ಟೋಕಿಯೊ: ಕ್ರೀಡಾಗ್ರಾಮದಲ್ಲಿ ಶನಿವಾರ 17 ಜನರಿಗೆ ಕೋವಿಡ್‌-19 ದೃಢಪಟ್ಟಿರುವುದಾಗಿ ವರದಿಯಾಗಿದೆ.
ಕ್ರೀಡಾಪಟುಗಳು, ಆಯೋಜಕರು ಹಾಗೂ ಪತ್ರಕರ್ತರು ಸೇರಿದಂತೆ ಕ್ರೀಡಾಕೂಟದಲ್ಲಿ ಭಾಗಿಯಾಗಿರುವವರ ಪೈಕಿ ಈವರೆಗೂ ಒಟ್ಟು 123 ಜನರಿಗೆ ಕರೋನಾ ವೈರಸ್‌ ಸೋಂಕು ತಗುಲಿರುವುದು ಪತ್ತೆಯಾಗಿದೆ. 12 ಅಥ್ಲೀಟ್‌ಗಳಿಗೆ ಕೋವಿಡ್‌-19 ದೃಢಪಟ್ಟಿದೆ. ಗೇಮ್ಸ್‌ಗಳಲ್ಲಿ ಭಾಗವಹಿಸಿರುವವರ ಪೈಕಿ, ಶನಿವಾರ 14 ಜನರಲ್ಲಿ ಸೋಂಕು ಪತ್ತೆ ಯಾಗಿದ್ದು, ಒಟ್ಟು ಸೋಂಕಿತರ ಸಂಖ್ಯೆ 65ಕ್ಕೆ ಏರಿಕೆಯಾಗಿದೆ.
ಜೆಕ್‌ ದೇಶದ ಕ್ರೀಡಾಪಟುಗಳ ಪೈಕಿ ಆರು ಮಂದಿಗೆ ಸೋಂಕು ತಗುಲಿದೆ. ಟೋಕಿಯೊಗೆ ಬರುವ ಸಮಯದಲ್ಲಿ ಆರೋಗ್ಯ ಸುರಕ್ಷತೆಗೆ ಅವರು ತೆಗೆದುಕೊಂಡಿ ರುವ ಕ್ರಮಗಳ ಬಗ್ಗೆ ಒಲಿಂಪಿಕ್‌ ಸಮಿತಿಯು ತನಿಖೆ ಕೈಗೊಳ್ಳುವ ಸಾಧ್ಯತೆ ಇದೆ.
ಮಹಿಳೆಯರ 10 ಮೀಟರ್ಸ್ ಏರ್ ರೈಫಲ್ಸ್ ವಿಭಾಗದಲ್ಲಿ ಚೀನಾದ ಯಾಂಗ್‌ ಚಿಯಾನ್‌ ಚಿನ್ನದ ಪದಕ ಗೆದ್ದಿ ದ್ದಾರೆ. ಭಾರತದ ಇಳವೆನ್ನಿಲ ವಾಳರಿವನ್ ಹಾಗೂ ಅಪೂರ್ವಿ ಚಾಂಡೇಲ ಫೈನಲ್‌ಗೆ ಅರ್ಹತೆ ಗಿಟ್ಟಿಸಿಕೊಳ್ಳು ವಲ್ಲಿ ವಿಫಲರಾದರು.
ಆರ್ಚರಿ ಮಿಶ್ರ ವಿಭಾಗದಲ್ಲಿ ಭಾರತದ ದೀಪಿಕಾ ಕುಮಾರಿ ಹಾಗೂ ಪ್ರವೀಣ್ ಜಾಧವ್ ಜೋಡಿ ಕ್ವಾರ್ಟರ್ ಫೈನಲ್‌ಗೆ ಪ್ರವೇಶಿಸಿದ್ದಾರೆ.
