ಮುಂಬೈ: ಭಾರತದ ಷೇರುಪೇಟೆ ಶುಕ್ರವಾರ ಹೊಸ ದಾಖಲೆಗೆ ಸಾಕ್ಷಿಯಾಗಿದ್ದು, ಸೆನ್ಸೆಕ್ಸ್ 59,500 ಪಾಯಿಂಟ್ಸ್ ಗಡಿದಾಟಿದೆ. ರಾಷ್ಟ್ರೀಯ ಷೇರುಪೇಟೆ ನಿಫ್ಟಿ ಕೂಡ ಮತ್ತಷ್ಟು ಎತ್ತರಕ್ಕೆ ಜಿಗಿದಿದ್ದು 110 ಪಾಯಿಂಟ್ಸ್ ಹೆಚ್ಚಳಗೊಂಡಿದೆ.
ಬಿಎಸ್‌ಇ ಸೂಚ್ಯಂಕ ಸೆನ್ಸೆಕ್ಸ್ 413.10 ಪಾಯಿಂಟ್ಸ್ ಹೆಚ್ಚಾಗಿ 59554.26 ತಲುಪಿದೆ. ಎನ್‌ಎಸ್‌ಇ ಸೂಚ್ಯಂಕ ನಿಫ್ಟಿ 110.8 ಪಾಯಿಂಟ್ಸ್ ಏರಿಕೆಗೊಂಡು 17740.30 ಮುಟ್ಟಿದೆ. ಬಿಎಸ್‌ಇಯಲ್ಲಿ ಒಟ್ಟು 1,851 ಕಂಪನಿಗಳಲ್ಲಿ ವಹಿವಾಟು ಪ್ರಾರಂಭವಾಯಿತು. 1,363 ಷೇರುಗಳು ಏರಿಕೆಗೊಂಡರೆ, 398 ಷೇರುಗಳು ಕುಸಿದವು.
ಐಟಿಸಿಯ ಷೇರು ಸುಮಾರು 5 ರೂ. ಹೆಚ್ಚಾಗಿ 235.75 ರೂ.ನಲ್ಲಿ ಆರಂಭವಾಯಿತು. ಎಸ್‌ಬಿಐನ ಷೇರುಗಳು ರೂ .7 ಗಳಿಕೆಯೊಂದಿಗೆ ಪ್ರಾರಂಭವಾಗಿ 770.40 ರಲ್ಲಿ ಪ್ರಾರಂಭವಾದವು. ಎಸ್‌ಬಿಐ ಲೈಫ್‌ನ ಷೇರು ರೂ .1198.40 ಕ್ಕೆ ಪ್ರಾರಂಭವಾಯಿತು. ಆಕ್ಸಿಸ್ ಬ್ಯಾಂಕಿನ ಷೇರುಗಳು ರೂ. 811.80 ರಲ್ಲಿ ಆರಂಭವಾಗಿದ್ದು, ಸುಮಾರು ರೂ .9 ಗಳಿಸಿದೆ. ಐಷರ್ ಮೋಟಾರ್ಸ್ ನ ಷೇರುಗಳು ರೂ .2887.75 ಕ್ಕೆ ಆರಂಭವಾಗಿದ್ದು, ರೂ .28 ರಷ್ಟು ಏರಿಕೆಯಾಗಿದೆ.
ಟಾಟಾ ಸ್ಟೀಲ್ ನ ಷೇರುಗಳು ರೂ. 1,426.40 ಕ್ಕೆ ಆರಂಭವಾಗಿದ್ದು, ಸುಮಾರು ರೂ. 10 ರಷ್ಟು ಇಳಿಕೆಯಾಗಿದೆ. ಇನ್ಫೋಸಿಸ್ ಷೇರುಗಳು ರೂ. 1,698.95 ರಲ್ಲಿ ಪ್ರಾರಂಭವಾದವು, ಸುಮಾರು 3 ರೂ. ಕುಸಿದಿದೆ. ಎಚ್‌ಸಿಎಲ್ ಟೆಕ್‌ನ ಷೇರುಗಳು ರೂ .1,261.65 ಕ್ಕೆ ಪ್ರಾರಂಭವಾಗಿದ್ದು, ಸುಮಾರು 1 ರೂ. ಕುಸಿದಿದೆ.
ಭಾರೀ ಕುಸಿತದ ನಂತರ ಇಂದು ಭಾರತೀಯ ಮಾರುಕಟ್ಟೆಯಲ್ಲಿ ಚಿನ್ನ ಮತ್ತು ಬೆಳ್ಳಿ ದರಗಳು ಮತ್ತಷ್ಟು ಇಳಿಕೆಯ ಹಾದಿ ಹಿಡಿದಿದೆ. ಎಂಸಿಎಕ್ಸ್‌ನಲ್ಲಿ, ಚಿನ್ನದ ಫ್ಯೂಚರ್ಸ್ ಪ್ರತಿ 10 ಗ್ರಾಂಗೆ 46,050 ರೂಪಾಯಿಗೆ ಇಳಿದಿದ್ದರೆ, ಬೆಳ್ಳಿ ಪ್ರತಿ ಕೆಜಿಗೆ 0.26% ನಷ್ಟು ಇಳಿಕೆಗೊಂಡು 61,233 ಕ್ಕೆ ಏರಿಕೆಯಾಗಿದೆ.
