ನಾನು ಇನ್ನೂ ಬದುಕಿದ್ದೇನೆ. ನನ್ನ ಸಾವಿನ ವದಂತಿ ಸುದ್ದಿ ಕೇಳಿ ತಾಯಿ ಅಳುತ್ತಿದ್ದಾರೆ ಎಂದು ನಟ, ಮಾಡೆಲ್ ನಿತಿನ್ ಚೌಹಾನ್ (Actor Nitin Chauhan) ಹೇಳಿದ್ದಾರೆ. ತಮ್ಮ ಸಾವಿನ ಸುತ್ತಲಿನ ವದಂತಿಗಳಿಗೆ ತೆರೆ ಎಳೆದ ಅವರು, ನನ್ನ ಸಾವಿನ ಬಗ್ಗೆ ಹೇಳುವ ಎಲ್ಲಾ ಚಿತ್ರಗಳನ್ನು ಒಳಗೊಂಡಿರುವ ಎಲ್ಲಾ ಪೋಸ್ಟ್‌ಗಳು (Viral News) ಸುಳ್ಳು. ಯಾಕೆಂದರೆ ನಾನು ಜೀವಂತವಾಗಿದ್ದೇನೆ ಎಂಬುದಾಗಿ ಸ್ಪಷ್ಟಪಡಿಸಿದ್ದಾರೆ.
ಸಾಮಾಜಿಕ ಜಾಲತಾಣದಲ್ಲಿ ಎಂಟಿವಿ ಸ್ಪ್ಲಿಟ್ಸ್ ವಿಲ್ಲಾ 5 (MTV Splitsvilla 5) ಖ್ಯಾತಿಯ ನಿತಿನ್ ಚೌಹಾನ್ ಅವರು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ ಎನ್ನುವ ಸುದ್ದಿಯೊಂದು ವೈರಲ್ ಆಗಿದ್ದು, ಚೌಹಾನ್ ಅವರ ಕುಟುಂಬಕ್ಕೆ ಸಂತಾಪ ಸೂಚಿಸುವ ಅನೇಕ ಕಾಮೆಂಟ್ ಗಳು ಹರಿದು ಬಂದಿತ್ತು. ಇದಕ್ಕೆಇನ್ ಸ್ಟಾಗ್ರಾಮ್ ನಲ್ಲಿ ಪ್ರತಿಕ್ರಿಯೆ ನೀಡಿರುವ ನಿತಿನ್ ಚೌಹಾನ್ ನಾನು ಜೀವಂತವಾಗಿದ್ದೇನೆ ಎಂದು ತಿಳಿಸಿದ್ದಾರೆ.
ಸುಳ್ಳು ಮಾಹಿತಿಯ ಪೋಸ್ಟ್ ಮತ್ತು ಪ್ರಸರಣಕ್ಕೆ ಸಾಮಾಜಿಕ ಮಾಧ್ಯಮ, ಸುದ್ದಿ ಮೂಲಗಳನ್ನು ಹೊಣೆಗಾರರನ್ನಾಗಿ ಮಾಡುವುದು ಅತ್ಯಗತ್ಯವಾಗಿದೆ. ಇಬ್ಬರು ವಿಭಿನ್ನ ವ್ಯಕ್ತಿಗಳನ್ನು ಒಂದೇ ವ್ಯಕ್ತಿ ಎಂದು ಗುರುತಿಸುವುದು ಅತ್ಯಂತ ಬೇಜವಾಬ್ದಾರಿ. ಇದು ಎರಡು ಕುಟುಂಬಗಳ ಮೇಲೆ ನಕಾರಾತ್ಮಕ ಪರಿಣಾಮ ಬೀರುತ್ತದೆ ಎಂದು ಅವರು ತಿಳಿಸಿದ್ದಾರೆ.
ತಪ್ಪಾದ ಮಾಹಿತಿಯ ಪ್ರಸಾರವನ್ನು ನಿಲ್ಲಿಸಲು ಸಹಾಯ ಮಾಡಲು ದಯವಿಟ್ಟು ಈ ಪೋಸ್ಟ್ ಅನ್ನು ಹಂಚಿಕೊಳ್ಳಿ ಎಂದಿರುವ ಅವರು, ಎಲ್ಲಾ ಸುಳ್ಳು ಸುದ್ದಿ ಅಥವಾ ವಿಷಯವನ್ನು ತಕ್ಷಣವೇ ಹಿಂತೆಗೆದುಕೊಳ್ಳಬೇಕು ಎಂದು ನಿತಿನ್ ವಿನಂತಿಸಿದ್ದಾರೆ.
Diljit Dosanjh : ಪಂಜಾಬಿ ಗಾಯಕ ದಿಲ್ಜಿತ್ ದೋಸಾಂಜ್‌ಗೆ ತೆಲಂಗಾಣ ಸರ್ಕಾರದಿಂದ ನೋಟಿಸ್‌!
ನಟ ನಿತಿನ್ ಚೌಹಾನ್ ಅವರು ಎಂಟಿವಿ ಸ್ಪ್ಲಿಟ್ಸ್ ವಿಲ್ಲಾ 5, ತೇರಾ ಯಾರ್ ಹೂ ಮೈ, ಕ್ರೈಮ್ ಪೆಟ್ರೋಲ್, ಗುಮ್ರಾಹ್, ಜಿಂದಗಿ ಡಾಟ್ ಕಾಮ್, ಸಾವಧಾನ್ ಇಂಡಿಯಾ ಹಾಗೂ ಇನ್ನು ಹಲವು ಸರಣಿಗಳಲ್ಲಿ ಕಾಣಿಸಿಕೊಂಡಿದ್ದರು.
ನವೆಂಬರ್ 7ರಂದು ಮುಂಬೈನಲ್ಲಿ 35ನೇ ವಯಸ್ಸಿನ ನಿತಿನ್ ಎಂಬವರ ಶವವಾಗಿ ಪತ್ತೆಯಾಗಿದ್ದು, ಇದು ಆತ್ಮಹತ್ಯೆ ಎಂದು ಪೊಲೀಸರು ಶಂಕಿಸಿದ್ದರು. ಬಳಿಕ ಸಾಮಾಜಿಕ ಜಾಲತಾಣದಲ್ಲಿ ನಿತಿನ್ ಚೌಹಾನ್ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ ಎನ್ನುವ ಸುಳ್ಳು ಮಾಹಿತಿಯೊಂದು ಹರಿದಾಡಿತ್ತು.
