ನವದೆಹಲಿ: ಸೌದಿ ಅರೇಬಿಯಾದಲ್ಲಿ ಸಂಭವಿಸಿದ್ದ ಲಘು ವಿಮಾನ ಅಪಘಾತದಲ್ಲಿ ಭಾರತೀಯ ಮೂಲದ ವೈದ್ಯರೊಬ್ಬರು ಬಲಿಯಾಗಿದ್ದಾರೆ. ಮೃತ ವೈದ್ಯನನ್ನು ಸುಲೈಮಾನ್ ಅಲ್ ಮಜೀದ್ ಎಂದು ಗುರುತಿಸಲಾಗಿದ್ದು, ಅವರು ಮತ್ತು ಸಹ ಪೈಲಟ್ ಪ್ರಯಾಣಿಸುತ್ತಿದ್ದ ವಿಮಾನ ಅಪಘಾತಕ್ಕೀಡಾಗಿದೆ. ಯುಎಇಯ ರಾಸ್ ಅಲ್ ಖೈಮಾ ಕರಾವಳಿಯಲ್ಲಿ ಲಘು ವಿಮಾನ ಅಪಘಾತ(Plan crash)ದಲ್ಲಿ ಸಂಭವಿಸಿದೆ.
ಸುಲೈಮಾನ್ ಅಲ್ ಮಜೀದ್ ಅವರು 26 ವರ್ಷದ ಪಾಕಿಸ್ತಾನಿ ಮಹಿಳೆಯೊಂದಿಗೆ ವಿಮಾನದ ಸಹ-ಪೈಲಟ್ ಆಗಿದ್ದರು, ಅವರು ಅಪಘಾತದಲ್ಲಿ ಸಾವನ್ನಪ್ಪಿದರು. ಯುಎಇಯಲ್ಲಿ ಹುಟ್ಟಿ ಬೆಳೆದ 26 ವರ್ಷದ ಸುಲೈಮಾನ್ ತನ್ನ ಕುಟುಂಬದೊಂದಿಗೆ ವಿಮಾನವನ್ನು ಬಾಡಿಗೆಗೆ ಪಡೆದು ಪ್ರಯಾಣಿಸುತ್ತಿದ್ದರು. ಅವರ ತಂದೆ, ತಾಯಿ ಮತ್ತು ಕಿರಿಯ ಸಹೋದರ ವಿಮಾನವನ್ನು ವೀಕ್ಷಿಸಲು ಏವಿಯೇಷನ್ ಕ್ಲಬ್‌ನಲ್ಲಿದ್ದರು ಎಂದು ವರದಿಗಳು ತಿಳಿಸಿವೆ.
ವರದಿಗಳ ಪ್ರಕಾರ ಸುಲೈಮಾನ್ ಅವರ ಕಿರಿಯ ಸಹೋದರ ನಂತರ ವಿಮಾನಯಾನಕ್ಕೆ ಸಜ್ಜಾಗಿದ್ದರು ಎನ್ನಲಾಗಿದೆ. ನಾವು ಕುಟುಂಬ ಸಮೇತರಾಗಿ ಹೊಸ ವರ್ಷವನ್ನು ಎದುರು ನೋಡುತ್ತಿದ್ದೆವು, ಒಟ್ಟಿಗೆ ಆಚರಿಸಲು ಯೋಜಿಸಿದ್ದೇವೆ, ಬದಲಿಗೆ, ನಮ್ಮ ಜೀವನವು ಛಿದ್ರಗೊಂಡಿದೆ. ನಮಗೆ ಸಮಯವು ನಿಂತುಹೋದಂತೆ ಭಾಸವಾಗುತ್ತಿದೆ. ಸುಲೈಮಾನ್ ನಮ್ಮ ಜೀವನದ ಬೆಳಕು. ಅವನಿಲ್ಲದೇ ಬದು ಹೇಗೆ ಮುಂದುವರಿಸುವುದು ಎಂದು ನಮಗೆ ತಿಳಿದಿಲ್ಲ ಎಂದು ಸುಲೈಮಾನ್ ಅವರ ತಂದೆ ಯುಎಇ ಮೂಲದ ಪತ್ರಿಕೆ ಖಲೀಜ್ ಟೈಮ್ಸ್ ಉಲ್ಲೇಖಿಸಿದ್ದಾರೆ.
ಕಡಲತೀರದ ಕೋವ್ ರೊಟಾನಾ ಹೋಟೆಲ್ ಬಳಿ ಟೇಕ್ ಆಫ್ ಆದ ಸ್ವಲ್ಪ ಸಮಯದ ನಂತರ ಅಪಘಾತ ಸಂಭವಿಸಿದೆ ಎಂದು ವಾಯುಯಾನ ಪ್ರಾಧಿಕಾರ ತಿಳಿಸಿದೆ. ಗ್ಲೈಡರ್ ರೇಡಿಯೊ ಸಂಪರ್ಕವನ್ನು ಕಳೆದುಕೊಂಡಿತು ಮತ್ತು ನಂತರ ತುರ್ತು ಲ್ಯಾಂಡಿಂಗ್‌ಗೆ ಪ್ರಯತ್ನಿಸಿತು ಎಂದು ಸೂಚಿಸುತ್ತವೆ. ಮರು ಸಂಪರ್ಕ ಪಡೆಯುವ ಮುನ್ನವೇ ಅಪಘಾತಕ್ಕೀಡಾಗಿದ್ದು, ಇಬ್ಬರೂ ಮೃತಪಟ್ಟಿದ್ದಾರೆ.
ಈ ಸುದ್ದಿಯನ್ನೂ ಓದಿ: Viral Video: ಜರ್ಮನಿಯ ಕ್ರಿಸ್‌ಮಸ್‌ ಮಾರುಕಟ್ಟೆಯಲ್ಲಿ ಕಾರು ದಾಳಿ; ಇಬ್ಬರು ಬಲಿ: ಸೌದಿ ಮೂಲದ ವೈದ್ಯನ ಬಂಧನ
