Kangana Ranaut: ಕಮಲಾ ಹ್ಯಾರಿಸ್ ಸೋಲಿಗೆ ಹಾಲಿವುಡ್ ಸೆಲೆಬ್ರಿಟಿಗಳು ಕಾರಣ ಎಂದ ಕಂಗನಾ!

ನವದೆಹಲಿ: ಅಮೆರಿಕ ಅಧ್ಯಕ್ಷೀಯ ಚುನಾವಣೆಯ ( US Elections 2024) ಫಲಿತಾಂಶ ಘೋಷಣೆಗೂ ಮುನ್ನ ಕಮಲಾ ಹ್ಯಾರಿಸ್ (Kamala Harris) ಅವರ ರೇಟಿಂಗ್ ಕುಸಿಯತೊಡಗಿತ್ತು. ಇದಕ್ಕಾಗಿ ಬಾಲಿವುಡ್ ನಟಿ, ಬಿಜೆಪಿ ಸಂಸದೆ (BJP MP) ಕಂಗನಾ ರಣಾವತ್ (Kangana Ranaut) ಅವರು ಹಾಲಿವುಡ್ ಸೆಲೆಬ್ರಿಟಿಗಳನ್ನು ದೂಷಿಸಿದ್ದಾರೆ.

ಅಮೆರಿಕ ಅಧ್ಯಕ್ಷೀಯ ಚುನಾವಣೆಯಲ್ಲಿ 2ನೇ ಬಾರಿಗೆ ರಿಪಬ್ಲಿಕನ್‌ ಪಕ್ಷದ ಅಭ್ಯರ್ಥಿ ಡೊನಾಲ್ಡ್‌ ಟ್ರಂಪ್‌ (Donald Trump) ಅವರು ಆಯ್ಕೆಯಾದ ಬಳಿಕ ಟ್ರಂಪ್ ಅವರನ್ನು ಹೊಗಳಿದ ಕೆಲವು ಗಂಟೆಗಳ ಅನಂತರ, ಕಮಲಾ ಅವರನ್ನು ಅನುಮೋದಿಸಿದ ಸೆಲೆಬ್ರಿಟಿಗಳ ಚಿತ್ರಗಳನ್ನು ಒಳಗೊಂಡ ಕೊಲಾಜ್ ಅನ್ನು ಕಂಗನಾ ಬಿಡುಗಡೆ ಮಾಡಿದ್ದಾರೆ.

Best meme on twitter today.
Congratulations @realDonaldTrump pic.twitter.com/f7qsc6FQ71

— Kangana Ranaut (@KanganaTeam) November 6, 2024

ಟೇಲರ್ ಸ್ವಿಫ್ಟ್, ಬೆಯೋನ್ಸ್, ಜೆನ್ನಿಫರ್ ಲೋಪೆಜ್, ಅರಿಯಾನಾ ಗ್ರಾಂಡೆ, ಬಿಲ್ಲಿ ಎಲಿಶ್, ಲೇಡಿ ಗಾಗಾ, ಹ್ಯಾರಿಸನ್ ಫೋರ್ಡ್, ಅರ್ನಾಲ್ಡ್ ಶ್ವಾರ್ಜಿನೆಗ್ಗರ್ ಮತ್ತು ಇತರರು ಕಮಲಾಗೆ ತಮ್ಮ ಬೆಂಬಲವನ್ನು ನೀಡಿದ್ದರು. ಈ ಕುರಿತು ಬುಧವಾರ ತಮ್ಮ ಇನ್‌ಸ್ಟಾಗ್ರಾಮ್‌ನಲ್ಲಿ ಕಂಗನಾ ಹಾಲಿವುಡ್ ಸೆಲೆಬ್ರಿಟಿಗಳನ್ನು ‘ವಿದೂಷಕರು’ ಎಂದು ಹೇಳಿದ್ದಾರೆ. ಅವರು ಹ್ಯಾರಿಸ್ ಅವರನ್ನು ಅನುಮೋದಿಸಲು ಪ್ರಾರಂಭಿಸಿದ ಕೂಡಲೇ ಅವರ ರೇಟಿಂಗ್ ಕುಸಿಯತೊಡಗಿದೆ ಎಂದು ವ್ಯಾಖ್ಯಾನಿಸಿದ್ದಾರೆ.

Kangana gone mad 😭😭😭 pic.twitter.com/OciDR4P5dL

— Juhi Jain (@juhijain199) November 6, 2024

ಈ ವಿದೂಷಕರು ಕಮಲಾ ಅವರನ್ನು ಅನುಮೋದಿಸಿದಾಗ ಅವರ ರೇಟಿಂಗ್ ತೀವ್ರವಾಗಿ ಕುಸಿಯಿತು ಎಂಬುದು ನಿಮಗೆ ತಿಳಿದಿದೆಯೇ, ಜನರು ಆಕೆಯನ್ನು ಇಂತಹ ಜನರೊಂದಿಗೆ ಸುತ್ತಾಡುವವರು ಎಂದು ಭಾವಿಸಿ ಇವರಿಗೆ ಮತ ಹಾಕಿಲ್ಲ ಎಂದು ಕಂಗನಾ ವ್ಯಾಖ್ಯಾನಿಸಿದ್ದಾರೆ.

Donald Trump: ನವೀಕರಿಸಬಹುದಾದ ಇಂಧನ ಯೋಜನೆ ಸ್ಥಗಿತ; ಟ್ರಂಪ್‌ ಘೋಷಣೆ ಬೆನ್ನಲ್ಲೇ ಷೇರುಪೇಟೆಯಲ್ಲಿ ತಲ್ಲಣ

ಇದೇ ವೇಳೆ ರಿಪಬ್ಲಿಕನ್ ಪಕ್ಷದ ಅಭ್ಯರ್ಥಿ ಹಾಗೂ ಅಮೆರಿಕದ ಮಾಜಿ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರು ಚುನಾವಣೆಯಲ್ಲಿ ಐತಿಹಾಸಿಕ ಗೆಲುವು ದಾಖಲಿಸಿದ್ದಾರೆ. ಪೆನ್ಸಿಲ್ವೇನಿಯಾ ರಾಲಿಯಲ್ಲಿ ದಾಳಿಗೊಳಗಾಗಿದ್ದ ಟ್ರಂಪ್ ಅವರ ಫೋಟೋ ಹಂಚಿಕೊಂಡ ಕಂಗನಾ, ತಾನು ಒಂದು ವೇಳೆ ಅಮೆರಿಕದ ಪ್ರಜೆಯಾಗಿದ್ದರೆ ಟ್ರಂಪ್‌ಗೆ ಮತ ಹಾಕುತ್ತೇನೆಯೇ ಹೊರತು ಕಮಲಾ ಹ್ಯಾರಿಸ್‌ಗೆ ಅಲ್ಲ ಎಂದಿದ್ದಾರೆ.