ಚಕ್ರವ್ಯೂಹ, ಪದ್ಮವ್ಯೂಹ ಚಿತ್ರಗಳ ಸಾಲಿಗೆ ಈಗ ರಣವ್ಯೂಹ ಚಿತ್ರವು ಸೇರ್ಪಡೆಯಾಗಿದೆ. ಚಿತ್ರದ ಟ್ರೇಲರ್ ರಿಲೀಸ್ ಆಗಿದ್ದು, ನಿರೀಕ್ಷೆ ಹೆಚ್ಚಿಸಿದೆ.
ಕರ್ನಾಟಕ ಚಲನಚಿತ್ರ ವಾಣಿಜ್ಯ ಮಂಡಳಿ ಅಧ್ಯಕ್ಷ ಭಾ.ಮಾ.ಹರೀಶ್ ಟ್ರೇಲರ್ ರಿಲೀಸ್ ಮಾಡಿ ಚಿತ್ರತಂಡಕ್ಕೆ ಶುಭ ಕೋರಿದರು. ಶಿರಡಿ ಸಾಯಿ ಮೂವೀಸ್ ಬ್ಯಾನರ್‌ನಲ್ಲಿ ವೇಣುಕುಮಾರ್.ಎಂ.ಜಿ ಬಂಡವಾಳ ಹೂಡಿದ್ದಾರೆ.
ಎಸ್.ಎಸ್.ಶಂಕರ್‌ನಾಗ್ ನಿರ್ದೇಶನದಲ್ಲಿ ಚಿತ್ರವು ಮೂಡಿಬಂದಿದೆ. ಕಥೆಯಲ್ಲಿ ಪ್ರತಿಯೊಂದು ಪಾತ್ರಗಳು ಪ್ರತ್ಯೇಕವಾಗಿದ್ದು, ಎಲ್ಲಾ ಕಡೆ ಮಾರ್ಪಾಟುಗಳು ಇರುತ್ತದೆ. ಒಬ್ಬ ಮನುಷ್ಯನಲ್ಲಿ ಆಂತರಿಕವಾಗಿ ಮೈಂಡ್‌ಸೆಟ್ ತುಂಬಿರುತ್ತದೆ. ಒಳ್ಳೆಯವನು, ಕೆಟ್ಟವನು ಅಂತ ಹೊರಗಡೆಯಿಂದ ಹೇಳಲಾಗುವುದಿಲ್ಲ. ಕಾಲ ಕಳೆದಂತೆ ಬದಲಾವಣೆ ಆಗುತ್ತಾ ಹೋಗುತ್ತದೆ.
ಕೊನೆಗೆ ಏನಾಗುತ್ತದೆ ಎಂಬುದೇ ಚಿತ್ರದ ಒನ್ ಲೈನ್ ಸ್ಟೋರಿ. ಜತೆಗೆ ಎನ್‌ಜಿಓ ಅಂಶ ಗಳನ್ನು ತೆಗೆದುಕೊಳ್ಳಲಾಗಿದ್ದು, ಇದನ್ನು ಏತಕ್ಕಾಗಿ ಬ್ಯಾನ್ ಮಾಡಿದ್ದು ಎಂಬುದನ್ನು ಹೇಳಲಾಗಿದೆ. ಒಬ್ಬ ಮನುಷ್ಯನನ್ನು ಮೇಕಪ್‌ನಲ್ಲಿ ರಿಕ್ರಿಯೇಟ್ ಮಾಡ ಬಹುದು ಎಂಬ ಹೊಸ ವಿಚಾರಗಳನ್ನು ಹೇಳುವ ಪ್ರಯತ್ನ ಮಾಡಲಾಗಿದೆ. ಇದೆಲ್ಲಾವನ್ನು ಕಮರ್ಷಿಯಲ್ ಆಯಾಮಕ್ಕೆ ತಂದು, ಸೆಸ್ಪೆನ್ಸ್, ಥ್ರಿಲ್ಲರ್ ಮಾದರಿಯಲ್ಲಿ ತೋರಿಸ ಲಾಗಿದೆ.
ಮಜಾಭಾರತ ಖ್ಯಾತಿಯ ಅವಿನಾಶ್ ನಾಯಕನಾಗಿ ನಟಿಸಿದ್ದಾರೆ. ಯಶಾ ನಾಯಕಿಯಾಗಿ ಬಣ್ಣಹಚ್ಚಿದ್ದಾರೆ. ಸ್ಮಿತಾ ತನಿಖಾಧಿಕಾರಿ ಯಾಗಿ ಪ್ರಮುಖ ಪಾತ್ರದಲ್ಲಿ ಅಭಿನಯಿಸಿದ್ದಾರೆ. ಉಳಿದಂತೆ ಅವೀನ್, ಅಕ್ಷತ್, ವಿಸ್ಮಿತ್‌ರಾಜ್, ರಾಜ್‌ಮಂಜು, ಪ್ರೇಮ್ ಕನ್ನಡ ರಾಜು, ರಾಜ್‌ಪ್ರತೀಕ್, ಯರ್ರಾ ಬಿರ್ರಿ ರಂಗರಾಜ್ ಮುಂತಾದವರು ನಟಿಸಿದ್ದಾರೆ.
ಮೂರು ಹಾಡುಗಳಿಗೆ ಆರೋನ್ ಕಾರ್ತಿಕ್‌ವೆಂಕಟೇಶ್ ಸಂಗೀತ ಸಂಯೋಜಿಸಿದ್ದಾರೆ. ಚಿತ್ರದ ಗೀತೆಗಳಿಗೆ ರಾಜೇಶ್ ಕೃಷ್ಣನ್, ಇಂದೂ ನಾಗರಾಜ್ ಧ್ವನಿಯಾಗಿದ್ದಾರೆ. ಛಾಯಾಗ್ರಹಣ ಕೃಷ್ಣನಾಯ್ಕರ್, ಸಂಕಲನ ಪ್ರವೀಣ್‌ರಾಜ್, ಕಥೆ ವಿನಯ್‌ಕುಮಾರ್ ಅವರದಾಗಿದೆ. ಬೆಂಗಳೂರು, ಉಡುಪಿ, ಮಂಗಳೂರು ಸಯತ್ತಮುತ್ತ ಚಿತ್ರೀಕರಣ ನಡೆಸಲಾಗಿದೆ.
