ತುಮಕೂರು: ಕಿವಿ, ಮೂಗು ಮತ್ತು ಗಂಟಲು ವಿಭಾಗದಲ್ಲಿ ವೈಜ್ಞಾನಿಕ ಜ್ಞಾನದ ವಿನಿಮಯ ಮತ್ತು ಬೋಧನಾ ಪ್ರಕ್ರಿಯೆಗಳ ಪರಸ್ಪರ ಸಂವಾದಕ್ಕೆ ವೇದಿಕೆಯನ್ನು ಒದಗಿಸುವ ಹಿನ್ನೆಲೆಯಲ್ಲಿ ನಗರದ ಶ್ರೀ ಸಿದ್ಧಾರ್ಥ ವೈದ್ಯಕೀಯ ಆಸ್ಪತ್ರೆ ಮತ್ತು ಕಾಲೇಜಿನಲ್ಲಿ ಇದೇ ತಿಂಗಳ 19 ರಿಂದ 22ರ ತನಕ ನಾಲ್ಕು ದಿನಗಳ 41ನೇ ರಾಜ್ಯಮಟ್ಟದ ‘ಅಯೋ ಕ್ಕಾನ್’ ವಾರ್ಷಿಕ ಸಮ್ಮೇಳನ ಆಯೋಜಿಸಲಾಗಿದೆ.
ವೈದ್ಯಕೀಯ ಕಾಲೇಜಿನ ಡಾ.ಎಚ್.ಎಂ. ಗಂಗಾಧರಯ್ಯ ಮೆಮೋರಿಯಲ್ ಹಾಲ್‌ನಲ್ಲಿ ಕರ್ನಾಟಕ ರಾಜ್ಯ ಶಾಖೆಯ ಮತ್ತು ಜಿಲ್ಲಾ ಶಾಖೆಯ ಆಶ್ರಯದಲ್ಲಿ ಏರ್ಪಟ್ಟಿರುವ ವಾರ್ಷಿಕ ರಾಜ್ಯ ಮಟ್ಟದ ಅಯೋಕ್ಕಾನ್-24 ಇಎನ್‌ಟಿ ಸಮ್ಮೇಳನವನ್ನು ಶ್ರೀ ಸಿದ್ಧಾರ್ಥ ಅಕಾಡೆಮಿ ಆಫ್ ಹೈಯರ್ ಎಜುಕೇಶನ್ ಕುಲಾಧಿಪತಿ ಹಾಗೂ ಗೃಹ ಸಚಿವರಾದ ಡಾ.ಜಿ. ಪರಮೇಶ್ವರ ಉದ್ಘಾಟಿಸಲಿದ್ದಾರೆ.
ಶಾಖೆಯ ರಾಷ್ಟ್ರೀಯ ಅಧ್ಯಕ್ಷರಾದ ಡಾ.ಶಂಕರ್ ಬಿ.ಮೇದಿಕೇರಿ, ಡಾ.ರಾಘ ವೇಂದ್ರ ಕೆ.ಜಿ., ಡಾ.ಇಂದುಶೇಖರ್ ಸಿಂಗ್ ಬಿ.ಎಸ್.,ಡಾ.ರವಿಕುಮಾರ್ ಸಿ.ಜಿ, ಡಾ.ಮುನೀಶ್ವರ ಜಿ.ಬಿ. ಸೇರಿ ದಂತೆ ರಾಜ್ಯ ಮತ್ತು ರಾಷ್ಟ್ರೀಯ ಮಟ್ಟದ ಪದಾಧಿ ಕಾರಿಗಳು ಈ ಸಮ್ಮೇಳನದಲ್ಲಿ ಪಾಲ್ಗೊಳ್ಳಲಿದ್ದಾರೆ ಎಂದು ಸಂಘಟನಾ ಸಮಿತಿ ಯ ಸಂಚಾಲಕರಾದ ಡಾ.ಜ್ಯೋತಿ ಸ್ವರೂಪ್ ತಿಳಿಸಿದ್ದಾರೆ.
ಕಲ್ಪತರು ನಾಡು ಹಾಗೂ ಜ್ಞಾನದ ಹರಡುವಿಕೆಗೆ ಹೆಸರುವಾಸಿಯಾಗಿರುವ ಶಿಕ್ಷಣ ಸಂಸ್ಥೆಗಳಿರುವ ಜಿಲ್ಲೆಯಲ್ಲಿ ನಡೆಯಲಿರುವ ಸಮ್ಮೇಳನದಲ್ಲಿ ನಡೆಯಲಿರುವ ವೈಜ್ಞಾನಿಕ ಚರ್ಚೆಗಳಲ್ಲಿ 1000ಕ್ಕೂ ಹೆಚ್ಚು ವೈದ್ಯಕೀಯ ಪ್ರತಿನಿಧಿಗಳು ಭಾಗವಹಿಸಲಿದ್ದಾರೆ.
ಭಾಷಣಗಳು, ಆಹ್ವಾನಿತ ಮಾತುಕತೆಗಳು, ಚರ್ಚೆಗಳು, ವೈಜ್ಞಾನಿಕ ವಿಷಯ ಮಂಡನೆಗಳು, ವೈಜ್ಞಾನಿಕ ವೀಡಿಯೋ ಪ್ರಸ್ತುತಿ, ಇ-ಪೋಸ್ಟರ್ ಪ್ರಸ್ತುತಿ, ಏಕಲವ್ಯ ರಸಪ್ರಶ್ನೆ ,ಭಾಷಣಗಳು, ಆಹ್ವಾನಿತ ಮಾತುಕತೆಗಳು, ಪ್ಯಾನಲ್ ಚರ್ಚೆಗಳು, ಮುಕ್ತ ಸಭೆ, ವೈಜ್ಞಾನಿಕ ಪತ್ರಿಕೆಗಳ ಪ್ರದರ್ಶನ-ಪ್ರಸ್ತುತಿಗಳು, ಇ-ಪೋಸ್ಟರ್ ಪ್ರಸ್ತುತಿ, ಆಹ್ವಾನಿತ ಮಾತುಕತೆಗಳು, ಸಮಿತಿ ಚರ್ಚೆ ಮತ್ತು ಮೌಲ್ಯಾಂಕನ ಕಾರ್ಯಗಳನ್ನು ಈ ನಾಲ್ಕು ದಿನಗಳ ವೈದ್ಯಕೀಯ ಸಮ್ಮೇಳನದಲ್ಲಿ ಹಮ್ಮಿಕೊಳ್ಳಲಾಗಿದೆ.
ಅಯೋಕ್ಕಾನ್-24ರಲ್ಲಿ ಸ್ಪರ್ಧೆಗಳು:
ಡಾ.ಸಿ.ಎಂ. ಅತ್ಯುತ್ತಮ ಬೋಧನಾ ವಿಭಾಗದ ಗುರುಮೂರ್ತಿ ಚಿನ್ನದ ಪದಕ – ವೈಜ್ಞಾನಿಕ ಪತ್ರಿಕೆ ಮಂಡನೆ.
ಇಎನ್‌ಟಿ ಮತ್ತು ತಲೆ ಮತ್ತು ಕುತ್ತಿಗೆ ಶಸ್ತçಚಿಕಿತ್ಸೆಯಲ್ಲಿನ ನಾವೀನ್ಯತೆಗಳಿಗಾಗಿ ಡಾ. ಎನ್.ಡಿ. ಪುರುಷೋತ್ತಮ್ ಚಿನ್ನದ ಪದಕ
ಡಾ.ಎಸ್.ಕೆ. ಅತ್ಯುತ್ತಮ ವೀಡಿಯೊ ಪ್ರಸ್ತುತಿಗಾಗಿ ಮೊಂಡಲ್ ಚಿನ್ನದ ಪದಕ.
ಡಾ. ಎ. ಮಹದೇವಯ್ಯ ಸ್ನಾತಕೋತ್ತರ ಪದವೀಧರರ ವೈಜ್ಞಾನಿಕ ಪತ್ರಿಕೆಗೆ ಚಿನ್ನದ ಪದಕ (ಸರಣ )
ಡಾ. ಕಿಶೋರ್ ಚಂದ್ರ ಪ್ರಸಾದ್ ಸ್ನಾತಕ-ಪದವೀಧರರ ವೈಜ್ಞಾನಿಕ ಪತ್ರಿಕೆಗೆ ಚಿನ್ನದ ಪದಕ – ಪ್ರಕರಣದ ಪ್ರಸ್ತುತಿ.
ಡಾ. ವಿಜಯೇಂದ್ರ ಚಿನ್ನದ ಪದಕ – ವೈಜ್ಞಾನಿಕ ಪ್ರಬಂಧಗಳ ಮಂಡಣೆಗಾಗಿ.
ಇ-ಪೋಸ್ಟರ್‌ಗಳು : ಡಾ. ಎಂ.ವಿ. ವೆಂಕಟೇಶ ಮೂರ್ತಿ ಅವರು ಅತ್ಯುತ್ತಮ ಪೋಸ್ಟರ್‌ಗಾಗಿ ಚಿನ್ನದ ಪದಕ
ಸ್ನಾತಕೋತ್ತರ ಪದವೀಧರರಿಗೆ ಏಕಲವ್ಯ ರಸಪ್ರಶ್ನೆಯನ್ನು ಹಮ್ಮಿಕೊಳ್ಳಲಾಗಿದೆ.
ಸ್ಪರ್ಧಾತ್ಮಕ ಸೆಷನ್‌ಗಳಲ್ಲಿ ಭಾಗವಹಿಸುವ ಎಲ್ಲರಿಗೂ ನೋಂದಣ ಕಡ್ಡಾಯವಾಗಿದೆ. ಸಮ್ಮೇಳನ ಆರಂಭ ವಾಗುವುದಕ್ಕೂ ಮೊದಲು ಪ್ರಬಂಧ ಮಂಡನೆಯ ವಿಷಯಗಳು ಮತ್ತು ಸ್ಪರ್ಧೆಯ ವಿಷಯಗಳಲ್ಲಿ ಪಾಲ್ಗೊಳ್ಳುವಿಕೆ ತಂಡದ ವಿವಿರಗಳು ವೈಜ್ಞಾನಿಕ ಸಮಿತಿಯನ್ನು ತಲುಪಬೇಕು ಎಂದು ಡಾ.ಜ್ಯೋತಿ ಸ್ವರೂಪ್ ಅವರು ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
