ಕಳೆದ ವೀಕೆಂಡ್ನಲ್ಲಿ ಕಿಚ್ಚ ಸುದೀಪ್ ಅವರು ಚೈತ್ರಾ ಕುಂದಾಪುರ (Chithra Kundapura) ಅವರಿಗೆ ಸರಿಯಾಗಿ ಕ್ಲಾಸ್ ತೆಗೆದುಕೊಂಡಿದ್ದರು. ಬಿಗ್ ಬಾಸ್ ಮನೆಯ ಬಾತ್ ರೂಮ್ನಲ್ಲಿ ತಲೆ ತಿರುಗಿ ಬಿದ್ದ ಚೈತ್ರಾ ಬಳಿಕ ಹೊರಗಡೆ ಆಸ್ಪತ್ರೆಗೆ ಹೋಗಿ ಬಂದಿದ್ದರು. ಆದರೆ, ಬಂದ ನಂತರ ಮನೆಯ ಮುಖ್ಯ ನಿಯಮವನ್ನೇ ಮುರಿದಿದ್ದರು. ಹೊರಗಿನ ವಿಷಯ ಏನನ್ನೂ ಹೇಳುವಂತಿಲ್ಲ ಎಂಬ ರೂಲ್ಸ್ ಇದ್ದರೂ ಚೈತ್ರಾ ಕೆಲ ವಿಚಾರ ಹಂಚಿಕೊಂಡಿದ್ದರು. ಈ ಕಾರಣಕ್ಕೆ ಸುದೀಪ್ ವಾರದ ಕತೆಯಲ್ಲಿ ಖಡಕ್ ಆಗಿ ಚೈತ್ರಾಗೆ ವಾರ್ನಿಂಗ್ ಕೊಟ್ಟರು.
ಈ ಘಟನೆ ನಡೆದ ಬಳಿಕ ಚೈತ್ರಾ ಅವರು ನನಗೆ ಇಲ್ಲಿ ಇರಲು ಆಗುತ್ತಿಲ್ಲ, ಹೊರಗೆ ಹೋಗುತ್ತೇನೆ ಎಂದಿದ್ದರು. ಈ ವಾರದ ಸೋಮವಾರ, ಮಂಗಳವಾರ ಕೂಡ ಚೈತ್ರಾ ಹೆಚ್ಚೇನು ಕಾಣಿಸಿಕೊಳ್ಳದೆ ಸೈಲೆಂಟ್ ಆಗಿಯೇ ಇದ್ದರು. ತಮ್ಮನ್ನು ನಾಮಿನೇಟ್ ಮಾಡಿದರೂ ಅದಕ್ಕೆ ಯಾವುದೇ ಪ್ರತ್ಯುತ್ತರ ನೀಡದೆ ಎಲ್ಲದಕ್ಕೂ ಸರಿ, ಸರಿ ಎಂದರು. ಆದರೀಗ ಮೂರನೇ ದಿನ ಚೈತ್ರಾ ತಮ್ಮ ಆರ್ಭಟ ಶುರುಮಾಡಿದ್ದಾರೆ.
ಸದ್ಯ ಬಿಗ್ ಬಾಸ್ ಮನೆಯ ಸದಸ್ಯರನ್ನು ಎರಡು ತಂಡಗಳಾಗಿ ವಿಂಗಡಿಸಲಾಗಿದೆ. ಎಲ್ಲ ಸ್ಪರ್ಧಿಗಳು ಗೇಮ್ ವೇಳೆ ಪಡೆದ ಪಾಯಿಂಟ್ಸ್ ಅನ್ನು ಕಾಪಾಡಿಕೊಳ್ಳಬೇಕು. ಅತಿ ಹೆಚ್ಚು ಪಾಯಿಂಟ್ಸ್ ಪಡೆದ ಸ್ಪರ್ಧಿಗಳು ಕ್ಯಾಪ್ಟನ್ಸಿ ಟಾಸ್ಕ್ಗೆ ಅರ್ಹತೆ ಪಡೆಯುತ್ತಾರೆ. ಇದಕ್ಕಾಗಿ ಎಲ್ಲ ಸ್ಪರ್ಧಿಗಳು ತಮಗೆ ಸಿಕ್ಕ ಕಾಗದ ರೂಪದ ಪಾಯಿಂಟ್ಸ್ ಅನ್ನು ಜೋಪಾನವಾಗಿ ಕಾಪಾಡಿಕೊಳ್ಳುತ್ತಿದ್ದಾರೆ. ಇದನ್ನು ಎದುರಾಳಿ ತಂಡ ಕಳ್ಳತನ ಮಾಡಬಹುದು ಎಂಬ ನಿಯಮ ಕೂಡ ಇದೆ.
ಟಾಸ್ಕ್ ಬಳಿಕ ಎಲ್ಲರೂ ಕುಳಿತು ಸಹಜವಾಗಿ ಮಾತಾಡ್ತಿದ್ದ ವೇಳೆ ಚೈತ್ರಾ ಪಕ್ಕದಲ್ಲೇ ಕುಳಿತಿದ್ದ ಐಶ್ವರ್ಯಾ ಅವರ ಪರ್ಸ್ಗೆ ಮೆಲ್ಲನೇ ಕೈ ಹಾಕಿ ಪಾಯಿಂಟ್ಸ್ ಕದ್ದಿದ್ದಾರೆ. ಇದಾದ ಬಳಿಕ ಮತ್ತೊಂದು ಮಹತ್ವದ ಬೆಳವಣಿಗೆ ನಡೆದಿದೆ. ಎದುರಾಳಿ ಸ್ಪರ್ಧಿಗಳ ಹಣವನ್ನು ಕಿತ್ತುಕೊಳ್ಳವ ವಿಚಾರಕ್ಕೆ ಐಶ್ವರ್ಯ ಹಾಗೂ ಚೈತ್ರಾ ನಡುವೆ ಗಲಾಟೆಯಾಗಿದೆ.
ಚೈತ್ರಾ ಬಳಿ ಇದ್ದ ಹಣವನ್ನು ಐಶ್ವರ್ಯಾ ಅವರು ಯಾಮಾರಿಸಿ, ಎತ್ತಿಕೊಂಡು ಹೋಗಿರುವಂತೆ ಕಾಣುತ್ತಿದೆ. ಇದರಿಂದ ಅಸಮಧಾನಗೊಂಡ ಚೈತ್ರಾ, ಎಲ್ಲರೂ ಕೀಳುಮಟ್ಟಕ್ಕೆ ಇಳಿದಿದ್ದಾರೆ. ಗುಂಪುಗಾರಿಕೆ ಮಾಡಿಕೊಂಡು ನಾನು ಕುತಂತ್ರ ಮಾಡೋದಿಲ್ಲ. ಡ್ರಾಮಾ ಕ್ವೀನ್ಗಳು ಯಾರು ಎಂಬುದು ಗೊತ್ತಾಯ್ತು. ನನ್ನ ಆಟವನ್ನು ಇನ್ಮೇಲೆ ಶುರು ಹಚ್ಚಿಕೊಳ್ತೇನೆ. ಗುಂಪು ಕಟ್ಟಿಕೊಂಡು ಪ್ಲ್ಯಾನ್ ಮಾಡೋದಿಲ್ಲ. ನಾನು ಸಿಂಗಲ್ ಸಿಂಹದಂತೆ ಹೊಡೆಯುತ್ತೇನೆಂದು ಗರ್ಜಿಸಿದ್ದಾರೆ.
BBK 11: ಹುಲಿಯಂತೆ ಗರ್ಜಿಸಿದ್ಧ ಶೋಭಾ ಶೆಟ್ಟಿ-ಉಗ್ರಂ ಮಂಜು ಈಗ ಫುಲ್ ಕ್ಲೋಸ್: ಒಂದೇ ದಿನದಲ್ಲಿ ರಾಜಿ
