ಯೋಗರಾಜ್ ಭಟ್ ನಿರ್ದೇಶನದಲ್ಲಿ ಸಿದ್ಧವಾಗಿರುವ ಗಾಳಿಪಟ ೨ ತೆರೆಗೆ ಬರಲು ರೆಡಿಯಾಗಿದೆ. ಭಟ್ಟರ ಸಿನಿಮಾ ಎಂದರೆ ಒಂದಷ್ಟು ವಿಭಿನ್ನತೆ ಇರಲೇಬೇಕು. ಅಂತೆಯೇ ಇಲ್ಲಿಯೂ ಸಾಕಷ್ಟು ವಿಶೇಷತೆಗಳು ಇವೆ.
ಗಾಳಿಪಟ ೨ ಚಿತ್ರದ ಪರೀಕ್ಷೆನ ಬಡಿಯಾ.. ನಾಗರ ಹಾವು ಕಡಿಯಾ.. ಎಂಬ ಲಿರಿಕಲ್ ಹಾಡು ಬಲು ಮಜಾವಾಗಿಯೇ ಮೂಡಿ ಬಂದಿದೆ. ಶಾಲಾ ಕಾಲೇಜು ಗಳ ಪರೀಕ್ಷೆ ನಡೆಯುತ್ತಿರುವ ಈ ಸಮಯದಲ್ಲಿಯೇ ಈ ಹಾಡು ಮೂಡಿ ಬಂದಿದ್ದು ಒತ್ತಡದಲ್ಲಿದ್ದ ವಿದ್ಯಾರ್ಥಿಗಳಿಗೆ ಮಜಾ ನೀಡುತ್ತಿದೆ. ಸಂಗೀತ ಪ್ರಿಯರನ್ನು ರಂಜಿಸುತ್ತಿದೆ. ಯೋಗರಾಜ್ ಭಟ್ಟರೆ ಈ ಹಾಡಿಗೆ ಸಾಹಿತ್ಯ
ರಚಿಸಿದ್ದು, ಅರ್ಜುನ್ ಜನ್ಯ ಸಂಗೀತ ನೀಡಿದ್ದಾರೆ. ವಿಜಯ್ ಪ್ರಕಾಶ್ ಹಾಗೂ ಅರ್ಜುನ್ ಜನ್ಯ ದನಿಯಲ್ಲಿ ಹಾಡು ಮೂಡಿ ಬಂದಿದೆ.
ಗಣೇಶ್ ಹಾಗೂ ದಿಗಂತ್ ಈ ಚಿತ್ರದಲ್ಲಿ ಮತ್ತೆ ಒಂದಾಗಿದ್ದು ಗಾಳಿಪಟ ಹಾರಿಸಿ ಕಚಗುಳಿ ಇಡಲಿದ್ದಾರೆ. ಪವನ್ ಕೂಡ ಚಿತ್ರದ ಮುಖ್ಯ ಪಾತ್ರದಲ್ಲಿ ನಟಿಸಿದ್ದಾರೆ. ಇವರಿಗೆ ಜತೆಯಾಗಿ ವೈಭವಿ ಶಾಂಡಿಲ್ಯಾ, ಶರ್ಮಿಳಾ ಮಾಂಡ್ರೆ ಮತ್ತಿತರರು ಚಿತ್ರದಲ್ಲಿ ನಟಿಸಿ ದ್ದಾರೆ. ಅನಂತ್‌ನಾಗ್ ಈ ಚಿತ್ರದಲ್ಲಿಯೂ ಮನಸೆಳೆಯಲಿದ್ದಾರೆ. ಬುಲೆಟ್ ಪ್ರಕಾಶ್ ಕೂಡ ಚಿತ್ರದ ತಾರಾಬಳಗದಲ್ಲಿದ್ದರೆ. ಸೂರಜ್ ಪ್ರೊಡಕ್ಷನ್‌ನಲ್ಲಿ ರಮೇಸ್ ರೆಡ್ಡಿ ಚಿತ್ರ ನಿರ್ಮಾಣಕ್ಕೆ ಬಂಡವಾಳ ಹೂಡಿದ್ದಾರೆ. ಇನ್ನೇನು ಗಾಳಿಪಟ ೨ ಬೆಳ್ಳಿಪರದೆಯಲ್ಲಿ ಹಾರಾಡಲಿದೆ.
