ನವದೆಹಲಿ: ಪ್ಲೇ ಆಫ್ ಪ್ರವೇಶದ ಮಹತ್ವದ ಪಂದ್ಯದಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ನ ಆರಂಭಿಕ ಜೊತೆಗಾರರು ಮತ್ತೊಂದು ಬೃಹತ್ ರನ್ನ ಜೊತೆಯಾಟ ನೀಡಿದ್ದಾರೆ.
ರುತುರಾಜ್ ಗಾಯಕ್ವಾಡ್ ಮತ್ತು ಡೆವೊನ್ ಕಾನ್ವೇ ಅವರ ಮೊದಲ ವಿಕೆಟ್ಗೆ 141 ರನ್ನ ಕಲೆ ಹಾಕಿದರು. ಇವರ ಬ್ಯಾಟಿಂಗ್ ನೆರವಿನಿಂದ ಚೆನ್ನೈ ನಿಗದಿತ ಓವರ್ ಅಂತ್ಯಕ್ಕೆ 3 ವಿಕೆಟ್ ನಷ್ಟಕ್ಕೆ 223 ರನ್ ಹಾಕಿತು. ಡೆಲ್ಲಿ ಪಂದ್ಯ ಗೆಲ್ಲಲು 224 ರನ್ ಗಳಿಸಬೇಕಿದೆ.
ರುತುರಾಜ್ ಗಾಯಕ್ವಾಡ್ ಮತ್ತು ಡೆವೊನ್ ಕಾನ್ವೇ ಜೋಡಿಯಿಂದ ಮತ್ತೊಂದು ದೊಡ್ಡ ಆರಂಭಿಕ ಜೊತೆಯಾಟ ಬಂತು. 141 ರನ್ ಗಳಿಸಿ ಈ ಜೋಡಿ ಸಿಎಸ್ಕೆಯ 4ನೇ ಬೃಹತ್ ಜೊತೆಯಾಟ ಆಡಿದರು.
ರುತುರಾಜ್ ಗಾಯಕ್ವಾಡ್ 50 ಬಾಲ್ ಎದುರಿಸಿ 7 ಸಿಕ್ಸ್ ಮತ್ತು 3 ಬೌಂಡರಿ ಸಹಿತ 79 ರನ್ ಕಲೆಹಾಕಿದರು. ನಂತರ ಬಂದ ಶಿವಂ ದುಬೆ ಅಬ್ಬರಿಸಿದರು ಕೇವಲ 9 ಬಾಲ್ ಎದುರಿಸಿ 3 ಸಿಕ್ಸ್ನಿಂದ 22 ರನ್ ಕಲೆಹಾಕಿದರು. ಈ ಇನ್ನಿಂಗ್ಸ್ನಲ್ಲಿ 52 ಬಾಲ್ ಎದುರಿಸಿ 11 ಬೌಂಡರಿ ಮತ್ತು 3 ಸಿಕ್ಸ್ ಗಳಿಸಿದರು.
ನಂತರ ರವೀಂದ್ರ ಜಡೇಜಾ ಮತ್ತು ಧೋನಿ ಕೊನೆಯಲ್ಲಿ ಉತ್ತಮ ಜೊತೆಯಾಟವಾಡಿ ಅಜೇಯರಾಗಿ ಉಳಿದರು. 7 ಬಾಲ್ ಎದುರಿಸಿದ ಜಡೇಜಾ 1 ಸಿಕ್ಸ್ ಮತ್ತು 3 ಬೌಂಡರಿ ಇಂದ 20 ರನ್ ಕಲೆಹಾಕಿದರು. ಕೇವಲ ನಾಲ್ಕು ಬಾಲ್ ಎದುರಿಸಿದ ಧೋನಿ 5 ರನ್ಗಳನ್ನು ಮಾತ್ರವೇ ಗಳಿಸಿದರು. ಡೆಲ್ಲಿ ಪರ ಖಲೀಲ್ ಅಹ್ಮದ್, ಅನ್ರಿಚ್ ನಾರ್ಟ್ಜೆ ಮತ್ತು ಚೇತನ್ ಸಕಾರಿಯಾ ತಲಾ ಒಂದು ವಿಕೆಟ್ ಪಡೆದರು.
ತಂಡಗಳು : ಡೆಲ್ಲಿ ಕ್ಯಾಪಿಟಲ್ಸ್: ಡೇವಿಡ್ ವಾರ್ನರ್(ನಾಯಕ), ಫಿಲಿಪ್ ಸಾಲ್ಟ್(ವಿಕೆಟ್ ಕೀಪರ್), ರಿಲೀ ರೋಸೊವ್, ಯಶ್ ಧುಲ್, ಅಮನ್ ಹಕೀಮ್ ಖಾನ್, ಅಕ್ಸರ್ ಪಟೇಲ್, ಲಲಿತ್ ಯಾದವ್, ಕುಲದೀಪ್ ಯಾದವ್, ಚೇತನ್ ಸಕರಿಯಾ, ಖಲೀಲ್ ಅಹ್ಮದ್, ಅನ್ರಿಚ್ ನಾರ್ಟ್ಜೆ
ಚೆನ್ನೈ ಸೂಪರ್ ಕಿಂಗ್ಸ್: ರುತುರಾಜ್ ಗಾಯಕ್ವಾಡ್, ಡೆವೊನ್ ಕಾನ್ವೇ, ಅಜಿಂಕ್ಯ ರಹಾನೆ, ಅಂಬಟಿ ರಾಯುಡು, ಶಿವಂ ದುಬೆ, ಮೊಯಿನ್ ಅಲಿ, ರವೀಂದ್ರ ಜಡೇಜಾ, ಎಂಎಸ್ ಧೋನಿ (ನಾಯಕ / ವಿಕೆಟ್ ಕೀಪರ್), ದೀಪಕ್ ಚಹಾರ್, ತುಷಾರ್ ದೇಶ ಪಾಂಡೆ, ಮಹೇಶ್ ತೀಕ್ಷಣಾ.
