ಬೆಂಗಳೂರು: ಉದ್ಯಾನನಗರಿ ಬೆಂಗಳೂರು ಕೇವಲ ಒಂದು ನಗರ ಮಾತ್ರವಲ್ಲ. ಇದು ಕೆಲಸ ಹುಡುಕುತ್ತಾ ಅಲೆಯುತ್ತಾ ಬಂದ ಅದೆಷ್ಟೋ ಜನರಿಗೆ ಜೀವನಾಡಿಯಾಗಿದೆ. ಈ ನಡುವೆ ಆಕ್ಟಿವ್ ವೇರ್ ಬ್ರಾಂಡ್ ಝೈಮ್ರಾಟ್‍ನ ಸಹ ಸಂಸ್ಥಾಪಕ ಉಜ್ವಲ್ ಅಸ್ತಾನಾ ಇತ್ತೀಚೆಗೆ ಬೆಂಗಳೂರನ್ನು ತೊರೆದು ಪುಣೆಯಲ್ಲಿ ನೆಲೆಸುವ ನಿರ್ಧಾರವನ್ನು ಮಾಡಿದ್ದಾರೆ. ಹಾಗಾಗಿ ಅವರು 14 ವರ್ಷಗಳ ಕಾಲ ತಮ್ಮ ಜೀವನಕ್ಕೆ ನೆಲೆ ನೀಡಿದ ಬೆಂಗಳೂರನ್ನು ತೊರೆಯುವುದಾಗಿ ಘೋಷಿಸಿದ್ದಾರೆ. ಸೋಷಿಯಲ್ ಮೀಡಿಯಾದಲ್ಲಿ ಅವರು ಹೃತ್ಪೂರ್ವಕ ವಿದಾಯ ಸಂದೇಶವನ್ನು ಹಂಚಿಕೊಂಡಿದ್ದು, ಅದರಲ್ಲಿ, ಬೆಂಗಳೂರು ತನ್ನ ಜೀವನವನ್ನು ಹೇಗೆ ರೂಪಿಸಿತು, ತನ್ನ ಮೊದಲ ಉದ್ಯೋಗ, ಉದ್ಯಮಶೀಲತೆಯ ಯಶಸ್ಸು ಮತ್ತು ಶ್ರೀಮಂತ ವೈಯಕ್ತಿಕ ಮತ್ತು ವೃತ್ತಿಪರ ನೆಟ್ವರ್ಕ್ ಅನ್ನು ಹೇಗೆ ನೀಡಿತು ಎಂಬುದನ್ನು ಅವರು ವಿವರವಾಗಿ ತಿಳಿಸಿದ್ದಾರೆ. ಇದು ಸಿಕ್ಕಾಪಟ್ಟೆ ವೈರಲ್‌(Viral News) ಆಗಿದೆ.
ಹೊರಗಿನವರಾಗಿದ್ದರೂ, ಅವರಿಗೆ ಎಂದಿಗೂ ನಗರದಲ್ಲಿ ತಾನು ಬೇರೊಬ್ಬ ಎಂಬ ಭಾವನೆ ಕಾಡಲಿಲ್ಲ ಎಂದು ಅವರು ಉಲ್ಲೇಖಿಸಿದ್ದಾರೆ. ಬೆಂಗಳೂರು ತನ್ನ ಆಹ್ಲಾದಕರ ಹವಾಮಾನ, ರೋಮಾಂಚಕ ಕಾಫಿ ಸಂಸ್ಕೃತಿ ಮತ್ತು ಅಭಿವೃದ್ಧಿ ಹೊಂದುತ್ತಿರುವ ಸ್ಟಾರ್ಟ್ಅಪ್ ಪರಿಸರ ವ್ಯವಸ್ಥೆಯನ್ನು ಮೀರಿ ಹೆಚ್ಚಿನದನ್ನು ನೀಡಿದೆ ಎಂದು ಅಸ್ತಾನಾ ಒತ್ತಿ ಹೇಳಿದ್ದಾರೆ. ಈ ಅಂಶಗಳನ್ನು ಮೀರಿ ಈ ನಗರದ ನಿಜವಾದ ಸಾರವನ್ನು ಅನುಭವಿಸುವಂತೆ ಅವರು ಇತರರನ್ನು ಪ್ರೋತ್ಸಾಹಿಸಿದ್ದಾರೆ.
Personal note: I am leaving Bangalore for Pune.
— ujjawal (@ujjawalasthana) November 24, 2024
Bangalore has been home for 14+ years. The city has given me all the good things in my life – first job, first foreign trip, a life partner, 2 successful businesses, funding, startup acquisition, great friends, a network worth in…
“ಬೆಂಗಳೂರಿನಲ್ಲಿ 14 ವರ್ಷಕ್ಕಿಂತ ಹೆಚ್ಚು ಕಾಲ ನೆಲೆಸಿದ್ದೆ. ನಗರವು ನನ್ನ ಜೀವನದಲ್ಲಿ ಎಲ್ಲಾ ಒಳ್ಳೆಯದನ್ನೇ ಮಾಡಿದೆ. ಮೊದಲ ಉದ್ಯೋಗ, ಮೊದಲ ವಿದೇಶಿ ಪ್ರವಾಸ, ಜೀವನ ಸಂಗಾತಿ, 2 ಯಶಸ್ವಿ ವ್ಯವಹಾರಗಳು, ಧನಸಹಾಯ, ಸ್ಟಾರ್ಟ್ಅಪ್ ಸ್ವಾಧೀನ, ಉತ್ತಮ ಸ್ನೇಹಿತರು, ಮತ್ತು ಹೆಚ್ಚಿನವು. ನಾನು ಸ್ಥಳೀಯನಲ್ಲ ಆದರೂ ನನಗೆ ನಾನು ಹೊರಗಿನವನೆಂದು ಎಂಬ ಭಾವನೆ ಒಂದು ದಿನವೂ ಬಂದಿರಲಿಲ್ಲ. ನಾನು ನಗರದಲ್ಲಿ ಬಿಎಂಟಿಸಿ, ಆಟೋ ಮತ್ತು ಕ್ಯಾಬ್ ಜೀವನವನ್ನು ದೀರ್ಘಕಾಲ ಕಳೆದಿದ್ದೇನೆ” ಎಂದು ಅವರು ಬರೆದಿದ್ದಾರೆ.
ನಗರದೊಂದಿಗೆ ಆಳವಾದ ಸಂಪರ್ಕವಿದ್ದರೂ ಅಸ್ತಾನಾ ಅವರು ತಮ್ಮ ಮುಂದಿನ ಜೀವನವನ್ನು ಪುಣೆಯನ್ನು ಕಳೆಯುವುದಾಗಿ ತಿಳಿಸಿದ್ದಾರೆ. ಅವರು ಏಕೆ ಬೆಂಗಳೂರು ತೊರೆಯುತ್ತಿದ್ದಾರೆ ಎಂಬ ಪ್ರಶ್ನೆಗೆ, ಅಸ್ತಾನಾ ಅವರು ತಮ್ಮ ಕಾರಣಗಳನ್ನು ಸ್ಪಷ್ಟವಾಗಿ ತಿಳಿಸಿಲ್ಲ ಆದರೆ ಇದು ವೃತ್ತಿಪರ ಉದ್ದೇಶಗಳಿಂದಾಗಿ ಎಂದು ಉಲ್ಲೇಖಿಸಿದ್ದಾರೆ.
“ಬೆಂಗಳೂರು ಒಂದು ನಗರವಲ್ಲ, ಇದು ಪದಗಳಲ್ಲಿ ವಿವರಿಸಲು ಕಷ್ಟಕರವಾದ ಸುಂದರ ಅನುಭವ. ನೀವು ಇಲ್ಲಿನ ಜನರೊಂದಿಗೆ ವಾಸಿಸುವಾಗ ಮತ್ತು ಜಯನಗರದ ಓಣಿಗಳಲ್ಲಿ ನಡೆದಾಗ ನೀವು ಅದನ್ನು ಅನುಭವಿಸುತ್ತೀರಿ. ಮತ್ತು ನಾನು ಪುಣೆಯಲ್ಲಿ ನನ್ನ ಹೊಸ ಮನೆಯನ್ನು ಮಾಡಲಿದ್ದೇನೆ, ಮತ್ತು ಅಲ್ಲಿ ನನ್ನ ಪ್ರಯಾಣವನ್ನು ಶುರುಮಾಡುವುದನ್ನು ಇನ್ನೂ ಕಾಯಲು ಸಾಧ್ಯವಿಲ್ಲ” ಎಂದು ಅವರು ತಿಳಿಸಿದ್ದಾರೆ.
ಈ ಪೋಸ್ಟ್‌ಗೆ ಅನೇಕರು ಕಾಮೆಂಟ್ ಮಾಡಿದ್ದು, ಇದು ಚರ್ಚೆಯನ್ನು ಹುಟ್ಟುಹಾಕಿದೆ. ನೆಟ್ಟಿಗರು ತಮ್ಮ ಆಲೋಚನೆಗಳು, ಅನುಭವಗಳು ಮತ್ತು ಬೆಂಗಳೂರು ಮತ್ತು ಪುಣೆ ನಡುವಿನ ಹೋಲಿಕೆಗಳನ್ನು ಹಂಚಿಕೊಂಡಿದ್ದಾರೆ. “ಪುಣೆ ವಾಸಿಸಲು ಉತ್ತಮ ನಗರ – ಉತ್ತಮ ಜನರು, ಹವಾಮಾನ ಹೊಂದಿದೆ ಮತ್ತು ಅಲ್ಲಿನ ಜನರು ಕೂಡ ಒಳ್ಳೆಯವರು” ಎಂದು ಕಾಮೆಂಟ್ ಮಾಡಿದ್ದಾರೆ. ಇನ್ನೊಬ್ಬರು ಪ್ರತಿಕ್ರಿಯಿಸಿ, “ಪುಣೆ ಒಂದು ದೊಡ್ಡ ನಗರ. ನಾನು ಪ್ರತಿದಿನ ಆ ನಗರವನ್ನು ಮಿಸ್ ಮಾಡಿಕೊಳ್ಳುತ್ತೇನೆ. ನೀವು ಹವಾಮಾನ ಮತ್ತು ಆಹಾರವನ್ನು ಪ್ರೀತಿಸುತ್ತೀರಿ” ಎಂದಿದ್ದಾರೆ. “ಪುಣೆ ಸಣ್ಣ ಪ್ರಮಾಣದಲ್ಲಿ ಬೆಂಗಳೂರಿನ ಹಾಗೆ ಇದೆ” ಎಂದು ಅವರು ಹೇಳಿದ್ದಾರೆ.
ಈ ಸುದ್ದಿಯನ್ನೂ ಓದಿ: Viral News: ಹಸೆಮನೆ ಏರಬೇಕಾದವ ಸೇರಿದ್ದು ಮಸನಕ್ಕೆ; ಸಾವಿಗೂ ಮುನ್ನ ಮದುವೆ ಸಂಭ್ರಮದಲ್ಲಿದ್ದ ವರನ ವಿಡಿಯೊ ಫುಲ್‌ ವೈರಲ್‌!
