2020-21ರ ಬಜೆಟ್‌ ಘೋಷಣೆಯಾಗಿದ್ದು, ಕೆಲ ವಸ್ತುಗಳು ಅಗ್ಗ ಹಾಗೂ ಕೆಲ ವಸ್ತುಗಳು ತುಟ್ಟಿಯಾಗಿವೆ. ಗೃಹಬಳಕೆ ಹಾಗೂ ಎಲೆಕ್ಟ್ರಾನಿಕ್ ವಸ್ತುಗಳ ಮೇಲಿನ ಆಮದು ಸುಂಕವನ್ನು ಕೇಂದ್ರ ಸರ್ಕಾರ ಹೆಚ್ಚಿಸಿದೆ. ಈ ಕಾರಣದಿಂದ ಇವುಗಳ ಬೆಲೆಗಳಲ್ಲಿ ಏರಿಕೆ ಕಂಡುಬರಲಿದೆ.
ರೆಫ್ರಿಜರೇಟರ್‌ಗಳು ಹಾಗೂ ಏರ್‌ ಕಂಡೀಷನರ್‌ ಕಂಪ್ರೆಸ್ಸರ್‌ಗಳ ಮೇಲಿನ ತರಿಗೆಯನ್ನು 10%ನಿಂದ 12.5%ಗೆ ಏರಿಕೆ ಮಾಡಲಾಗಿದ್ದರೆ, ಸಣ್ಣ ಮೋಟರ್‌ಗಳ ಮೇಲಿನ ಕರವನ್ನು 7.5% ರಿಂದ 10%ಗೆ ವರ್ಧಿಸಲಾಗಿದೆ. ಸ್ಥಳೀಯ ಉತ್ಪಾದಕರನ್ನು ಉತ್ತೇಜಿಸುವ ಸಲುವಾಗಿ ಆಮದು ಮಾಡಿಕೊಳ್ಳಲಾದ ಎಲೆಕ್ಟ್ರಾನಿಕ್ ಗ್ಯಾಜೆಟ್‌ಗಳು ಅಥವಾ ಅವುಗಳ ಭಾಗಗಳ ಮೇಲೆ ಸುಂಕ ಏರಿಕೆ ಮಾಡಲಾಗಿದೆ.
| ದುಬಾರಿ
ಟೇಬಲ್‌ ಫ್ಯಾನ್‌, ಸೀಲಿಂಗ್ ಫ್ಯಾನ್‌ ವಾಷಿಂಗ್‌ ಮಷೀನ್‌, ಏರ್‌ ಕಂಡೀಷನರ್‌, ಆಮದು ಮಾಡಿಕೊಳ್ಳಲಾದ ರೆಫ್ರಿಜರೇಟರ್‌ಗಳು. ಹೇರ್‌ ಡ್ರೈಯರ್‌ಗಳು ಹಾಗೂ ಸಂಬಂಧಿತ ವಸ್ತುಗಳು. ಎಲೆಕ್ಟ್ರಿಕ್ ಇಸ್ರಿಪೆಟ್ಟಿಗೆಗಳು. ಫೀಚರ್‌ ಫೋನ್‌ಗಳು. ಮೊಬೈಲ್‌ ಫೋನ್‌ಗಳಲ್ಲಿ ಬಳಸುವ ಪ್ರಿಂಟೆಡ್‌ ಸರ್ಕ್ಯೂಟ್‌ ಬೋರ್ಡ್ ಅಸೆಂಬ್ಲಿ (PCBA), ಡಿಸ್‌ಪ್ಲೇ ಪ್ಯಾನಲ್‌ & ಟಚ್‌ ಅಸೆಂಬ್ಲಿ, ಫಿಂಗರ್‌ ಪ್ರಿಂಟ್‌ ರೀಡರ್‌ಗಳು. ಆಮದು ಮಾಡಿಕೊಳ್ಳಲಾದ ಹೆಡ್‌ ಫೋನ್‌ಗಳು & ಇಯರ್‌ ಫೋನ್‌ಗಳು |
|
ಅಗ್ಗ
ಮೈಕ್ರೋಫೋನ್‌ಗಳು ದೇಶೀಯವಾಗಿ ಉತ್ಪಾದಿಸಲಾದ ಎಲೆಕ್ಟ್ರಿಕ್ ವಾಹನಗಳು |
