ನವದೆಹಲಿ: ಭಾರತೀಯ ಸೇನೆಯ ಮಾಜಿ ಮುಖ್ಯಸ್ಥ ಜನರಲ್ ಎಸ್‌ಎಫ್ ರೋಡ್ರಿಗಸ್(88) ಅವರು ಶುಕ್ರವಾರ ನಿಧನರಾದರು.
ಅವರು 1990-93 ರ ನಡುವೆ ಸೇನಾ ಮುಖ್ಯಸ್ಥರಾಗಿ ಸೇವೆ ಸಲ್ಲಿಸಿದರು. ಸೇನೆಯಲ್ಲಿ ಅವರ 40 ವರ್ಷಗಳಿಗೂ ಹೆಚ್ಚು ಕಾಲದ ಶ್ರೇಷ್ಠ ಸೇವೆಯ ಜೊತೆಗೆ, ಅವರು ರಾಷ್ಟ್ರೀಯ ಭದ್ರತಾ ಸಲಹಾ ಮಂಡಳಿಯಲ್ಲಿ ಎರಡು ಅವಧಿಗೆ ಸೇವೆ ಸಲ್ಲಿಸಿದರು. 2004 ರಿಂದ 2010 ರ ನಡುವೆ ಪಂಜಾಬ್‌ನ ರಾಜ್ಯಪಾಲರಾಗಿದ್ದರು.
ಭಾರತೀಯ ಸೇನೆಯು ಜನರಲ್ ಸುನಿತ್ ಫ್ರಾನ್ಸಿಸ್ ರೋಡ್ರಿಗಸ್ ಅವರ ನಿಧನಕ್ಕೆ ಸಂತಾಪ ವ್ಯಕ್ತಪಡಿಸಿದೆ. ಅವರ ಅಮೂಲ್ಯ ಕೊಡುಗೆ ಮತ್ತು ರಾಷ್ಟ್ರದ ಸೇವೆಗೆ ರಾಷ್ಟ್ರ ಮತ್ತು ಭಾರತೀಯ ಸೇನೆ ಸದಾ ಋಣಿಯಾಗಿದೆ ಎಂದು ಸೇನೆ ಹೇಳಿದೆ.
