ಟೊರೊಂಟೊ: ಪಂಜಾಬ್ ಮುಖ್ಯಮಂತ್ರಿ (Punjab Chief Minister) ಬಿಯಾಂತ್ ಸಿಂಗ್ ( Beant Singh) ಹತ್ಯೆಗೆ ಕಾರಣವಾದ ಆತ್ಮಾಹುತಿ ಬಾಂಬರ್‌ಗೆ ಕೆನಡಾದ ಖಲಿಸ್ತಾನಿ ಗುಂಪು (Khalistan) ಮೆರವಣಿಗೆ ನಡೆಸಿ ಶ್ರದ್ಧಾಂಜಲಿ ಸಲ್ಲಿಸಿದೆ.
ವ್ಯಾಂಕೋವರ್‌ನಲ್ಲಿರುವ ಭಾರತೀಯ ದೂತಾವಾಸಕ್ಕೆ ಮೆರವಣಿಗೆಯಲ್ಲಿ ಹತ್ಯೆಯಾದ ಮುಖ್ಯಮಂತ್ರಿಯ ಛಾಯಾಚಿತ್ರದೊಂದಿಗೆ ಬಾಂಬ್ ಸ್ಫೋಟಗೊಂಡ ಕಾರಿನಲ್ಲಿ ರಕ್ತವನ್ನು ಚಿಮುಕಿಸಿರುವಂತೆ ಹತ್ಯೆಯನ್ನು ಚಿತ್ರಿಸಲಾಗಿದೆ.
ಈ ಸಂದರ್ಭದಲ್ಲಿ ಆತ್ಮಹತ್ಯಾ ಬಾಂಬರ್, ಕೊಲೆಗಾರ ದಿಲಾವರ್ ಸಿಂಗ್ ಬಬ್ಬರ್ ನಿಗೂ ಗೌರವ ಸಲ್ಲಿಸಲಾಯಿತು. ಬಿಯಾಂತ್ ಸಿಂಗ್ ಅವರನ್ನು 29 ವರ್ಷಗಳ ಹಿಂದೆ 1995ರ ಆಗಸ್ಟ್ 31 ರಂದು ಹತ್ಯೆ ಮಾಡಲಾಗಿತ್ತು.
ಟೊರೊಂಟೊದಲ್ಲಿ ಇಂದರ್‌ಜೀತ್ ಸಿಂಗ್ ಗೋಸಲ್ ನೇತೃತ್ವದಲ್ಲಿ ಇದೇ ರೀತಿಯ ರಾಲಿಯನ್ನು ನಡೆಸಲಾಯಿತು. ಅವರು ಖಲಿಸ್ತಾನ್ ಜನಾಭಿಪ್ರಾಯ ಸಂಗ್ರಹಣೆಯ ಪ್ರಚಾರಕರನ್ನು ದಿಲಾವರ್ ಸಿಂಗ್‌ನ “ಸಂತಾನ” ಎಂದು ಕರೆದರು.
ಆಗಸ್ಟ್‌ನಲ್ಲಿ ಕೆನಡಾದ ಕಾನೂನು ಜಾರಿಯಾದ ಮೇಲೆ ಒಂಟಾರಿಯೊ ಪ್ರಾಂತೀಯ ಪೋಲೀಸ್ ಮತ್ತು ರಾಯಲ್ ಕೆನಡಿಯನ್ ಮೌಂಟೆಡ್ ಪೋಲೀಸ್ ಅಥವಾ ಆರ್‌ಸಿಎಂಪಿ ನಿಂದ ಜನಾಭಿಪ್ರಾಯ ಸಂಗ್ರಹದ ಪ್ರಮುಖ ಸಂಘಟಕ ಮತ್ತು ಸಿಖ್ಸ್ ಫಾರ್ ಜಸ್ಟಿಸ್ ಜನರಲ್ ಕೌನ್ಸೆಲ್ ಗುರ್ಪತ್‌ವಂತ್ ಪನ್ನುನ್ ನ ಸಹವರ್ತಿ ಗೋಸಾಲ್ ಗೆ ಜೀವ ಬೆದರಿಕೆ ಎಚ್ಚರಿಕೆ ನೀಡಲಾಗಿತ್ತು.
ಕಳೆದ ವರ್ಷ ಜೂನ್ 18 ರಂದು ಬ್ರಿಟೀಷ್ ಕೊಲಂಬಿಯಾದ ಸರ್ರೆಯಲ್ಲಿ ಹತ್ಯೆಗೀಡಾದ ಹರ್ದೀಪ್ ಸಿಂಗ್ ನಿಜ್ಜರ್ ಅವರಿಗೂ ಗೋಸಲ್ ನಿಕಟರಾಗಿದ್ದರು.
ಚಂಡೀಗಢದಲ್ಲಿ ನಡೆದ ಆತ್ಮಾಹುತಿ ಬಾಂಬ್ ದಾಳಿಯಲ್ಲಿ ಒಟ್ಟು 17 ಮಂದಿ ಸಾವನ್ನಪ್ಪಿದ್ದರು. ಭಯೋತ್ಪಾದಕ ಸಂಘಟನೆ ಬಬ್ಬರ್ ಖಾಲ್ಸಾ ಇಂಟರ್‌ನ್ಯಾಶನಲ್ ಅಥವಾ ಬಿಕೆಐ ದಾಳಿಯ ಹೊಣೆ ಹೊತ್ತುಕೊಂಡಿತ್ತು. ಬಿಕೆಐ ಕೆನಡಾದ ನಿಷೇಧಿತ ಭಯೋತ್ಪಾದಕ ಘಟಕಗಳ ಪಟ್ಟಿಯಲ್ಲಿದೆ.
ಜೂನ್ 9 ರಂದು ಗ್ರೇಟರ್ ಟೊರೊಂಟೊ ಪ್ರದೇಶದ ಬ್ರಾಂಪ್ಟನ್‌ನಲ್ಲಿ ನಡೆದ ಮೆರವಣಿಗೆಯಲ್ಲಿ ಇಂದಿರಾ ಗಾಂಧಿ ಹತ್ಯೆಗೆ ಕಾರಣವಾದ ಅಂಗರಕ್ಷಕರ ಪ್ರತಿಕೃತಿಯ ಮೆರವಣಿಗೆ ನಡೆಸಲಾಗಿತ್ತು. ಇದರಲ್ಲಿ ಹತ್ಯೆಯ ದಿನಾಂಕವಾದ 1984ರ ಅಕ್ಟೋಬರ್ 31ರಂದು ಅವಳಿಗೆ ಶಿಕ್ಷೆ ನೀಡಲಾಗಿದೆ ಎಂದು ಹೇಳುವ ಪೋಸ್ಟರ್‌ಗಳನ್ನು ಒಳಗೊಂಡಿತ್ತು.
ಈ ಮೆರವಣಿಗೆಗಳ ಕುರಿತು ಪ್ರತಿಕ್ರಿಯಿಸಿರುವ ಕೆನಡಾದ ಸಾರ್ವಜನಿಕ ಸುರಕ್ಷತೆಯ ಸಚಿವ ಡೊಮಿನಿಕ್ ಲೆಬ್ಲಾಂಕ್, ಕೆನಡಾದಲ್ಲಿ ಹಿಂಸೆಯ ಪ್ರಚಾರ ಎಂದಿಗೂ ಸ್ವೀಕಾರಾರ್ಹವಲ್ಲ ಎಂದು ಎಕ್ಸ್‌ನಲ್ಲಿ ಪೋಸ್ಟ್ ಮಾಡಿದ್ದಾರೆ.
