70th National Film Award : ರಿಷಭ್ ಶೆಟ್ಟಿಗೆ ಅತ್ಯುತ್ತಮ ನಟ ರಾಷ್ಟ್ರೀಯ ಪ್ರಶಸ್ತಿ ಪ್ರದಾನ

ನವದೆಹಲಿ: ಬ್ಲಾಕ್‌ಬಸ್ಟರ್ ಸಿನಿಮಾ ‘ಕಾಂತಾರಾ’ದ ನಟನೆಗಾಗಿ ರಿಷಬ್ ಶೆಟ್ಟಿ (Rishabh Shetty) ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿ (70th National Film Award) ಸ್ವೀಕರಿಸಿದ್ದಾರೆ. ನವದೆಹಲಿಯ ವಿಜ್ಞಾನ ಭವನದಲ್ಲಿ ಮಂಗಳವಾರ ನಡೆದ 70ನೇ ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿ ಸಮಾರಂಭದಲ್ಲಿ ಅವರು ರಾಷ್ಟ್ರಪತಿ ದ್ರೌಪದಿ ಮುರ್ಮು ಅವರಿಂದ ಪ್ರತಿಷ್ಠಿತ ಪ್ರಶಸ್ತಿ ಪಡೆದರು. ಈ ದೊಡ್ಡ ಗೌರವವನ್ನು ಸ್ವೀಕರಿಸಿದ ನಂತರ ಮಾಧ್ಯಮಗಳೊಂದಿಗೆ ಮಾತನಾಡಿದ ರಿಷಬ್, ಸಮಾಜದಲ್ಲಿ ಬದಲಾವಣೆ ತರುವ ಚಲನಚಿತ್ರಗಳನ್ನು ಮಾಡುವುದು ನನ್ನ ಉದ್ದೇಶ ಎಂದು ಹೇಳಿದರು.

🏆70th National Film Awards🏆

President Droupadi Murmu confers National Award to Actor, Rishab Shetty (@shetty_rishab) for 'Best Actor in a Leading Role' in 'KANTARA'#70thNationalFilmAwards #NationalFilmAwards pic.twitter.com/0QXvR1EnUw

— PIB India (@PIB_India) October 8, 2024

‘ಪ್ರತಿಯೊಂದು ಚಿತ್ರವೂ ಪ್ರಭಾವಶಾಲಿಯಾಗಿರುತ್ತದೆ. ಸಮಾಜದಲ್ಲಿ ಬದಲಾವಣೆ ಅಥವಾ ಪರಿಣಾಮವನ್ನು ತರುವ ಚಲನಚಿತ್ರಗಳನ್ನು ಮಾಡುವುದು ನಮ್ಮ ಉದ್ದೇಶ. ಅದಕ್ಕಾಗಿ ನಾನು ಪ್ರೇಕ್ಷಕರಿಗೆ ಧನ್ಯವಾದ ಹೇಳುತ್ತೇನೆ. ರಾಷ್ಟ್ರೀಯ ಪ್ರಶಸ್ತಿಗಳು ಕಲಾವಿದನಿಗೆ ಬಹಳ ಪ್ರತಿಷ್ಠಿತ ಬಹುಮಾನ” ಎಂದು ಅವರು ಸುದ್ದಿಗಾರರಿಗೆ ತಿಳಿಸಿದರು.

70 ನೇ ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿಗಳ ವಿಜೇತರನ್ನು ಆಗಸ್ಟ್ 2024 ರಲ್ಲಿ ಘೋಷಿಸಲಾಗಿತ್ತು. ಈ ವೇಳೆ ಮಾತನಾಡಿದ್ದ ಅವರು “ಇದು ನನ್ನ ಇಡೀ ತಂಡದಿಂದಾಗಿ ಸಾಧ್ಯವಾಗಿದೆ. ನಾನು ಚಿತ್ರದ ಮುಖ ಮಾತ್ರ, ಇದೆಲ್ಲವೂ ಅವರ ಕಠಿಣ ಪರಿಶ್ರಮದಿಂದಾಗಿ. ಪ್ರೊಡಕ್ಷನ್ ಹೌಸ್, ಡಿಒಪಿ, ತಂತ್ರಜ್ಞರು, ಇದಕ್ಕೆಲ್ಲ ಅವರಿಂದಲೇ ಕಾರಣ. ಅವರು ತಮ್ಮ ಅಭಿಮಾನಿಗಳಿಗೆ ಕೃತಜ್ಞತೆಯನ್ನು ವ್ಯಕ್ತಪಡಿಸಿದ್ದರು.

ಇದನ್ನೂ ಓದಿ: Mithun Chakraborty : ಮಿಥುನ್ ಚಕ್ರವರ್ತಿಗೆ ದಾದಾಸಾಹೇಬ್ ಫಾಲ್ಕೆ ಪ್ರಶಸ್ತಿ ಪ್ರದಾನ

ರಿಷಬ್ ಈ ಚಿತ್ರದಲ್ಲಿ ನಟಿಸಿದ್ದಲ್ಲದೆ, ನಿರ್ದೇಶಿಸಿದ್ದರು. ಅವರು ಈಗ ಕಾಂತಾರಾ ಪ್ರಿಕ್ವೆಲ್‌ನಲ್ಲಿ ಬ್ಯುಸಿಯಾಗಿದ್ದಾರೆ. ಕರ್ನಾಟಕದ ಕರಾವಳಿಯ ಕಾಲ್ಪನಿಕ ಹಳ್ಳಿಯನ್ನು ಆಧರಿಸಿದ ‘ಕಾಂತಾರಾ’ ಚಿತ್ರದಲ್ಲಿ ಶೆಟ್ಟಿ ಅವಿಸ್ಮರಣೀಯ ನಟನೆ ಮಾಡಿದ್ದರು.

ನಿತ್ಯಾ ಅತ್ಯುತ್ತಮ ನಟಿ

ತಮಿಳು ಚಿತ್ರ ತಿರುಚಾಂಬಲಂಗಾಗಿ ನಿತ್ಯಾ ಮೆನನ್ ಮತ್ತು ಗುಜರಾತಿ ಚಿತ್ರ ಕಚ್ ಎಕ್ಸ್ ಪ್ರೆಸ್ ಗಾಗಿ ಮಾನಸಿ ಪರೇಖ್ ಅತ್ಯುತ್ತಮ ನಟಿ ಪ್ರಶಸ್ತಿ ಹಂಚಿಕೊಂಡಿದ್ದಾರೆ. ಸೂರಜ್ ಆರ್ ಬರ್ಜಾತ್ಯ ಅವರು ಉಂಚೈ ಚಿತ್ರದಲ್ಲಿನ ಅಭಿನಯಕ್ಕಾಗಿ ಅತ್ಯುತ್ತಮ ನಿರ್ದೇಶಕ ಪ್ರಶಸ್ತಿಯನ್ನು ಪಡೆದಿದ್ದಾರೆ.

ಇದನ್ನೂ ಓದಿ: Mithun Chakraborty : ಮಿಥುನ್ ಚಕ್ರವರ್ತಿಗೆ ದಾದಾಸಾಹೇಬ್ ಫಾಲ್ಕೆ ಪ್ರಶಸ್ತಿ ಪ್ರದಾನ

2023 ರಲ್ಲಿ, ನಟರಾದ ಅಲ್ಲು ಅರ್ಜುನ್, ಆಲಿಯಾ ಭಟ್ ಮತ್ತು ಕೃತಿ ಸನೋನ್ ಕ್ರಮವಾಗಿ ‘ಪುಷ್ಪಾ’, ‘ಗಂಗೂಬಾಯಿ ಕಾಥಿಯಾವಾಡಿ’ ಮತ್ತು ‘ಮಿಮಿ’ ಚಿತ್ರಗಳಲ್ಲಿನ ಅತ್ಯುತ್ತಮ ಅಭಿನಯಕ್ಕಾಗಿ ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿಗಳನ್ನು ಪಡೆದಿದ್ದರು.