ಕಾಲಿವುಡ್‌ನಲ್ಲಿ ಮಿಂಚಿದ ಒಂದೇ ಕುಟುಂಬದ 7 ನಟಿಯರು ಇವರು...
ಭಾರತೀಯ ಸಿನಿಮಾ ರಂಗದಲ್ಲಿ ಒಂದೇ ಕುಟುಂಬದ ನಟ-ನಟಿಯರು ಅನೇಕರಿರುವ ಅದೆಷ್ಟೊ ಉದಾಹರಣೆ ಕಂಡಿದ್ದೇವೆ. ಅಂತೆಯೇ ತಮಿಳು ಚಿತ್ರರಂಗದಲ್ಲಿ ಒಂದೇ ಕುಟುಂಬದ 7 ನಟಿಯರು ಮಿಂಚಿದ್ದರು ಎಂದರೆ ನಿಮಗೂ ಆಶ್ಚರ್ಯವಾಗಬಹುದು. ಟಿ.ಆರ್. ರಾಜಕುಮಾರಿ ಅವರ ಕುಟುಂಬವು ತಮಿಳು ಚಿತ್ರರಂಗಕ್ಕೆ ನೀಡಿದ ಕೊಡುಗೆ ಅಪಾರವಾಗಿದ್ದು, ಅವರ ಒಂದೇ ಕುಟುಂಬದಿಂದ ಬರೋಬ್ಬರಿ 7 ನಟಿಯರು ಚಲನಚಿತ್ರೋದ್ಯಮದಲ್ಲಿ ಕಲಾ ಸೇವೆ ಸಲ್ಲಿಸಿದ್ದಾರೆ.
7 Heroines In One Family
Pushpa Kumari
May 29, 2025 8:14 PM
ತಮಿಳಿನ ಟಿ.ಆರ್.ರಾಜಕುಮಾರಿ ಅವರ ಕುಟುಂಬವು ತಮಿಳು ಚಿತ್ರರಂಗಕ್ಕೆ ನೀಡಿದ ಕೊಡುಗೆ ಅಪಾರ. ಅವರ ಒಂದೇ ಕುಟುಂಬದ ಬರೋಬ್ಬರಿ 7 ನಟಿಯರು ಸಿನಿರಂಗದಲ್ಲಿ ಆ ಕಾಲದಲ್ಲಿಯೇ ಕಲಾ ಸೇವೆ ನೀಡಿದ್ದಾರೆ.1930ರ ಕಾಲಘಟ್ಟದಲ್ಲಿ ತಮಿಳು ಸಿನಿಮಾ ಉದ್ಯಮ ಆಗತಾನೇ ಬೆಳೆಯುತ್ತಿತ್ತು. ಆ ಸಂದರ್ಭದಲ್ಲಿ ಸಿನಿ ಕ್ಷೇತ್ರ ದಲ್ಲಿ ಛಾಪು ಮೂಡಿಸಿದವರು ತಂಜಾವೂರಿನ ರಾಧಾಕೃಷ್ಣನ್ ರಾಜಯೀ. ಇವರು 1930ರ ದಶಕದಲ್ಲಿ ಚಿತ್ರರಂಗಕ್ಕೆ ಪ್ರವೇಶಿಸಿದರು.
ನಿರ್ಮಾಪಕ ಮಣಿಕಂ ತಂಜಾವೂರಿನಲ್ಲಿ ಪ್ರದರ್ಶನ ನೀಡುತ್ತಿದ್ದ ರಾಜಯೀ ಇವರನ್ನು ನೋಡಿ ನಟಿಯಾಗಿ ಆಯ್ಕೆ ಮಾಡಿದರು.1938ರಲ್ಲಿ ನಿರ್ಮಾಣವಾದ ʼಕುಮಾರ ಕುಲೋತ್ತುಂಗನ್ʼ ಚಿತ್ರದ ಮೂಲಕ ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಿದರು. ಆ ಬಳಿಕ ʼಕಚ ದೇವಯಾನಿʼ ಚಿತ್ರದಲ್ಲೂ ನಟಿಸಿದರು. ಅವರ ಸಹೋದರಿ ದಮಯಂತಿ ಕೂಡ ಕೆಲ ಚಿತ್ರಗಳಲ್ಲಿ ನಟಿಸಿದ್ದರು.
ನಿರ್ದೇಶಕ ಕೆ.ಸುಬ್ರಹ್ಮಣ್ಯಂ ಅವರು ರಾಜಯೀ ಅವರಿಗೆ ಟಿ.ಆರ್.ರಾಜಕುಮಾರಿ ಎಂಬ ಹೊಸ ಹೆಸರನ್ನು ನೀಡಿದರು. ಆ ಬಳಿಕ ರಾಜಯೀ ಸಿನಿ ಕ್ಷೇತ್ರದಲ್ಲಿ ಜನಪ್ರಿಯರಾದರು. ತಮಿಳು ಚಿತ್ರರಂಗದ ಪ್ರಸಿದ್ಧ ನಟಿಯರ ಪೈಕಿ ಒಬ್ಬರೆನಿಸಿಕೊಂಡರು.
ನಂತರದ ತಲೆಮಾರಿನಲ್ಲಿ ರಾಜಕುಮಾರಿ ಅವರ ಅತ್ತಿಗೆ ಮಗಳು ಕುಶಲಕುಮಾರಿ ಟಿ.ಆರ್. 1970ರ ದಶಕದಲ್ಲಿ ಸಿನಿ ರಂಗಕ್ಕೆ ಕಾಲಿಟ್ಟರು. ಧನಲಕ್ಷ್ಮೀ ಅವರ ಮಕ್ಕಳಾದ ಜ್ಯೋತಿ ಲಕ್ಷ್ಮೀ ಮತ್ತು ಜಯಮಾಲಿನಿ 1980ರ ದಶಕದಲ್ಲಿ ತಮಿಳು ಮತ್ತು ತೆಲುಗು ಚಿತ್ರರಂಗದಲ್ಲಿ ನೃತ್ಯ ಮತ್ತು ನಟನೆಯ ಮೂಲಕ ಖ್ಯಾತಿ ಗಳಿಸಿದರು.
ಜ್ಯೋತಿ ಲಕ್ಷ್ಮಿ130ಕ್ಕೂ ಹೆಚ್ಚು ಚಿತ್ರಗಳಲ್ಲಿ ಕಾಣಿಸಿಕೊಂಡರು. 1970ರ ದಶಕದ ಆರಂಭದಲ್ಲಿ, ಅವರು ಮಹಿಳಾ ಪ್ರಧಾನ ಚಲನಚಿತ್ರಗಳಲ್ಲಿಯೂ ನಟಿಸಿದರು ಮತ್ತು ನರ್ತಕಿಯಾಗಿಯೂ ಹೆಸರು ಗಳಿಸಿದರು.
ಇವರ ಕೊನೆಯ ತಲೆಮಾರಿಗೆ ಸೇರಿದವರು ಜ್ಯೋತಿ ಮೀನಾ, ಜ್ಯೋತಿ ಲಕ್ಷ್ಮೀ ಪುತ್ರಿ. ಅವರು 1990ರ ದಶಕದಲ್ಲಿ ಕೆಲ ಚಿತ್ರಗಳಲ್ಲಿ ಅಭಿನಯಿಸಿದರು. ʼಉಲ್ಲತೈ ಅಲ್ಲಿತಾʼ ಚಿತ್ರದಲ್ಲಿ ಕಾಣಿಸಿಕೊಂಡರು. ಆ ಬಳಿಕ ವಿಜಯ್, ಅಜಿತ್ ಹೀಗೆ ಹಲವು ಸ್ಟಾರ್‌ಗಳ ಜತೆ ನಟಿಸಿದರು.
ಜ್ಯೋತಿ ಮೀನಾ ವೈದ್ಯರನ್ನು ಮದುವೆಯಾದ ಬಳಿಕ ಅವರ ಮಗ ಕೂಡ ವೈದ್ಯರಾಗಿ ತಮ್ಮ ತಂದೆಯ ಹಾದಿಯನ್ನು ಅನುಸರಿಸಿದರು. ಈ ಮೂಲಕ ಒಂದು ಕಾಲದಲ್ಲಿ ತಮಿಳು ಚಿತ್ರರಂಗವನ್ನು ಆಳಿದ ಕುಟುಂಬ, ಇದೀಗ ಸಿನಿಮಾದಿಂದ ದೂರವಾಗಿ ವೈದ್ಯಕೀಯ ಕ್ಷೇತ್ರದಲ್ಲಿ ಸೇವೆಸಲ್ಲಿಸುತ್ತಿದೆ.