ಕೆಜಿಎಫ್ ಚಾಪ್ಟರ್ 2 ಎಲ್ಲೆಡೆ ಅದ್ಭುತ ಪ್ರದರ್ಶನ ಕಂಡು ದಾಖಲೆ ಬರೆದಿದೆ. ಯಶ್ ರಾಕಿಬಾಯಿ ಅವತಾರದಲ್ಲಿ ಅಬ್ಬರಿಸಿ ಪ್ರೇಕ್ಷಕರ ಮನಸೂರೆಗೊಂಡಿದ್ದಾರೆ.
ಹಾಗಾಗಿ ಸಹಜವಾಗಿಯೇ ಯಶ್ ಅವರ ಮುಂದಿನ ಸಿನಿಮಾ ಯಾವುದು ಎಂಬ ಕುತೂ ಹಲ ಕಾಡುತ್ತಿದೆ. ಇದುವರೆಗೂ ಯಶ್ ಮುಂದಿನ ಚಿತ್ರ ಯಾವುದು ಎಂದು ಬಹಿರಂಗ ವಾಗಿಲ್ಲ.
ಯಶ್, ನರ್ತನ್ ನಿರ್ದೇಶದಲ್ಲಿ ಮೂಡಿಬರುವ ಹೊಸ ಚಿತ್ರದಲ್ಲಿ ನಟಿಸುತ್ತಾರೆ. ಅದರಲ್ಲಿ ನೌಕಾ ಸೇನೆಯ ಅಧಿಕಾರಿಯ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಎಂದು ಹೇಳಲಾಗಿತ್ತು. ಇದರ ಜತೆಗೆ ಬಾಲಿವುಡ್ ಸಿನಿಮಾಗಳಲ್ಲಿಯೂ ಯಶ್ ಮಿಂಚಲಿದ್ದಾರೆ ಎಂಬ ಮಾತು ಗಳು ಕೇಳಿಬಂದಿದ್ದವು. ಆದರೆ ಈ ಬಗ್ಗೆ ಯಶ್ ಆಗಲಿ, ಚಿತ್ರತಂಡವಾಗಲಿ ಅಧಿಕೃತವಾಗಿ ಘೋಷಿಸಿಲ್ಲ. ಹಾಗಾಗಿ ಯಶ್ ಮುಂದಿನ ಚಿತ್ರದ ಬಗ್ಗೆ ಇಂದಿಗೂ ಕಾತರತೆ ಇದ್ದೇ ಇದೆ.
ಇದೆಲ್ಲದಕ್ಕೂ ಇನ್ನೇನು ತೆರೆಬೀಳಿದೆ. ಜೂನ್ 3ರಂದು ಯಶ್ ನಟಿಸಲಿರುವ ಹೊಸ ಚಿತ್ರ ಘೋಷಣೆಯಾಗಲಿದೆ. ಇದು ಹೈ ಬಜೆಟ್‌ನ ಸಿನಿಮಾ ಎನ್ನುವುದು ಈಗಾಗಲೇ ಖಚಿತ ವಾಗಿದೆ. ಯಾಕೆಂದರೆ ಯಶ್‌ಗಾಗಿ ಅದ್ಧೂರಿ ಬಜೆಟ್‌ನ ಕಥೆಯನ್ನು ಹೆಣೆಯಲಾಗಿರುತ್ತದೆ.
ಇನ್ನು ಈ ಚಿತ್ರವನ್ನು ಯಾರು ನಿರ್ದೇಶನ ಮಾಡಲಿದ್ದಾರೆ, ನಿರ್ಮಾಪಕರು ಯಾರು ಎಂಬ ಎಲ್ಲಾ ಪ್ರಶ್ನೆಗಳಿಗೂ ಅಂದೇ ಉತ್ತರ ಸಿಗಲಿದೆ. ಇತ್ತ ಹೊಂಬಾಳೆ ಫಿಲಂಸ್ ಬ್ಯಾನರ್‌ನಲ್ಲಿ ಮತ್ತೆರಡು ಹೈ ಬಜೆಟ್‌ನ ಅದ್ಧೂರಿ ಸಿನಿಮಾಗಳು ಘೋಷಣೆ ಯಾಗಲಿವೆ. ಈ ಚಿತ್ರದಲ್ಲಿಯೂ ಯಶ್ ನಟಿಸಬಹುದೇ ಎಂಬ ಕುತೂಹಲ ಸಹಜವಾಗಿಯೇ ಕಾಡುತ್ತಿದೆ. ಇದೆಲ್ಲಕ್ಕೂ ಜೂನ್ 3 ರವರೆಗೆ ಕಾಯಲೇಬೇಕು.
