ಬೆಂಗಳೂರು: ಹ್ಯಾಟ್ರಿಕ್‌ ಹೀರೋ ಶಿವರಾಜ್‌ ಕುಮಾರ್ (Shiva Rajkumar) ಅಭಿನಯದ ಬಹು ನಿರೀಕ್ಷಿತ ‘ಭೈರತಿ ರಣಗಲ್’ ಸಿನಿಮಾ (Bhairathi Ranagal) ಶುಕ್ರವಾರ (ನ. 15) ಅದ್ಧೂರಿಯಾಗಿ ರಿಲೀಸ್ ಆಗಿದೆ. ನರ್ತನ್‌ ನಿರ್ದೇಶನದ ಈ ಆ್ಯಕ್ಷನ್‌ ಚಿತ್ರದಲ್ಲಿ ಶಿವಣ್ಣ ಮತ್ತೊಮ್ಮೆ ಮಾಸ್‌ ಅವತಾರದಲ್ಲಿ ಕಾಣಿಸಿಕೊಂಡಿದ್ದು, ಲಾಂಗ್‌ ಹಿಡಿದು ಅಬ್ಬರಿಸಿದ್ದಾರೆ. ಶಿವಣ್ಣ ಅಬಿನಯಕ್ಕೆ ಫ್ಯಾನ್ಸ್‌ ಫಿದಾ ಆಗಿದ್ದು, ಬಾಕ್ಸ್‌ ಆಫೀಸ್‌ನಲ್ಲಿ ಉತ್ತಮ ಗಳಿಕೆ ಕಂಡಿ ಬಂದಿದೆ. ಹಾಗಾದರೆ 3 ದಿನಗಳಲ್ಲಿ ಭೈರತಿ ರಣಗಲ್ ಗಳಿಸಿದ್ದೆಷ್ಟು ಎನ್ನುವ ವಿವರ ಇಲ್ಲಿದೆ (Bhairathi Ranagal Box Office Collection).
ಗೀತಾ ಪಿಕ್ಚರ್ಸ್‌ ಬ್ಯಾನರ್‌ನಡಿ ಗೀತಾ ಶಿವ ರಾಜ್‌ಕುಮಾರ್‌ ಅವರು ಈ ಚಿತ್ರವನ್ನು ಅದ್ಧೂರಿಯಾಗಿ ನಿರ್ಮಿಸಿದ್ದಾರೆ. 2017ರಲ್ಲಿ ನರ್ತನ್‌ ಅವರೇ ಆ್ಯಕ್ಷನ್‌ ಕಟ್‌ ಹೇಳಿರುವ ‘ಮಫ್ತಿ’ ಚಿತ್ರದ ಪ್ರೀಕ್ವೆಲ್ ಇದು. ಶ್ರೀಮಯರಳಿ ನಾಯಕನಾಗಿ ಕಾಣಿಸಿಕೊಂಡಿದ್ದ ‘ಮಫ್ತಿ’ ಚಿತ್ರದ ಪ್ರಮುಖ ಪಾತ್ರ ಭೈರತಿ ರಣಗಲ್ ಆಗಿ ಶಿವಣ್ಣ ಕಾಣಿಸಿಕೊಂಡಿದ್ದರು. ಆ ಪಾತ್ರ ಬಹು ಜನಪ್ರಿಯವಾಗಿತ್ತು. ಅದೇ ಎಳೆಯ ಆಧಾರದಲ್ಲಿ ಈ ಚಿತ್ರವನ್ನು ಕಟ್ಟಿಕೊಡಲಾಗಿದೆ. ಗ್ಯಾಂಗ್‌ಸ್ಟರ್‌ ಭೈರತಿ ರಣಗಲ್‌ನ ಹಿನ್ನೆಲೆ ಏನು ಎನ್ನುವುದನ್ನು ಇದರಲ್ಲಿ ವಿವರಿಸಲಾಗಿದೆ.
Everyday is ರಣಗಲ್ day 🔥#BhairathiRanagal Blockbuster Opening ! Book your tickets on @bookmyshow
— Geetha Pictures (@GeethaPictures) November 18, 2024
Book here : https://t.co/aRRE1CTvBA@NimmaShivanna #Narthan @rukminitweets @GeethaPictures @aanandaaudio @RaviBasrur @The_BigLittle #jagadeeshfilms
#GeethaPictures… pic.twitter.com/wEaK8v1my9
ಕಲೆಕ್ಷನ್‌ ಎಷ್ಟು?
ʼಭೈರತಿ ರಣಗಲ್ʼ ಚಿತ್ರ ತೆರೆಕಂಡು 3 ದಿನಗಳು ಕಳೆದಿದ್ದು, ಸುಮಾರು 7.25 ಕೋಟಿ ರೂ. ಗಳಿಸಿದೆ ಎಂದು ವರದಿಯೊಂದು ತಿಳಿಸಿದೆ. ರಿಲೀಸ್ ಆದ ಮೊದಲ 2.1 ಕೋಟಿ ರೂ. ಬಾಚಿಕೊಂಡ ಚಿತ್ರದ 2ನೇ ದಿನದ ಕಲೆಕ್ಷನ್‌ 2.3 ಕೋಟಿ ರೂ. ಇನ್ನು 3ನೇ ದಿನವಾದ ಭಾನುವಾರ ಕಲೆಕ್ಷನ್‌ ಹೆಚ್ಚಾಗಿದ್ದು, 2.85 ಕೋಟಿ ರೂ. ಗಳಿಸಿದೆ. ಸೋಮವಾರ ಕನಕದಾಸ ಜಯಂತಿ ಹಿನ್ನೆಲೆಯಲ್ಲಿ ಸಾರ್ವತ್ರಿಕ ರಜೆ ಇರುವುದಿಂದ ಉತ್ತಮ ಗಳಿಕೆಯಾಗುವ ನಿರೀಕ್ಷೆ ಇದೆ.
ಸದ್ಯ ಸ್ಯಾಂಡಲ್‌ವುಡ್‌ನಲ್ಲಿ ಮಿಂಚುತ್ತಿರುವ ರುಕ್ಮಿಣಿ ವಸಂತ್‌ ʼಭೈರತಿ ರಣಗಲ್ʼ ಸಿನಿಮಾದಲ್ಲಿ ನಾಯಕಿಯಾಗಿ ಕಾಣಿಸಿಕೊಂಡಿದ್ದಾರೆ. ಇವರ ಜತೆಗೆ ಶಿವಣ್ಣನ ತಂಗಿಯಾಗಿ ಛಾಯಾ ಸಿಂಗ್‌ ಅಭಿನಯಿಸಿದ್ದಾರೆ. ಬಾಲಿವುಡ್‌ ನಟ ರಾಹುಲ್‌ ಬೋಸ್‌, ದೇವರಾಜ್‌, ಅವಿನಾಶ್‌, ವಶಿಷ್ಟ ಸಿಂಹ ಮತ್ತಿತರರು ಮುಖ್ಯ ಪಾತ್ರಗಳಲ್ಲಿ ನಟಿಸಿದ್ದಾರೆ. ಈ ಚಿತ್ರಕ್ಕೆ ರವಿ ಬಸ್ರೂರ್ ಸಂಗೀತ ನಿರ್ದೇಶನವಿದೆ.
ʼಭೈರತಿ ರಣಗಲ್ʼ ಸಿನಿಮಾದಲ್ಲಿ ಶಿವರಾಜ್‌ ಕುಮಾರ್ ಅವರ ಫೈಟಿಂಗ್‌, ಅಭಿನಯಕ್ಕೆ ಅಭಿಮಾನಿಗಳು ಫಿದಾ ಆಗಿದ್ದಾರೆ. ಅದಾಗ್ಯೂ ಅತಿಯಾದ ಹಿಂಸೆ, ಸುಲಭವಾಗಿ ಊಹಿಸಬಹುದಾದ ಕಥೆ, ಶಿವಣ್ಣ ಬಿಟ್ಟರೆ ಉಳಿದ ಪಾತ್ರಗಳಿಗೆ ಸಿಗದ ಪ್ರಾಮುಖ್ಯತೆ ಈ ಕಾರಣಗಳಿಂದ ಕೆಲವರಿಗೆ ಚಿತ್ರ ನಿರಾಸೆ ಮೂಡಿಸಿದೆ. ʼಮಫ್ತಿ’ ಚಿತ್ರದ ಪ್ರೀಕ್ವೆಲ್ ಆಗಿರುವ ‘ಭೈರತಿ ರಣಗಲ್’ ಚಿತ್ರದ ಸೀಕ್ವೆಲ್ ಕೂಡ ಬರಲಿದೆ ಎಂದು ಶಿವರಾಜ್‌ ಕುಮಾರ್ ಕೆಲವು ದಿನಗಳ ಹಿಂದೆ ಘೋಷಿಸಿದ್ದು, ಈ ಬಗ್ಗೆ ಈಗಾಗಲೇ ಚರ್ಚೆ ಅರಂಭವಾಗಿದೆ.
ಈ ಸುದ್ದಿಯನ್ನೂ ಓದಿ: Bhairathi Ranagal: ʻಭೈರತಿ ರಣಗಲ್’ ಸೀಕ್ವೆಲ್ ಕೂಡ ಬರುತ್ತೆ; ಸಿನಿಪ್ರಿಯರಿಗೆ ಸರ್ಪ್ರೈಸ್‌ ಕೊಟ್ಟ ಶಿವಣ್ಣ
