ಕೋಲ್ಕತಾ: ಹಾಲಿ ಚಾಂಪಿಯನ್ ಕೋಲ್ಕತಾ ನೈಟ್ ರೈಡರ್ಸ್(KKR) ತಂಡವು ಮುಂಬರುವ ಐಪಿಎಲ್‌(IPL 2025) ಟೂರ್ನಿಗೆ ಹೊಸ ನಾಯಕನ ಹುಡುಕಾಟದಲ್ಲಿದೆ. ನಾಯಕನಾಗಿದ್ದ ಶ್ರೇಯಸ್ ಅಯ್ಯರ್ ಅವರನ್ನು ಫ್ರಾಂಚೈಸಿ ಹರಾಜಿಗೂ ಮುನ್ನ ತಂಡದಿಂದ ರಿಲೀಸ್‌ ಮಾಡಿತ್ತು. ಇದೀಗ ವರದಿಯಾದ ಪ್ರಕಾರ ರಿಂಕು ಸಿಂಗ್(Rinku Singh) ನೂತನ ನಾಯಕನಾಗಿ ನೇಮಕಗೊಳ್ಳಲಿದ್ದಾರೆ ಎನ್ನಲಾಗಿದೆ.
ಐಪಿಎಲ್‌ಗೆ ಪದಾರ್ಪಣೆ ಮಾಡಿದಾಗಿನಿಂದಲೂ ಕೆಕೆಆರ್ ತಂಡದ ಪರವೇ ಆಡುತ್ತಾ ಬಂದಿರುವ ರಿಂಕು ಸಿಂಗ್ ಅವರನ್ನು ಈ ಬಾರಿ ಫ್ರಾಂಚೈಸಿ13 ಕೋಟಿಗೆ ರಿಟೇನ್ ಮಾಡಿಕೊಂಡಿತ್ತು. ಈ ಹಿಂದಿನ ಆವೃತ್ತಿಯಲ್ಲಿ ರಿಂಕು ಸಿಂಗ್ ಅವರಿಗೆ 55 ಲಕ್ಷ ರೂ. ಸಂಭಾವನೆ ನೀಡಲಾಗಿತ್ತು. ನಾಯಕತ್ವ ನೀಡುವ ಸಲುವಾಗಿಯೇ ಅವರಿಗೆ ಈ ಬಾರಿ ಭಾರೀ ಮೊತ್ತ ನೀಡಿದ್ದು ಎನ್ನಲಾಗಿದೆ. ರಿಂಕುಗೆ ನಾಯಕತ್ವ ನೀಡುವ ಬಗ್ಗೆ ಇದುವರೆಗೂ ಫ್ರಾಂಚೈಸಿ ಯಾವುದೇ ಅಧಿಕೃತ ಮಾಹಿತಿ ನೀಡಿಲ್ಲ.
ರಿಂಕು ಸಿಂಗ್ ಕೋಲ್ಕತಾ ನೈಟ್ ರೈಡರ್ಸ್ ತಂಡದ ಪರ ಇದುವರೆಗೂ 46 ಪಂದ್ಯಗಳನ್ನಾಡಿದ್ದು, 30ರ ಸರಾಸರಿಯಲ್ಲಿ 893 ರನ್ ಸಿಡಿಸಿದ್ದಾರೆ. ಇದರಲ್ಲಿ 4 ಸ್ಪೋಟಕ ಅರ್ಧಶತಕಗಳು ಸೇರಿವೆ. ಕಳೆದ ಆರು ವರ್ಷಗಳಿಂದಲೂ ರಿಂಕು ಸಿಂಗ್ ಕೆಕೆಆರ್ ತಂಡದಲ್ಲಿ ಆಡಿದ ಅನುಭವ ಹೊಂದಿದ್ದಾರೆ. ಹೀಗಾಗಿ ರಿಂಕು ಮೇಲೆ ಕೆಕೆಆರ್ ಮ್ಯಾನೇಜ್‌ಮೆಂಟ್‌ ಅಪಾರ ನಂಬಿಕೆ ಇಟ್ಟುಕೊಂಡಿದೆ. ಹಲವು ಪಂದ್ಯಗಳಲ್ಲಿ ರಿಂಕು ಅಸಾಮಾನ್ಯ ಬ್ಯಾಟಿಂಗ್‌ ಪ್ರದರ್ಶನದ ಮೂಲಕ ತಂಡಕ್ಕೆ ಸ್ಮರಣೀಯ ಗೆಲುವು ಕೂಡ ತಂದುಕೊಟ್ಟಿದ್ದರು. ಭಾರತ ಟಿ20 ತಂಡದಲ್ಲಿಯೂ ರಿಂಕು ಉತ್ತಮ ಪ್ರದರ್ಶನ ತೋರುತ್ತಿದ್ದಾರೆ.
ಇದನ್ನೂ ಓದಿ IPL 2025: ʻಜೆರಾಲ್ಡ್‌ ಕೊಯೆಡ್ಜಿಗೆ ಮೆಗಾ ಹರಾಜಿನಲ್ಲಿ ದೊಡ್ಡ ಮೊತ್ತʼ-ಇದಕ್ಕೆ ಕಾರಣ ತಿಳಿಸಿದ ಡಿಕೆ!
ಕೆಕೆಆರ್ ರಿಟೈನ್‌ ಮಾಡಿದ ಆಟಗಾರರು: ಸುನಿಲ್ ನರೈನ್(12 ಕೋಟಿ ರೂ.), ರಿಂಕು ಸಿಂಗ್(13 ಕೋಟಿ ರೂ.), ಆಂಡ್ರೆ ರಸೆಲ್(12 ಕೋಟಿ ರೂ.), ವರುಣ್ ಚಕ್ರವರ್ತಿ(12 ಕೋಟಿ ರೂ), ಹರ್ಷಿತ್ ರಾಣಾ(4 ಕೋಟಿ ರೂ.) ಮತ್ತು ರಮಣ್ ದೀಪ್ ಸಿಂಗ್(4 ಕೋಟಿ ರೂ.)
ಕೈಬಿಟ್ಟ ಪ್ರಮುಖ ಆಟಗಾರರು: ಶ್ರೇಯಸ್ ಅಯ್ಯರ್, ಅಯ್ಯರ್, ಜೇಸನ್ ರಾಯ್, ಆಂಗ್‌ಕ್ರಿಶ್ ರಘುವಂಶಿ, ಶೆರ್ಫೇನ್ ರುದರ್‌ಫೋರ್ಡ್, ಮನೀಶ್ ಪಾಂಡೆ, ಆಂಡ್ರೆ ರಸೆಲ್, ನಿತೀಶ್ ರಾಣಾ, ವೆಂಕಟೇಶ್ ಅಯ್ಯರ್, ಅನುಕೂಲ್ ರಾಯ್, ರಮಣದೀಪ್ ಸಿಂಗ್, ವೈಭವ್ ಅರೋರಾ, ಚೇತನ್ ಸಕರಿಯಾ, ಸುಯಶ್ ಶರ್ಮಾ, ಮಿಚೆಲ್ ಹುಬ್ಸ್‌ಸನ್, ಸಕಿ ಹುಬ್ಸ್‌ಸನ್, ಗುಸ್ ಅಟ್‌ಕಿನ್‌ಸನ್ ರೆಹಮಾನ್, ಕೆಎಸ್ ಭರತ್, ರಹಮಾನುಲ್ಲಾ ಗುರ್ಬಾಜ್.
