆಯೇ (Safe consumption of Syrup) ಎಂಬುದನ್ನು ಪರಿಗಣಿಸದೆ ಅವುಗಳನ್ನು ಬಳಸುತ್ತಾರೆ. ಮೇಪಲ್ ಸಿರಪ್ (maple syrup), ಕೆಮ್ಮು ಸಿರಪ್ (cough syrup) ಅಥವಾ ಹಣ್ಣಿನ ಸಿರಪ್ (fruit syrups) ಹೀಗೆ ಯಾವುದೇ ಸಿರಪ್ ಆಗಿರಲಿ ಅದನ್ನು ಹೇಗೆ ಸಂಗ್ರಹಿಸಲಾಗಿದೆ ಎಂಬುದರ ಆಧಾರದ ಮೇಲೆ ಅದನ್ನು ಬಳಸುವುದಕ್ಕೆ ಸುರಕ್ಷಿತವಾಗಿದೆಯೇ ಅಥವಾ ಇಲ್ಲವೇ ಎಂಬುದನ್ನು ಪರಿಗಣಿಸಲಾಗುತ್ತದೆ.
ಆರೋಗ್ಯ ಅಪಾಯಗಳನ್ನು (Health rishk) ತಪ್ಪಿಸಲು ಮತ್ತು ಅತ್ಯುತ್ತಮ ರುಚಿ ಮತ್ತು ಪರಿಣಾಮಕಾರಿತ್ವವನ್ನು ಖಚಿತಪಡಿಸಿಕೊಳ್ಳಲು ಸಿರಪ್‌ಗಳಿಗೆ ಸರಿಯಾದ ಸಂಗ್ರಹಣೆ ಮತ್ತು ಮುಕ್ತಾಯ ಮಾರ್ಗಸೂಚಿಗಳನ್ನು ತಿಳಿದುಕೊಳ್ಳುವುದು ಮುಖ್ಯ ಎನ್ನುತ್ತಾರೆ ಡಿಗಾ ಆರ್ಗ್ಯಾನಿಕ್ ಫಾರ್ಮ್ಸ್‌ನ ಆಹಾರ ವಿಜ್ಞಾನ ತಜ್ಞರಾದ ಅಲೋಕ್ ಸಿಂಗ್.
ತೆರೆದ ಬಳಿಕ ಎಷ್ಟು ಸಮಯದವರೆಗೆ ಸಿರಪ್ ಸೇವಿಸಲು ಸುರಕ್ಷಿತ?
ಸಿರಪ್‌ಗಳ ಬಾಳಿಕೆ ಅವಧಿಯು ಅದನ್ನು ಯಾವುದರಿಂದ ಮಾಡಲಾಗಿದೆ ಎಂಬುದರ ಮೇಲೂ ಅವಲಂಬಿಸಿರುತ್ತದೆ. ಮೇಪಲ್ ಸಿರಪ್ ಅನ್ನು ಒಮ್ಮೆ ತೆರೆದರೆ ರೆಫ್ರಿಜರೇಟರ್‌ನಲ್ಲಿ ಸಂಗ್ರಹಿಸಿಟ್ಟು ಸಾಮಾನ್ಯವಾಗಿ 1 ವರ್ಷದವರೆಗೆ ಇಡಬಹುದು. ಇದರಲ್ಲಿ ಕಡಿಮೆ ನೀರಿನ ಅಂಶವಿರುವುದರಿಂದ ಬ್ಯಾಕ್ಟೀರಿಯಾದ ಬೆಳವಣಿಗೆಯನ್ನು ತಡೆಯುತ್ತದೆ.
ಬೆರ್ರಿ ಹಣ್ಣುಗಳು ಅಥವಾ ಇತರ ಹಣ್ಣುಗಳಿಂದ ಮಾಡಿದಂತಹ ಹಣ್ಣಿನ ಸಿರಪ್‌ಗಳು ಸಾಮಾನ್ಯವಾಗಿ ಒಮ್ಮೆ ತೆರೆದರೆ ರೆಫ್ರಿಜರೇಟರ್‌ನಲ್ಲಿ 6 ರಿಂದ 12 ತಿಂಗಳೊಳಗೆ ಬಳಸಬೇಕು. ಈ ಸಿರಪ್‌ಗಳು ಹೆಚ್ಚು ಸಕ್ಕರೆ ಮತ್ತು ಕೆಲವೊಮ್ಮೆ ಕೃತಕ ಸಂರಕ್ಷಕಗಳನ್ನು ಒಳಗೊಂಡಿರುವುದರಿಂದ ಅವು ತಾಜಾ ಹಣ್ಣುಗಳಿಗಿಂತ ಹೆಚ್ಚು ಕಾಲ ಬಾಳಿಕೆ ಬರುತ್ತವೆ. ಆದರೆ ಅವುಗಳಲ್ಲಿ ಹೆಚ್ಚಿನ ನೀರಿನ ಅಂಶದಿಂದಾಗಿ ಹಾಳಾಗುವ ಸಾಧ್ಯತೆಯಿದೆ.
ಔಷಧೀಯ ಸಿರಪ್‌ಗಳು ಸಾಮಾನ್ಯವಾಗಿ ಮುದ್ರಿತ ಮುಕ್ತಾಯ ದಿನಾಂಕವನ್ನು ಹೊಂದಿರುತ್ತವೆ. ಅದನ್ನು ಅನುಸರಿಸಬೇಕು. ಒಮ್ಮೆ ತೆರೆದರೆ, ಅವುಗಳನ್ನು ಸಾಮಾನ್ಯವಾಗಿ 6 ತಿಂಗಳವರೆಗೆ ಸೇವಿಸಬಹುದು. ಆದರೆ ನಿರ್ದಿಷ್ಟ ಶಿಫಾರಸುಗಳಿಗಾಗಿ ಯಾವಾಗಲೂ ಪ್ಯಾಕೇಜಿಂಗ್ ಅನ್ನು ಪರಿಶೀಲಿಸಿ. ಅವುಗಳನ್ನು ತಂಪಾದ, ಶುಷ್ಕ ಸ್ಥಳದಲ್ಲಿ ಸಂಗ್ರಹಿಸುವುದು ಒಳ್ಳೆಯದು. ಇದನ್ನು ರೆಫ್ರಿಜರೇಟರ್‌ನಲ್ಲಿ ಇಡುವುದು ಅಗತ್ಯವಿಲ್ಲ.
ಸಿರಪ್ ಹಾಳಾಗಿದೆ ಎಂಬುದು ಗುರುತಿಸುವುದು ಹೇಗೆ?
ಸಿರಪ್ ಹೆಚ್ಚು ದಪ್ಪ, ಮುದ್ದೆಯಾಗಿದ್ದರೆ ಅಥವಾ ಹರಳುಗಳಂತಿದ್ದರೆ ಅದು ಸೇವಿಸಲು ಸುರಕ್ಷಿತವಾಗಿರುವುದಿಲ್ಲ.
ಬಣ್ಣದಲ್ಲಿ ಯಾವುದೇ ರೀತಿಯ ಬದಲಾವಣೆಯಾದರೆ ಅದರಲ್ಲಿ ಬ್ಯಾಕ್ಟೀರಿಯಾ ಬೆಳವಣಿಗೆ ಆಗಿದೆ ಎಂಬುದನ್ನು ಸೂಚಿಸುತ್ತದೆ.
ಹಾಳಾದ ಸಿರಪ್‌ಗಳು ಸಾಮಾನ್ಯವಾಗಿ ಹುಳಿ ಅಥವಾ ಹುದುಗಿಸಿದ ವಾಸನೆಯನ್ನು ಹೊಂದಿರುತ್ತವೆ ಅಥವಾ ಅದರೆ ರುಚಿಯಲ್ಲಿ ವ್ಯತ್ಯಾಸವಾಗಬಹುದು.
ಸಿರಪ್‌ನ ಮೇಲ್ಮೈ ಅಥವಾ ಟೋಪಿಯ ಸುತ್ತಲೂ ಹೆಚ್ಚಾಗಿ ಸಕ್ಕರೆಯಂತಹ ಅಚ್ಚು ಬೆಳವಣಿಗೆ ಆದರೆ ಸಿರಪ್ ಹಾಳಾಗಿದೆ ಎನ್ನುವುದರ ಸಂಕೇತವಾಗಿದೆ.
ರೆಫ್ರಿಜರೇಟರ್‌ನಲ್ಲಿಇಡುವುದು ಪರಿಣಾಮಕಾರಿಯೇ?
ಸಿರಪ್ ಗಳನ್ನು ರೆಫ್ರಿಜರೇಟರ್‌ನಲ್ಲಿ ಇರಿಸುವುದರಿಂದ ಅವುಗಳ ಬಾಳಿಕೆ ಅವಧಿಯನ್ನು ಹೆಚ್ಚಿಸಬಹುದು. ಉದಾಹರಣೆಗೆ ಮೇಪಲ್ ಸಿರಪ್ ಅನ್ನು ತೆರೆದ ಅನಂತರ ರೆಫ್ರಿಜರೇಟರ್‌ನ ಉಷ್ಣಾಂಶದ ಬೆಳವಣಿಗೆ ಮೇಲೆ ನಿರ್ಧರಿಸಲಾಗುತ್ತದೆ.
ಹೆಚ್ಚು ನೀರನ್ನು ಹೊಂದಿರುವ ಹಣ್ಣಿನ ಸಿರಪ್‌ಗಳುರೆಫ್ರಿಜರೇಟರ್‌ನಲ್ಲಿ ಇರಿಸುವುದರಿಂದ ಪ್ರಯೋಜನವಿದೆ. ತೇವಾಂಶವು ಬ್ಯಾಕ್ಟೀರಿಯಾದ ಬೆಳವಣಿಗೆಯನ್ನು ಉತ್ತೇಜಿಸುವ ಕಾರಣ ಹೊರಗಡೆ ಇಟ್ಟರೆ ಅವು ಹಾಳಾಗುವ ಸಾಧ್ಯತೆ ಹೆಚ್ಚು.
ಔಷಧೀಯ ಸಿರಪ್‌ಗಳನ್ನು ತಯಾರಕರು ಸೂಚಿಸದ ಹೊರತು ಸಾಮಾನ್ಯವಾಗಿ ರೆಫ್ರಿಜರೇಟರ್‌ನಲ್ಲಿ ಇಡಬಾರದು. ಯಾಕೆಂದರೆ ಈ ಸಿರಪ್‌ಗಳಲ್ಲಿ ಹೆಚ್ಚಿನವು ಸಂರಕ್ಷಕಗಳನ್ನು ಹೊಂದಿರುತ್ತವೆ. ಅದು ಕೋಣೆಯ ಉಷ್ಣಾಂಶದಲ್ಲಿ ಸ್ಥಿರತೆಯನ್ನು ಕಾಪಾಡಿಕೊಳ್ಳಲು ಸಹಾಯ ಮಾಡುತ್ತದೆ. ಆದರೆ ಅವುಗಳನ್ನು ಯಾವಾಗಲೂ ತಂಪಾದ, ಶುಷ್ಕ ಸ್ಥಳದಲ್ಲಿ ನೇರವಾದ ಸೂರ್ಯನ ಬೆಳಕಿನಿಂದ ದೂರವಿಡಬೇಕು.
ಅವಧಿ ಮೀರಿದ ಸಿರಪ್ ಬಳಸುವುದರಿಂದ ಅಪಾಯವಿದೆಯೇ?
ಸಿರಪ್‌ಗಳನ್ನು ಶಿಫಾರಸು ಮಾಡಿದ ಬಳಕೆಯ ಅವಧಿಯನ್ನು ಮೀರಿ ಸೇವಿಸುವುದರಿಂದ ಹಲವಾರು ಆರೋಗ್ಯ ಅಪಾಯಗಳನ್ನು ಉಂಟು ಮಾಡಬಹುದು.
Diabetic Tips: ಮಧುಮೇಹ ಸಮಸ್ಯೆ ಇರುವವರು ತಪ್ಪದೇ ಈ ಆಹಾರ ಸೇವಿಸಿ
ಸಿರಪ್ ಗಳನ್ನು ಬಳಸುವ ಮುನ್ನ ಮುಕ್ತಾಯ ದಿನಾಂಕ, ಸುರಕ್ಷಿತ ಸಂಗ್ರಹ ವಿಧಾನ ಗಳು ಅಥವಾ ಶಿಫಾರಸು ಮಾಡಲಾದ ಸಮಯದ ಚೌಕಟ್ಟುಗಳನ್ನು ಅನುಸರಿಸುವುದು ಯಾವಾಗಲೂ ಸುರಕ್ಷಿತವಾಗಿದೆ. ಒಂದು ಸಿರಪ್ ನೋಡಲು ಮತ್ತು ಉತ್ತಮ ವಾಸನೆಯನ್ನು ಹೊಂದಿದ್ದರೂ ಸಹ, ಅದು ಇನ್ನೂ ಹಾನಿಕಾರಕ ಸೂಕ್ಷ್ಮಜೀವಿಗಳನ್ನು ಆಶ್ರಯಿಸಬಹುದು, ವಿಶೇಷವಾಗಿ ಅದನ್ನು ಸರಿಯಾಗಿ ಸಂಗ್ರಹಿಸದಿದ್ದರೆ, ಅವರು ಪ್ರತಿಪಾದಿಸುತ್ತಾರೆ.
