ಮುಂಬೈ: ಸೈಫ್ ಅಲಿ ಖಾನ್ (Saif Ali Khan) ಮತ್ತು ಅವರ ಮೊದಲ ಪತ್ನಿ ಅಮೃತಾ ಸಿಂಗ್ (Amrita Singh) ಪುತ್ರಿಯಾಗಿರುವ ಬಾಲಿವುಡ್ ನಟಿ ಸಾರಾ ಅಲಿ ಖಾನ್ (Sara Ali Khan) ಕೂಲ್ ನಟಿ ಎಂದೇ ಫೇಮಸ್ ಆಗಿರುವವರು. ಸಾರಾ ಎಂದರೆ ಸಿಂಪಲ್ ಎಂದೇ ಖ್ಯಾತಿ ಪಡೆದವರು. ಸೋಲಿನ ಹಾದಿಯಲ್ಲಿದ್ದ ಸಾರಾ ಅಲಿ, ಇತ್ತೀಚೆಗೆ ಬಿಡುಗಡೆಗೊಂಡ ‘ಜರಾ ಹಟ್ಕೆ ಜರಾ ಬಚ್ಕೆ’ ಸಿನಿಮಾ ಮೂಲಕ ಸುಧಾರಿಸಿಕೊಂಡಿದ್ದಾರೆ. ಹೀಗಿದ್ದರೂ ಆಕೆ ಸೋಷಿಯಲ್ ಮೀಡಿಯಾದಲ್ಲಿ ಸಕತ್ ಆ್ಯಕ್ಟೀವ್. ಈಕೆ ಫೋಟೋ ಮತ್ತು ಒಂದಿಷ್ಟು ಗಾಸಿಪ್ಗಳಿಂದ ಎಷ್ಟೇ ಟ್ರೋಲ್ ಆಗುತ್ತಿದ್ದರೂ ಈಕೆಯನ್ನು ಪ್ರೀತಿಸುವ ಒಂದು ವರ್ಗವೂ ಇದೆ. ಹೆಚ್ಚಿನವರು ಈಕೆಯ ಸರಳತೆಗೆ ಮೆಚ್ಚುಗೆ ವ್ಯಕ್ತಪಡಿಸುತ್ತಾರೆ.
ಇತ್ತೀಚೆಗೆ ವೈರಲ್ ಆಗಿದ್ದ ವಿಡಿಯೋದಲ್ಲಿ (Viral Video) ನಟಿ ರಸ್ತೆ ಬದಿ ಅಂಗಡಿಯಲ್ಲಿ ಸಾಮಾನ್ಯರಂತೆ ತೆರಳಿ ಬಟ್ಟೆ ಖರೀದಿ ಮಾಡಿದ್ದರು. ಈ ವಿಡಿಯೋನ ಪಾಪರಾಜಿಗಳು (paparazzi) ಹಂಚಿಕೊಂಡಿದ್ದರು. ಸಾರಾ ಅವರನ್ನು ಎಲ್ಲರೂ ಹೊಗಳಿದ್ದರು. ಈ ಸರಳತೆ ಹೀಗೆಯೇ ಮುಂದುವರಿಯಲಿ ಎಂದು ಅನೇಕರು ಹೇಳಿದ್ದರು. ಇದೀಗ, ಈ ಸಿಂಪಲ್ ಕ್ವೀನ್ ಮತ್ತೊಂದು ವಿಡೀಯೋ ಸೋಷಿಯಲ್ ಮೀಡಿಯಾದಲ್ಲಿ ಸದ್ದು ಮಾಡುತ್ತಿದ್ದು, ಹಿರಿಯ ವ್ಯಕ್ತಿಯೊಬ್ಬರು ಸಾರಾಗೆ ಪ್ರೋಟೆಕ್ಷನ್ ನೀಡಿರುವ ದೃಶ್ಯ ವೈರಲ್ ಆಗುತ್ತಿದೆ.
ಹೌದು, ಮುಂಬೈ ನಗರದ ರಸ್ತೆವೊಂದರಲ್ಲಿ ಸಾರಾ ನಡೆದು ಹೋಗುತ್ತಿರುವಾಗ ಪಾಪಾರಾಜಿಗಳು ಅಡ್ಡಗಟ್ಟಿ ಪೋಟೋ, ವಿಡೀಯೋ ಮಾಡಲು ಮುಂದಾಗಿದ್ದಾರೆ. ಈ ವೇಳೆ ಅಲ್ಲಿದ ಹಿರಿಯ ವ್ಯಕ್ತಿಯೊಬ್ಬರು ಕ್ಯಾಮೆರಾಗಳನ್ನು ತಳ್ಳಿ ಹಾಕಿದ್ದು, ಸಾರಾಳನ್ನು ಅವರ ಕ್ಯಾಮರಾ ಕಣ್ಣಿನಿಂದ ಪಾರು ಮಾಡಿದ್ದಾರೆ. ಈ ವಿಡಿಯೋ ಇದೀಗ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗ್ತಿದೆ.
ಬಿಳಿ ಬಣ್ಣದ ಟಾಪ್ ಮತ್ತು ನೀಲಿ ಡೆನಿಮ್ ಕಾರ್ಗೋ ಪ್ಯಾಂಟ್ ಧರಿಸಿ ಬರುತ್ತಿದ್ದ ಸಾರಾ ಅವರ ಫೊಟೋ ತೆಗೆದುಕೊಳ್ಳಲು ಪಾಪರಾಜಿಗಳು ಪ್ರಯತ್ನಿಸುತ್ತಿದ್ದಂತೆ ಸಡನ್ ಆಗಿ ಬಂದ ಹಿರಿಯ ವ್ಯಕ್ತಿಯೊಬ್ಬರು ಅವರೆಲ್ಲರನ್ನು ತಡೆಯುತ್ತಿರುವುದು ಮತ್ತು ಇದನ್ನು ಕಂಡು ಸಾರಾ ಕನ್‌ಫ್ಯೂಸ್ ಆಗಿ ಮುಂದೆ ಸಾಗುತ್ತಿರುವುದು ಈ ವಿಡಿಯೋದಲ್ಲಿ ರೆಕಾರ್ಡ್ ಆಗಿದೆ.
ಸಾರಾ ಅವರು ಸದ್ಯಕ್ಕೆ ಅಸಿಸ್ಟೆಂಟ್ ಡೈರೆಕ್ಟರ್ ಮತ್ತು ಮಾಡೆಲ್ ಆಗಿರುವ ಹಾಗೂ ಪ್ರಸ್ತುತ ರಾಜಕಾರಣಿಯೂ ಆಗಿರುವ ಅರ್ಜುನ್ ಪ್ರತಾಪ್ ಬಜ್ವಾ ಜೊತೆ ಡೇಟಿಂಗ್ ನಡೆಸ್ತಿದ್ದಾರೆ ಎಂಬ ಗುಸುಗುಸು ಬಿಟೌನ್ ಅಂಗಳದಲ್ಲಿ ಹರಿದಾಡ್ತಿದೆ. ಇವರಿಬ್ಬರೂ ಜೊತೆಯಾಗಿ ಕೇದಾರನಾತ ಯಾತ್ರೆ ಕೈಗೊಂಡಿದ್ದ ಸಂದರ್ಭದಲ್ಲಿ ಮಾಧ್ಯಮಗಳ ಕಣ್ಣಿಗೆ ಬಿದ್ದಿದ್ದರು. ತಮ್ಮಿಬ್ಬರ ನಡುವಿನ ಸಂಬಂಧದ ಬಗ್ಗೆ ಸಾರಾ ಇದುವರೆಗೂ ಎಲ್ಲೂ ಹೇಳಿಕೊಂಡಿಲ್ಲ ಮತ್ತದನ್ನು ನಿರಾಕರಿಸಿಯೂ ಇಲ್ಲ.
ಅರ್ಜುನ್ ಅವರು ರಾಜಕಾರಣಿಯಾಗಿರುವ ಫತೇ ಜಂಗ್ ಸಿಂಗ್ ಭಜ್ವಾ ಅವರ ಪುತ್ರ. ಇವರು 2015ರಲ್ಲಿ ತೆರೆ ಕಂಡ ಪ್ರಭುದೇವ ನಿರ್ದೇಶನದ, ಅಕ್ಷಯ್ ಕುಮಾರ್, ಆಮಿ ಜಾಕ್ಸನ್, ಲಾರಾ ದತ್ತಾ ಮತ್ತು ಕೆಕೆ ಮೆನನ್ ಪ್ರಮುಖ ತಾರಾಗಣದಲ್ಲಿದ್ದ ‘ಸಿಂಗ್ ಇಸ್ ಬ್ಲಿಂಗ್’ ಚಿತ್ರಕ್ಕೆ ಸಹಾಯಕರಾಗಿದ್ದರು.
ಇದನ್ನೂ ಓದಿ: Bulletproof Coffee: ಬುಲೆಟ್ ಪ್ರೂಫ್ ಕಾಫಿ ಕುಡಿದಿದ್ದೀರಾ? ಇಲ್ಲಿದೆ ಇದರ ಪ್ರಯೋಜನಗಳ ಮಾಹಿತಿ
ಇನ್ನು, ಸಾರಾ ಅವರು ಅಮೆಜಾನ್ ಪ್ರೈಮ್ ವಿಡಿಯೋದಲ್ಲಿ 2024ರಲ್ಲಿ ಬಿಡುಗಡೆಗೊಂಡ ‘ಏ ವತನ್ ಮೇರೇ ವತನ್’ ನಲ್ಲಿ ಕೊನೆಯದಾಗಿ ಕಾಣಿಸಿಕೊಂಡಿದ್ದರು. ಸಾರಾ ಅವರ ಮುಂಬರು ಪ್ರಾಜೆಕ್ಟ್ ಗಳಲ್ಲಿ ಮೆಟ್ರೋ ಇನ್ ಡೈನೋದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಇದು ಅನುರಾಗ್ ಬಸು ಅವರ 2007ರಲ್ಲಿ ತೆರೆಕಂಡ ‘ಲೈಫ್ ಇನ್ ಮೆಟ್ರೋ’ದ ಸರಣಿಯಾಗಿರಲಿದೆ. ಇದರಲ್ಲಿ ಸಾರಾ ಅವರ ಜೊತೆ ಆದಿತ್ಯ ರಾಯ್ ಕಪೂರ್, ಅಲಿ ಫಝಲ್, ಪಂಕಜ್ ತ್ರಿಪಾಠಿ ಮತ್ತು ಫಾತಿಮಾ ಸನಾ ಶೇಖ್ ಮೊದಲಾದವರು ಕಾಣಿಸಿಕೊಳ್ಳಲಿದ್ದಾರೆ.
