ಬೆವರಿನಿಂದ ವಿದ್ಯುತ್ ಉತ್ಪಾದನೆ

ಟೆಕ್‌ ಸೈನ್ಸ್

ಎಲ್‌.ಪಿ.ಕುಲಕರ್ಣಿ

ಕೈಬೆರಳಿನ ತುದಿಯ ಬೆವರಿನಿಂದ ವಿದ್ಯುತ್ ಉತ್ಪಾದನೆಯ ವಿಧಾನವನ್ನು ಕಂಡುಹಿಡಿಯಲಾಗಿದ್ದು, ಭವಿಷ್ಯದಲ್ಲಿ ಇಂತಹ ಶಕ್ತಿಮೂಲಗಳ ಬಳಕೆ ಹೆಚ್ಚು ಹೆಚ್ಚು
ಉಪಯೋಗಕ್ಕೆ ಬರಲಿದೆ.

ನಾವಿಂದು ಧುಮ್ಮಿಕ್ಕುವ ಜಲಪಾತದ ಕೆಳಗೆ ಟರ್ಬೈನ್ ಗಳನ್ನು ತಿರುಗಿಸಿ, ಗಾಳಿ ಹೆಚ್ಚಾಗಿ ಬೀಸುವ ಕಡೆಗಳಲ್ಲಿ ಗಾಳಿಯಂತ್ರಗಳು ತಿರುಗುವಂತೆ ಮಾಡಿ, ಸೋಲಾರ್ ಪ್ಯಾನಲ್‌ಗಳನ್ನು ಜೋಡಿಸಿ ಸೂರ್ಯನ ಬೆಳಕನ್ನು ಸಂಗ್ರಹಿಸಿ, ಉಷ್ಣ ಸ್ಥಾವರಗಳಲ್ಲಿ ಕಲ್ಲಿದ್ದಲನ್ನು ಉರಿಸಿ, ಅಣು ಸ್ಥಾವರಗಳಲ್ಲಿ ವಿಕಿರಣ ಪದಾರ್ಥ ಬಳಸಿ, ಹೀಗೆ ಹಲವು ವಿಧಾನಗಳಲ್ಲಿ ವಿದ್ಯುತ್ತನ್ನು ಪಡೆಯುತ್ತಿದ್ದೇವೆ.

ಆದರೆ, ನಮ್ಮ ಕೈಬೆರಳುಗಳಿಗೆ ಸ್ಟಿಕರ್‌ನ್ನು ಅಂಟಿಸುವ ಮೂಲಕ ಬೆರಳ ಚಲನೆ ಹಾಗೂ ದೇಹದಲ್ಲಿ ಉತ್ಪತ್ತಿ ಯಾಗೋ ಬೆವರಿನಿಂದ ವಿದ್ಯುತ್ತನ್ನು ಉತ್ಪಾದಿಸಿದರೆ ಹೇಗಿರುತ್ತದಲ್ಲವೇ? ಇದೇನಿದು ಕೇಳೋಕೆ ಮಜ ವಾಗಿದೆಯಲ್ಲ ಅನ್ನಿಸಬಹುದು. ಹೌದು, ಇಂತಹದೊಂದು ಪ್ರಶ್ನೆ ವಿಜ್ಞಾನಿಗಳ ಮಿದುಳಿನಲ್ಲಿ ಮೂಡಿದ್ದೇ ತಡ, ಅದನ್ನು ಕಾರ್ಯಗತಗೊಳಿಸಿ ಸಾಧಿಸಿ ತೋರಿಸಿದ್ದಾರೆ. ಈ ಕುರಿತು ಸ್ಯಾನ್ ಡಿಯಾಗೋ ವಿಶ್ವವಿದ್ಯಾ ಲಯದ ಪತ್ರಿಕೆಯ ಇದೇ ಜುಲೈ ತಿಂಗಳ ಸಂಚಿಕೆಯಲ್ಲಿ ಲೇಖನವೊಂದು ಪ್ರಕಟಗೊಂಡಿದೆ.

ಬೆರಳಿಗೆ ಅಂಟಿಸಬಹುದಾದ ಈ ಸೆನ್ಸಿಬಲ್ ಸ್ಟಿಕರ್ ಸ್ಪರ್ಶವು, ಸಣ್ಣ ಎಲೆಕ್ಟ್ರಾನಿಕ್ಸ್ ಮತ್ತು ಸಂವೇದಕಗಳಿಗೆ ಶಕ್ತಿಯ ಮೂಲವಾಗಿ ಪರಿವರ್ತಿಸುತ್ತದೆ. ಈ ಕುರಿತು ಕ್ಯಾಲಿ-ರ್ನಿಯಾದ ಸ್ಯಾನ್ ಡಿಯಾಗೋ ವಿಶ್ವವಿದ್ಯಾ ಲಯದ ಇಂಜಿನಿಯರ್‌ಗಳು ಅಧ್ಯಯನ ನಡೆಸಿ ಸಾಽಸಿ ತೋರಿಸಿzರೆ. ಅದಕ್ಕೆಂದೇ ಅವರು, ವಿಶೇಷವಾದ ತೆಳುವಾದ ಪಟ್ಟಿಯೊಂದನ್ನು ಅಭಿವೃದ್ಧಿ ಪಡಿಸಿ, ಅದನ್ನು ಬೆರಳ ತುದಿಯಲ್ಲಿ ಧರಿಸುವಂತೆ ಮಾಡಿ , ವ್ಯಕ್ತಿಯ ಬೆರಳು, ಬೆವರು ಅಥವಾ ಅದರ ಮೇಲೆ ಒತ್ತಿದಾಗ ಸಣ್ಣ ಪ್ರಮಾಣದ ವಿದ್ಯುತ್ ಉತ್ಪಾದನೆಯಾಗುವುದನ್ನು ಕಂಡುಕೊಂಡಿದ್ದಾರೆ.

ಈ ಬೆವರು-ಇಂಧನ ಸಾಧನದ ವಿಶೇಷತೆಯೆಂದರೆ, ಧರಿಸಿದವರು ನಿದ್ದೆ ಮಾಡುವಾಗ ಇಲ್ಲವೇ ಕುಳಿತುಕೊಂಡಿರುವಾಗಲೂ ಅದು ತನ್ನಷ್ಟಕ್ಕೆ ತಾನು ವಿದ್ಯುತ್
ಉತ್ಪಾದಿಸುತ್ತಿರುತ್ತದೆ. ಒಬ್ಬ ವ್ಯಕ್ತಿಯು ಚಲಿಸದಿದ್ದರೂ ಸಹ ಆತನ ಬೆವರಿನಿಂದ ಹೊರತೆಗೆಯಬಹುದಾದ ಶಕ್ತಿಯನ್ನು ಹೇಗೆ ಬಳಸಿಕೊಳ್ಳಬೇಕೆಂಬ ಅಂಶವನ್ನು
ಸಂಶೋಧಕರು ಈಗ ಕಂಡುಕೊಂಡಿದ್ದಾರೆ. ಇದೇ ಮೊದಲಬಾರಿಗೆ ಇಂತಹದೊಂದು ಸಾಧನವನ್ನು ಕಂಡು ಹಿಡಿಯಲಾಗಿದೆ ಎಂದು, ಯುಸಿ ಸ್ಯಾನ್ ಡಿಯಾಗೋ ಜೇಕಬ್ಸ ಸ್ಕೂಲ್ ಆಫ್ ಎಂಜಿನಿಯರಿಂಗ್ ನ, ನ್ಯಾನೊ ಇಂಜಿನಿಯರಿಂಗ್ ವಿಭಾಗದಲ್ಲಿ ಪಿಚ್.ಡಿ ದ್ಯಾರ್ಥಿ ಹಾಗೂ ಈ ಸಂಶೋಧನೆ ಕುರಿತಾಗಿ ಲೇಖನ ಬರೆದ ಲುಯಿನ್ ಎಂಬುವರು ಹೇಳುತ್ತಾರೆ. ‘ಇತರ ಬೆವರು-ಚಾಲಿತ ದಿರಿಸುಗಳಂತೆ ಇದು ಕಷ್ಟದಾಯಕ ವ್ಯಾಯಾಮಗಳನ್ನು ಬಯಸುವುದಿಲ್ಲ. ವ್ಯಕ್ಯಿ, ಕೇವಲ ತಾನು ಕುಳಿತ ಬೆವರುವ ಆ ಸಣ್ಣ ಪ್ರಮಾಣದ ಬೆವರಿನಿಂದಲೂ ಸಹ ವಿದ್ಯುತ್‌ನ್ನು ಉತ್ಪಾದಿಸಬಲ್ಲದು’ ಎನ್ನುತ್ತಾರೆ ಸಂಶೋಧಕರು.

ಟೈಪಿಂಗ್‌ನಿಂದ ವಿದ್ಯುತ್
ಈ ಸಾಧನವು ಲಘು ಬೆರಳು ಮುದ್ರಣಗಳಿಂದ ಹೆಚ್ಚುವರಿ ಶಕ್ತಿಯನ್ನು ಉತ್ಪಾದಿಸುತ್ತದೆ – ಆದ್ದರಿಂದ ಟೈಪ್ ಮಾಡುವುದು, ಸಂದೇಶ ಕಳುಹಿಸುವುದು,
ಪಿಯಾನೋ ನುಡಿಸುವುದು ಅಥವಾ ಮೋರ್ಸ್ ಕೋಡ್‌ನಲ್ಲಿ ಟ್ಯಾಪ್ ಮಾಡುವುದು ಮುಂತಾದ ಚಟುವಟಿಕೆಗಳು ಸಹ ಶಕ್ತಿಯ ಮೂಲಗಳಾಗಿ ಇಲ್ಲಿ
ಪರಿಣಮಿಸಬಹುದು. ಸ್ಪರ್ಶವನ್ನು ಒಳಗೊಂಡ ಯಾವುದೇ ದೈನಂದಿನ ಚಟುವಟಿಕೆಯಲ್ಲಿ ಇದನ್ನು ಬಳಸಬಹುದು ಎಂದು ನಾವು ಅರಿತಿದ್ದೇವೆ. ಮನೆ
ಕೆಲಸ ಮಾಡುವಾಗ, ಟಿವಿ ನೋಡುವಾಗ ಅಥವಾ ಊಟ ಮಾಡುವಾಗ ಹೀಗೆ ದೇಹ ಚಲನೆಯ ಯಾವುದೇ ಸಾಮಾನ್ಯ ಕೆಲಸವಾದರೂ ಸರಿ, ಈ ಸಾಧನ ಕಾರ್ಯನಿರ್ವಹಿಸುತ್ತದೆ ಎಂದು ಯುಸಿ ಸ್ಯಾನ್ ಡಿಯಾಗೋದ ನ್ಯಾನೊ ಎಂಜಿನಿಯರಿಂಗ್ ವಿಭಾಗದ ಪ್ರಾಧ್ಯಾಪಕ ಜೋಸೆಫ್ ವಾಂಗ್ ತಮ್ಮ ಅಭಿಪ್ರಾಯವನ್ನು ವ್ಯಕ್ತಪಡಿಸುತ್ತಾರೆ.

ಈ ಸಾಧನವು ತನ್ನ ಹೆಚ್ಚಿನ ಶಕ್ತಿಯನ್ನು ಬೆರಳ ತುದಿಯಿಂದ ಉತ್ಪತ್ತಿಯಾಗುವ ಬೆವರಿನಿಂದ ಪಡೆಯುತ್ತದೆ. ಬೆರಳುಗಳು 24 ಗಂಟೆಗಳ ಬೆವರಿನ ಕಾರ್ಖಾನೆ ಗಳಾಗಿವೆ. ಇವು, ದೇಹದ ಮೇಲಿನ ಬೆವರುವ ತಾಣಗಳಲ್ಲಿ ಒಂದಾಗಿವೆ ಎಂಬುದು ನಮಗೆ ತಿಳಿದಿರುವ ಸಂಗತಿ. ಪ್ರತಿಯೊಂದು ಬೆರಳೂ ಸಹ ಸಾವಿರಕ್ಕೂ ಹೆಚ್ಚು ಬೆವರು ಗ್ರಂಥಿಗಳಿಂದ ತುಂಬಿರುತ್ತದೆ ಮತ್ತು ದೇಹದ ಇತರ ಭಾಗಗಳಿಗಿಂತ 100 ರಿಂದ 1000 ಪಟ್ಟು ಹೆಚ್ಚು ಬೆವರು ಉತ್ಪಾದಿಸುತ್ತದೆ. ದೇಹದ ಇತರ ಭಾಗ ಗಳಲ್ಲಿ ನಾವು ಬೆವರುವಂತೆ ಭಾವಿಸಲು ಕಾರಣ ಆ ತಾಣಗಳಲ್ಲಿ ಚೆನ್ನಾಗಿ ಗಾಳಿ ಆಡದೇ ಇರುವುದಾಗಿದೆ ಎಂದು ಲಿ ಯಿನ್ ತಿಳಿಸುತ್ತಾರೆ. ಇದಕ್ಕೆ ತದ್ವಿರುದ್ಧ ವಾಗಿ, ಬೆರಳುಗಳು ಯಾವಾಗಲೂ ಗಾಳಿಗೆ ಒಡ್ಡಿಕೊಳ್ಳುತ್ತವೆ.

ಆದ್ದರಿಂದ ಬೆವರು ಹೊರಬರುತ್ತಿದ್ದಂತೆ ಬೇಗನೇ ಆವಿಯಾಗುತ್ತದೆ. ಆದ್ದರಿಂದ ಆವಿಯಾಗಲು ಬಿಡುವುದಕ್ಕಿಂತ ಹೆಚ್ಚಾಗಿ, ಈ ಬೆವರುವಿಕೆಯನ್ನು ಸಂಗ್ರಹಿಸಲು ನಾವು ನಮ್ಮ ಸಾಧನವನ್ನು ಬಳಸುತ್ತೇವೆ ಮತ್ತು ಇದು ಗಮನಾರ್ಹ ಪ್ರಮಾಣದ ಶಕ್ತಿಯನ್ನು ಉತ್ಪಾದಿಸುತ್ತದೆ. ಎಂದು ಸಂಶೋಧನಾ ತಂಡ ಹೇಳುತ್ತಿದೆ. ಆದರೆ
ಯಾವುದೇ ಬೆವರು ಇಂಧನ ಸಾಧನವು ಬೆರಳ ತುದಿಯಲ್ಲಿ ಸುಲಭವಾಗಿ ಕೆಲಸ ಮಾಡಲು ಸಾಧ್ಯವಿಲ್ಲ.

ಅಂತಹ ಸಣ್ಣ ಪ್ರದೇಶದಿಂದ ಬೆವರು ಸಂಗ್ರಹಿಸುವುದು ಮತ್ತು ಅದನ್ನು ಉಪಯುಕ್ತವಾಗಿಸಲು ಕೆಲವು ನವೀನ ಇಂಜಿನಿಯರಿಂಗ್ ವಸ್ತುಗಳ ಅಗತ್ಯವಿದೆ ಎಂದು
ಯಿನ್ ವಿವರಿಸುತ್ತಾರೆ. ಈ ಮಾನವ ಬೆವರಿನ ರಾಸಾಯನಿಕಗಳನ್ನು ವಿದ್ಯುತ್ ಶಕ್ತಿಯನ್ನಾಗಿ ಪರಿವರ್ತಿಸುವಲ್ಲಿ ಹೀರಿಕೊಳ್ಳುವ ಮತ್ತು ಪರಿಣಾಮಕಾರಿ ಯಾಗಿರಲು ಸಂಶೋಧಕರು ಸಾಧನದ ವಿವಿಧ ಭಾಗಗಳನ್ನು ವಿಶೇಷ ಕಾಳಜಿವಹಿಸಿ ನಿರ್ಮಿಸಬೇಕಾಗಿ ಬಂತು.

ಬ್ಯಾಂಡ್ ಏಡ್ ಸ್ವರೂಪ
ಈ ಸಾಧನವು ತೆಳುವಾದ, ಹೊಂದಿಕೊಳ್ಳುವ ಪಟ್ಟಿಯಾಗಿದ್ದು ಅದನ್ನು ಬ್ಯಾಂಡ್ ಏಡ್ ನಂತೆಯೇ ಬೆರಳ ತುದಿಯಲ್ಲಿ ಸುತ್ತಿಕೊಳ್ಳಬಹುದು. ಇಂಗಾಲದ ಫೋಮ್ ವಿದ್ಯುದ್ವಾರಗಳ ಪ್ಯಾಡಿಂಗ್ ಬೆವರುವಿಕೆಯನ್ನು ಹೀರಿಕೊಳ್ಳುತ್ತದೆ ಮತ್ತು ಅದನ್ನು ವಿದ್ಯುತ್ ಶಕ್ತಿಯನ್ನಾಗಿ ಪರಿವರ್ತಿಸುತ್ತದೆ. ವಿದ್ಯುದ್ವಾರಗಳು ಕಿಣ್ವಗಳನ್ನು ಹೊಂದಿದ್ದು, ವಿದ್ಯುತ್ ಉತ್ಪಾದಿಸಲು ಬೆವರಿನ ಲ್ಯಾಕ್ಟೇಟ್ ಮತ್ತು ಆಮ್ಲಜನಕದ ಅಣುಗಳ ನಡುವೆ ರಾಸಾಯನಿಕ ಪ್ರತಿಕ್ರಿಯೆಗಳನ್ನು ಪ್ರಚೋದಿಸುತ್ತದೆ.

ವಿದ್ಯುದ್ವಾರಗಳ ಕೆಳಗೆ ಪೈಜೋಎಲೆಕ್ಟ್ರಿಕ್ ವಸ್ತು ಎಂದು ಕರೆಯಲ್ಪಡುವ ಚಿಪ್ ಇದೆ. ಅದನ್ನು ಒತ್ತಿದಾಗ ಹೆಚ್ಚುವರಿ ವಿದ್ಯುತ್ ಶಕ್ತಿಯನ್ನು ಉತ್ಪಾದಿಸುತ್ತದೆ.
ಧರಿಸಿದವರು ಪಟ್ಟಿಯ ಮೇಲೆ ಬೆವರು ಸುರಿಸಿದಾಗ ಇಲ್ಲವೇ ಒತ್ತಿದಾಗ, ವಿದ್ಯುತ್ ಶಕ್ತಿಯು ಸಣ್ಣ ಕೆಪ್ತಾಟರ್‌ನಲ್ಲಿ ಸಂಗ್ರಹವಾಗುತ್ತದೆ ಮತ್ತು ಅಗತ್ಯವಿದ್ದಾಗ ಇತರ ಸಾಧನಗಳಿಗೆ ಬಿಡುಗಡೆಯಾಗುತ್ತದೆ. ಜಡ ಚಟುವಟಿಕೆಗಳನ್ನು ಮಾಡುವಾಗ ಸಂಶೋಧಕರು ಒಂದು ಬೆರಳ ತುದಿಯಲ್ಲಿ ಸಾಧನವನ್ನು ಧರಿಸುತ್ತಾರೆ.

10 ಗಂಟೆಗಳ ನಿದ್ರೆಯಿಂದ, ಸಾಧನವು ಸುಮಾರು 00 ಮಿಲಿಜೂಲ್ ಶಕ್ತಿಯನ್ನು ಸಂಗ್ರಹಿಸುತ್ತದೆ – ಎಲೆಕ್ಟ್ರಾನಿಕ್ ಕೈಗಡಿಯಾರವನ್ನು 24 ಗಂಟೆಗಳ ಕಾಲ
ವಿದ್ಯುತ್ ಚಾರ್ಜ್ ಮಾಡಲು ಇದು ಸಾಕಾಗುತ್ತದೆ. ಕ್ಯಾಶುಯಲ್ ಟೈಪಿಂಗ್ ಮತ್ತು ಮೌಸ್ ಕ್ಲಿಕ್ ಮಾಡುವ ಒಂದು ಗಂಟೆಯಿಂದ, ಸಾಧನವು ಸುಮಾರು 30 ಮಿಲಿಜೌಲ್ ಗಳಷ್ಟು ವಿದ್ಯುತ್ ಶಕ್ತಿಯನ್ನು ಸಂಗ್ರಹಿಸುತ್ತದೆ. ಸನಿಹದಲ್ಲಿ ವಿದ್ಯುತ್ ಮೂಲ ಇಲ್ಲದಿರುವ ಪ್ರದೇಶಗಳಲ್ಲಿ, ಈ ಶಕ್ತಿ ಮೂಲವು ಬಹಳಷ್ಟು
ಉಪಯೋಗಕ್ಕೆ ಬರಬಲ್ಲದು.