ಭಜರಂಗಿ- ಭಯಾನಕ ರೂಪ ದರ್ಶನ

ಪ್ರಶಾಂತ್‌ ಟಿ.ಆರ್‌

ಶಿವರಾಜ್‌ಕುಮಾರ್ ಅಭಿನಯದ ಬಹುನಿರೀಕ್ಷಿತ ‘ಭಜರಂಗಿ 2’ ಚಿತ್ರದ ಮೋಷನ್ ಪೋಸ್ಟರ್  ರಿಲೀಸ್ ಆಗಿದ್ದು, ನೋಡುಗರ ಮೈ ಜುಂ ಎನ್ನಿಸುತ್ತಿದೆ.

ಕೈ, ಮೈಯೆಲ್ಲಾ ರಕ್ತ ಸಿಕ್ತವಾಗಿರುವ ಕಾಡಿನ ಜನ, ಅವರ ಕೈಯಲ್ಲಿ ಹರಿತವಾದ ಆಯುಧ. ತಮ್ಮ ತಂಟೆಗೆ ಬಂದ ದುರುಳರನ್ನು ಸದೆ ಬಡಿಯಲು ಸಿದ್ಧವಾಗಿರುವ ಅವರು, ದುಷ್ಟ ಶಕ್ತಿಯ ವಿರುದ್ಧ ಆರ್ಭಟ ತೋರುತ್ತಿದ್ದಾರೆ. ಈ ನಡುವೆಯೇ ಬೆಂಕಿ ಕಾರುವ ಗುಹೆ ಅಲ್ಲೆಲ್ಲ ರುಂಡಗಳ ಅಸ್ಥಿಪಂಜರ. ಅದರೊಳಗೆ ಹರಿತವಾದ ಕತ್ತಿ ಹಿಡಿದು ಅಬ್ಬರಿಸುವ ಜಾಗ್ರವ. ದುಷ್ಟರನ್ನು ಸದೆಬಡಿ ಯಲು ಹಸಿರು ಕಣ್ಣು ತೆರೆಯುವ ‘ಭಜರಂಗಿ’ ಅವತಾರದ ಶಿವಣ್ಣ. ಈ ಎಲ್ಲವೂ ಮೋಷನ್ ಪೋಸ್ಟರ್‌ನಲ್ಲಿ ಗಮನ ಸೆಳೆಯುತ್ತಿವೆ. ಇದನ್ನು ನೋಡಿದರೆ ಮತ್ತೆ ಮತ್ತೆ ನೋಡಬೇಕೆನ್ನುವ ಮನಸ್ಸಾಗುತ್ತದೆ, ಚಿತ್ರದ ಬಗೆಗೆ ಮತ್ತಷ್ಟು ಕುತೂಹಲ ಹುಟ್ಟಿಸುತ್ತದೆ. ಅದಾಗಲೇ ಸಿನಿಪ್ರಿಯರು ಚಿತ್ರವನ್ನು ಕಣ್ತುಂಬಿಕೊಳ್ಳಲು ತುದಿಗಾಲಲ್ಲಿ ನಿಂತಿದ್ದು, ಚಿತ್ರ ಬಿಡುಗಡೆಗಾಗಿ ಕಾದು ಕುಳಿತ್ತಿದ್ದಾರೆ.

ಯಾರು ಆ ಜಾಗ್ರವ

ಮೋಷನ್ ಪೋಸ್ಟರ್‌ನಲ್ಲಿ ಕತ್ತಿ ಹಿಡಿದು ರಣಕೇಕೆ ಹಾಕಿ ಆರ್ಭಟಿಸುವ ಜಾಗ್ರವ ಯಾರು ಎಂಬ ಕಾತರತೆ ಸಿನಿಪ್ರಿಯರಲ್ಲಿದೆ. ಅಷ್ಟಕ್ಕೂ ಈತ ಅಸುರನೇ, ಅಸುರ ನಾಯಕನೇ ಎಂಬ ಪ್ರಶ್ನೆ ಮನದಲ್ಲಿ ಮೂಡುತ್ತದೆ. ಈತ ಪ್ರತ್ಯಕ್ಷವಾಗುವ ಗುಹೆ, ಅಲ್ಲಿನ ರುಂಡಗಳನ್ನು ನೋಡಿದರೆ ಈತ ಅಸುರನೇ ಎಂಬುದು ಖಚಿತ ವಾಗು ತ್ತದೆ. ಈತ ಯಾಕಾಗಿ ಅಮಾಯಕರನ್ನು ಹಿಂಸಿಸುತ್ತಾನೆ ಎಂಬುದನ್ನು ತೆರೆಯ ಲ್ಲಿಯೇ ನೋಡಿ ತಿಳಿಯಬೇಕಂತೆ. ‘ಭಜರಂಗಿ 2’ ಎಂದಾಕ್ಷಣ , ಇದು ‘ಭಜರಂಗಿ’ ಚಿತ್ರದ ಮುಂದುವರಿದ ಭಾಗವಾಗಿರಬೇಕು ಎಂದು ಹಲವರು ಅಂದುಕೊಂಡಿದ್ದರು.

ಖಂಡಿತಾ ಅಲ್ಲ , ಚಿತ್ರದ ಶೀರ್ಷಿಕೆ ಮಾತ್ರ ‘ಭಜರಂಗಿ’ ಎಂದಿದೆ, ಆದರೆ ಕಥೆ ಹೊಸತಾಗಿದೆ. ‘ಭಜರಂಗಿ’ಗೂ, ‘ಭಜರಂಗಿ 2’ ಚಿತ್ರದ
ಕಥೆಗೂ ಯಾವುದೇ ಸಂಬಂಧವಿಲ್ಲ ಎನ್ನುತ್ತಾರೆ ನಿರ್ದೇಶಕ ಹರ್ಷ. ಹಾಗಾದರೆ ‘ಭಜರಂಗಿ 2’ ರಲ್ಲಿ ಅಂತಹ ವಿಶೇಷ ಏನಿದೆ
ಎಂದರೆ ಅದಕ್ಕೆ ಚಿತ್ರ ನೋಡಿಯೇ ತಿಳಿಯಬೇಕು ಎನ್ನುತ್ತಾರೆ ನಿರ್ದೇಶಕರು.

ಅಸುರ ಮರ್ದನ
ಈ ಹಿಂದೆ ತೆರೆಕಂಡ ‘ಭಜರಂರಂಗಿ’ ಅದೊಂದು ಕಾಡು, ಅಲ್ಲಿ ನೆಮ್ಮದಿಯಿಂದ ನೆಲೆಕಂಡುಕೊಂಡಿದ್ದ ಅಮಾಯಕ ಜನರನ್ನು
ರಾಕ್ಷಸನೊಬ್ಬ ಬೆಂಬಿಡದೆ ಕಾಡುತ್ತಿರುತ್ತಾನೆ. ಆತನನ್ನು ‘ಭಜರಂಗಿ’ ವರಪ್ರಸಾದದಿಂದ ಹುಟ್ಟಿದ ನಾಯಕ ಸಂಹಾರ ಮಾಡು ತ್ತಾನೆ. ಅಲ್ಲಿನ ಜನತೆಗೆ ಮತ್ತೆ ನೆಮ್ಮದಿಯ ಬದುಕನ್ನು ಕಟ್ಟಿಕೊಡುತ್ತಾನೆ. ‘ಭಜರಂಗಿ 2’ ಚಿತ್ರದಲ್ಲಿಯೂ ಇದೇ ರೀತಿಯ ಕಥೆ ಇರಬಹುದ ಅನ್ನಿಸಬಹುದು, ಖಂಡಿತಾ ಇದೆ. ಅಂತಹದ್ದೇ ರೋಚಕ ಕಥೆಯನ್ನು ಸ್ವಲ್ಪ ಭಿನ್ನವಾಗಿ ಕಟ್ಟಿಕೊಡುವ ಪ್ರಯತ್ನ ಮಾಡಲಾಗಿದೆ ಎನ್ನುತ್ತಾರೆ ಹರ್ಷ.

ವಿಭಿನ್ನತೆಯ ಮಜಲು
‘ಭಜರಂಗಿ 2’ ಮನೆಮಂದಿಯೆಲ್ಲಾ ಕುಳಿತು ನೋಡಬಹುದಾದ ಕೌಟುಂಬಿಕ ಕಥೆಯ ಚಿತ್ರ. ಪ್ರತಿ ದೃಶ್ಯವೂ ಪ್ರೇಕ್ಷಕರಿಗೆ ಇಷ್ಟ ವಾಗಲಿದೆ ಎಂಬುದು ನಿರ್ದೇಶಕರ ಮಾತು. ಇಲ್ಲಿ ಪ್ರತಿ ಪಾತ್ರವೂ ವಿಭಿನ್ನವಾಗಿ ಮೂಡಿಬಂದಿದೆ. ಶಿವಣ್ಣ ‘ಭಜರಂಗಿ’
ಅವತಾರ ತಾಳಿದರೆ, ನಟಿ ಶ್ರುತಿ ವಿಶೇಷ ಪಾತ್ರದಲ್ಲಿ ಬಣ್ಣಹಚ್ಚಿದ್ದಾರೆ. ಅವರ ಲುಕ್ ಈಗಾಗಲೇ ವೈರಲ್ ಆಗಿದ್ದು, ಶ್ರುತಿ
ನೆಗೆಟಿವ್ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ ಎಂದು ಅನ್ನಿಸುತ್ತದೆ. ಇನ್ನು ನಾಯಕಿಯಾಗಿ ಭಾವನಾ ನಟಿಸಿದ್ದು, ಸಿಂಪಲ್ ಲುಕ್‌ನಲ್ಲೇ ಗಮನ ಸೆಳೆಯುತ್ತಾರೆ.

ಈಗಾಗಲೇ ಡಬ್ಬಿಂಗ್ ಮುಗಿಸಿರುವ ಚಿತ್ರತಂಡ, ಕುಂಬಳ ಕಾಯಿಯನ್ನು ಒಡೆದಿದ್ದು, ಮೇ 14 ರಂದು ‘ಭಜರಂಗಿ 2’ ಭರ್ಜರಿಯಾಗಿ ತೆರೆಗೆ ಬರಲಿದೆ.