ತುಮಕೂರು: ಪದವಿಪೂರ್ವ ಶಿಕ್ಷಣ ಇಲಾಖೆ ನಡೆಸುವ ಕ್ರೀಡಾಕೂಟದಲ್ಲಿ ವಿದ್ಯಾನಿಧಿ ಕಾಲೇಜಿನ ವಿದ್ಯಾರ್ಥಿಗಳು ಜಿಲ್ಲಾಮಟ್ಟ ದಿಂದ ರಾಜ್ಯ ಮಟ್ಟಕ್ಕೆ ಆಯ್ಕೆಯಾಗಿದ್ದಾರೆ.ವಿವಿಧ ಸ್ಪರ್ಧೆಗಳಲ್ಲಿ ತುಮಕೂರು ತಾಲೂಕು ತಂಡವನ್ನು ಪ್ರತಿನಿಧಿಸಿದ ಒಟ್ಟು 18 ವಿದ್ಯಾರ್ಥಿಗಳು ಭಾಜನರಾಗಿದ್ದಾರೆ.
ಬಾಲಕಿಯರ ಕಬಡ್ತಿ ವಿಭಾಗದಲ್ಲಿ ಸಮೀನಾ ಸುಲ್ತಾನ ಮತ್ತು ಲಿಖಿತಾ, ಖೋಖೋ ವಿಭಾಗದಲ್ಲಿ ನಮ್ರತಾ ಮತ್ತು ರಚನಾ, ವಾಲಿಬಾಲ್ ನಲ್ಲಿ ಕೀರ್ತನಾ ಮತ್ತು ಪ್ರಗತಿ, ಕರಾಟೆಯಲ್ಲಿ ದಿವ್ಯಶ್ರೀ, ಟೇಬಲ್ ಟೆನ್ನಿಸ್ ನಲ್ಲಿ ಪ್ರಿಯಾ ಪುಲಕೇಶಿ, ಕುಸ್ತಿಯಲ್ಲಿ ಜೂಲಿ ಯಟ್ ಜೆನ್ನಿಫರ್ ದಾಸ್ ವಿಜೇತರಾಗಿದ್ದಾರೆ.
ಬಾಲಕರ ವಿಭಾಗದಲ್ಲಿ, ಪ್ರೋಬಾಲ್ ನಲ್ಲಿ ಮಹಾದೇವ ಪ್ರಭು ಹುಟ್ಬಾಲ್ ನಲ್ಲಿ ಮುತ್ತುರಾಜ್ ಮತ್ತು ವಿಶಿಷ್ಟ, ಹ್ಯಾಂಡ್ ಬಾಲ್ ನಲ್ಲಿ ಮೋಹಿತ್ ಕುಸ್ತಿಯಲ್ಲಿ ಜೀವನ ಹಾಗೂ ಲಕ್ಷ್ಮೀ ಪ್ರಸಾದ್, ಬಾಸ್ಕೆಟ್ ಬಾಲ್ ನಲ್ಲಿ ಮೋಹನ್ ರಾಜ್ಯ ಮಟ್ಟಕ್ಕೆ ಆಯ್ಕೆ ಯಾಗಿದ್ದಾರೆ.
ಗುಣಾತ್ಮಕ ಶಿಕ್ಷಣದ ಮೂಲಕ ಸಮಾಜಕ್ಕೆ ನಿರಂತರವಾಗಿ ಸೇವೆ ಸಲ್ಲಿಸುತ್ತಿರುವ ವಿದ್ಯಾನಿಧಿ ಕಾಲೇಜು, ಪಕ್ಷೇತರ ಚಟುವಟಿಕೆ ಗಳಿಗೂ ಪ್ರೋತ್ಸಾಹ ಕೊಡುತ್ತಿರುವುದಕ್ಕೆ ಸಾಕ್ಷಿ ನಮ್ಮ ವಿದ್ಯಾರ್ಥಿಗಳು ಕ್ರೀಡಾಕೂಟದಲ್ಲಿ ರಾಜ್ಯ ಮಟ್ಟಕ್ಕೆ ಆಯ್ಕೆಯಾಗಿರು ವುದು, ಅವರ ಭವಿಷ ಉಜ್ವಲವಾಗಿರಲಿ ಎಂದು ವಿದ್ಯಾವಾಹಿನಿ ಸಮೂಹ ಶಿಕ್ಷಣ ಸಂಸ್ಥೆಗಳ ಕಾರ್ಯದರ್ಶಿ ಎನ್. ಬಿ.ಪ್ರದೀಪ್ ಕುಮಾರ್, ಪ್ರಾಂಶುಪಾಲ ಸಿದ್ದೇಶ್ವರ ಸ್ವಾಮಿ, ಸಿಬ್ಬಂದಿಗಳು ವಿದ್ಯಾರ್ಥಿಗಳನ್ನು ಅಭಿನಂದಿಸಿದರು.
