ದಿಸ್ಪುರ್: ಏಕ ಕೊಂಬಿನ ಖಡ್ಗಮೃಗಗಳಿಗೆ ನೆಲೆಯಾಗಿರುವ ಅಸ್ಸಾಂನ ಕಾಜಿರಂಗಾ ರಾಷ್ಟ್ರೀಯ ಉದ್ಯಾನವು ಪ್ರಕೃತಿ ಉತ್ಸಾಹಿಗಳಿಗೆ ನೆಚ್ಚಿನ ತಾಣವಾಗಿದೆ. ಇಲ್ಲಿ ಜೀಪ್ ಸಫಾರಿ ಮಾಡುತ್ತಾ ಸಂದರ್ಶಕರಿಗೆ ಒಂದು ಕೊಂಬಿನ ಖಡ್ಗಮೃಗಗಳು ಮತ್ತು ಇತರ ಪ್ರಾಣಿಗಳನ್ನು ಹತ್ತಿರದಿಂದ ನೋಡುವ ಅವಕಾಶವನ್ನು ನೀಡುತ್ತದೆ. ಆದರೆ ಈ ಮೋಜಿನ ಸವಾರಿ ಇಲ್ಲೊಬ್ಬ ತಾಯಿ-ಮಗಳಿಗೆ ಬಹಳ ಅಪಾಯಕಾರಿಯಾಗಿದೆ. ಅವರು ಸ್ವಲ್ಪದರಲ್ಲೇ ತಮ್ಮ ಪ್ರಾಣದೊಂದಿಗೆ ಪಾರಾಗಿದ್ದಾರೆ. ಇದಕ್ಕೆ ಸಂಬಂಧಪಟ್ಟ ವಿಡಿಯೊ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್(Viral Video) ಆಗಿದೆ.
ವೈರಲ್ ವಿಡಿಯೊದಲ್ಲಿ, ಖಡ್ಗಮೃಗವು ಉದ್ಯಾನವನದೊಳಗೆ ಹೋಗುತ್ತಿದ್ದಾಗ ಅದರ ಹಿಂದೆ ಪ್ರವಾಸಿಗರನ್ನು ತುಂಬಿಕೊಂಡು ಬಂದಿರುವ ಸಫಾರಿ ಜೀಪು ಬಂದಿದೆ. ಈ ನಡುವೆ ಪ್ರವಾಸಿಗರಿಂದ ತುಂಬಿರುವ ಮೂರು ಜೀಪುಗಳು ಬಲ ತಿರುವು ತೆಗೆದುಕೊಳ್ಳುವಾಗ ಮೊದಲ ಎರಡು ಜೀಪುಗಳು ವೇಗವಾಗಿ ಚಲಿಸುತ್ತಿದ್ದಂತೆ, ಸಮತೋಲನ ಕಳೆದುಕೊಂಡು ಯುವತಿಯೊಬ್ಬಳು ತನ್ನ ತಾಯಿಯೊಂದಿಗೆ ನೆಲದ ಮೇಲೆ ಬಿದ್ದಿದ್ದಾಳೆ. ಇಬ್ಬರೂ ಸಹಾಯಕ್ಕಾಗಿ ಕೂಗಿದ್ದಾರೆ.
কাজিৰঙাত জিপ চাফাৰীৰ মাজতে ওলাল দুটাকৈ গঁড়। এখন জিপচিৰ পৰা পৰি গল মাতৃ কন্যা।ভয়ংকৰ অঘটনৰ পৰা ৰক্ষা। এনেকৈয়েই কাজিৰঙাত পৰ্যটকক সুৰক্ষা দিছে বিভাগীয় ভাবে!#Kaziranga pic.twitter.com/wJ3ZFNNd8p
— Pankaj Bhattacharjee (@pankajbhatta) January 6, 2025
ಆ ಕ್ಷಣದಲ್ಲಿ, ಮತ್ತೊಂದು ಖಡ್ಗಮೃಗವು ಪ್ರವಾಸಿಗರ ವಾಹನದ ಮೇಲೆ ದಾಳಿ ಮಾಡಲು ಸಮೀಪಿಸಿದೆ. ಕೋಪದಿಂದ ಬರುತ್ತಿರುವ ಖಡ್ಗಮೃಗವನ್ನು ನೋಡಿ, ಮೂರನೇ ಜೀಪ್ ಹಿಂದಕ್ಕೆ ಹೋಗಿದೆ. ಕಾಜಿರಂಗ ರಾಷ್ಟ್ರೀಯ ಉದ್ಯಾನವನದ ಬಗೋರಿ ಶ್ರೇಣಿಯಲ್ಲಿ ಈ ಘಟನೆ ನಡೆದಿದೆ ಎಂದು ವರದಿಯಾಗಿದೆ.
ವರದಿ ಪ್ರಕಾರ, ಇಬ್ಬರು ಮಹಿಳೆಯರು ಅಪಾಯದಿಂದ ಪಾರಾಗಿದ್ದಾರೆ. ಪ್ರವಾಸಿಗರೊಬ್ಬರು ಈ ಭಯಾನಕ ಘಟನೆಯನ್ನು ಕ್ಯಾಮೆರಾದಲ್ಲಿ ಸೆರೆಹಿಡಿದಿದ್ದು, ಸೋಶಿಯಲ್ ಮೀಡಿಯಾದಲ್ಲಿ ಹರಿಬಿಟ್ಟಿದ್ದಾರೆ. ಇದು ವೈರಲ್ ಆಗಿದ್ದು, ಪ್ರವಾಸಿಗರ ಸುರಕ್ಷತೆಯ ಬಗ್ಗೆ ಕಳವಳ ಮೂಡಿದೆ. ಕಾಜಿರಂಗಾ ಆಡಳಿತವು ಘಟನೆಯ ಬಗ್ಗೆ ತನಿಖೆಯನ್ನು ಪ್ರಾರಂಭಿಸಿದೆ. ಸಫಾರಿ ಸಮಯದಲ್ಲಿ ಪ್ರವಾಸಿಗರು ಜಾಗರೂಕರಾಗಿರಬೇಕು ಎಂದು ಅವರು ಒತ್ತಾಯಿಸಿದ್ದಾರೆ.
ಈ ಸುದ್ದಿಯನ್ನೂ ಓದಿ:ಗೋವಾದಲ್ಲಿ ‘ಮಹಾ ಕುಂಭಮೇಳ’; ನೀರಿನ ಪ್ರವಾಹಕ್ಕೆ ಕೊಚ್ಚಿ ಹೋದ ಮರಳು ಮಾದರಿ ವಿಡಿಯೊ ವೈರಲ್
ಕಾಜಿರಂಗ ರಾಷ್ಟ್ರೀಯ ಉದ್ಯಾನವು ಕಳೆದ ಎರಡು ದಶಕಗಳಲ್ಲಿ ಅತಿ ಹೆಚ್ಚು ಪ್ರವಾಸಿಗರನ್ನು ಆಕರ್ಷಿಸಿದೆ. 2024 ರ ಅಕ್ಟೋಬರ್‌ನಲ್ಲಿ ಶುರುವಿನಲ್ಲಿಯೇ 1,64,636 ಜನರು ಭೇಟಿ ನೀಡಿದ್ದಾರೆ ಎಂದು ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ. ಈ ಉದ್ಯಾನವನವು ಸಾಮಾನ್ಯವಾಗಿ ಅಕ್ಟೋಬರ್‌ನಿಂದ ಮೇ ತಿಂಗಳವರೆಗೆ ತೆರೆದಿರುತ್ತದೆ, ನಂತರ ಇದು ಮಾನ್ಸೂನ್ ವಿರಾಮವನ್ನು ತೆಗೆದುಕೊಳ್ಳುತ್ತದೆ.
