ನವದೆಹಲಿ: ಹಿಂದೆ ಬಿಬಿಸಿಯಲ್ಲಿ ಹಿಂದಿ ವಾರ್ತೆಗಳನ್ನು ಓದುವ ಮೂಲಕ ಬಿಬಿಸಿಯಲ್ಲಿ ಮೊದಲ ಬಾರಿಗೆ ಹಿಂದಿಯಲ್ಲಿ ವಾರ್ತೆ ವಾಚಿಸಿದ ಮಹಿಳೆ ಎಂಬ ಖ್ಯಾತಿಗೆ ಪಾತ್ರರಾಗಿದ್ದ ರಜನಿ ಕೌರ್ ಫರಿದಾಭಾದ್ನಲ್ಲಿ ನಿಧನರಾಗಿದ್ದಾರೆ. ಅವರಿಗೆ 93 ವರ್ಷ ವಯಸ್ಸಾಗಿತ್ತು.
ಪೇಶಾವರದಲ್ಲಿ ಜನಿಸಿ ಪಾಕಿಸ್ತಾನದಲ್ಲಿ ನೆಲೆಸಿದ್ದ ರಜನಿ ದೆಹಲಿಯ ಆಲ್ ಇಂಡಿಯಾ ರೇಡಿಯೋದಲ್ಲಿಯೂ ಕೆಲಸ ಮಾಡಿದ್ದರು. ಬಳಿಕ ವಾಷಿಂಗಟ್ನ್ನ ವಾಯ್ಸ್ ಆಫ್ ಅಮೇರಿಕ ಹಾಗೂ ಲಂಡನ್ನಲ್ಲಿ ಬಿಬಿಸಿಯಲ್ಲಿ ಸೇವೆ ಸಲ್ಲಿಸಿದ್ದಾರೆ.
ಬಿಬಿಸಿ ಹಿಂದಿ ಚಾನೆಲ್ ಸೇರಿದ ಮೊದಲ ಮಹಿಳೆ ಹಾಗೂ ಬಿಬಿಸಿಯಲ್ಲಿ ಹಿಂದಿ ವಾರ್ತೆ ವಾಚಿಸಿದ ಮೊದಲ ಮಹಿಳೆ ಎಂಬ ಕೀರ್ತಿಯೂ ಇವರಿಗೆ ಸಲ್ಲುತ್ತದೆ. ರಜನಿ ಎಮಿನೆಂಟ್ ಬ್ರಾಡ್ಕಾಸ್ಟ್ ಪತ್ರಕರ್ತ ದಿ.ಮಹೇಂದ್ರ ಕೌಲ್ ಜೊತೆ ವಿವಾಹವಾಗಿದ್ದರು.
