IPL 2025: ಹರಾಜಿನಲ್ಲಿ ಕೋಟಿ ಪಡೆದರೂ ಆಟಗಾರರಿಗೆ ಸಿಗುವ ಅಸಲಿ ಮೊತ್ತವೆಷ್ಟು?

ಬೆಂಗಳೂರು: ಪ್ರತಿ ಬಾರಿಯ ಐಪಿಎಲ್‌(IPL 2025) ಹರಾಜಿನಲ್ಲಿ ಆಟಗಾರರು ಕೋಟಿ ಕೋಟಿ ಮೌಲ್ಯಕ್ಕೆ ಮಾರಾಟವಾಗುತ್ತಾರೆ. ಆದರೆ ಆಟಗಾರರಿಗೆ ಎಷ್ಟು ಮೊತ್ತ ಸಿಗಲಿದೆ ಎಂಬ ಕುತೂಹಲ ಕ್ರಿಕೆಟ್‌ ಅಭಿಮಾನಿಗಳದ್ದಾಗಿರುತ್ತದೆ. ಇದಕ್ಕೆ ಉತ್ತರ ಇಲ್ಲಿದೆ.

ಈ ಬಾರಿಯ ಹರಾಜಿನಲ್ಲಿ ಟೀಮ್‌ ಇಂಡಿಯಾದ ಯುವ ವಿಕೆಟ್‌ ಕೀಪರ್‌ ಕಮ್‌ ಬ್ಯಾಟರ್‌ ರಿಷಭ್‌ ಪಂತ್‌(rishabh pant) ಅವರು ಬರೋಬ್ಬರಿ 27 ಕೋಟಿ ರೂ.ಗೆ ಲಕ್ನೋ ಸೂಪರ್‌ ಜೈಂಟ್ಸ್‌ ತಂಡ ಸೇರಿದರು. ಇದು ಈವರೆಗಿನ ಐಪಿಎಲ್‌ ಇತಿಹಾಸದಲ್ಲೇ ಆಟಗಾರನೊಬ್ಬ ಪಡೆದ ಗರಿಷ್ಠ ಮೊತ್ತವಾಗಿದೆ. ಹಾಲಿ ಚಾಂಪಿಯನ್‌ ಕೆಕೆಆರ್‌ ತಂಡದ ಶ್ರೇಯಸ್‌ ಅಯ್ಯರ್‌(shreyas iyer) 26.75 ಕೋಟಿ ರೂ.ಗೆ ಪಂಜಾಬ್‌ ತಂಡ ಸೇರಿದ್ದರು. ಕೋಟಿ ಪಡೆದರೂ ಎಲ್ಲ ಹಣ ಇವರ ಜೇಬು ಸೇರುವುದಿಲ್ಲ ಎಂಬುದು ವಾಸ್ತವ.

ಹೌದು, ಹರಾಜಿನಲ್ಲಿ ಸಿಕ್ಕ ಮೊತ್ತವೆಲ್ಲ ಆಟಗಾರನಿಗೆ ಸಿಗುವುದಿಲ್ಲ. ಕಾರಣ, ತಾವು ಪಡೆದ ಹಣದಲ್ಲಿ ಶೇ. 30 ರಷ್ಟು ಹಣವನ್ನು ಆದಾಯ ತೆರಿಗೆಯಾಗಿ ಕೇಂದ್ರ ಸರ್ಕಾರಕ್ಕೆ ಪಾವತಿಸಬೇಕಾಗುತ್ತದೆ. ಅದರಂತೆ ಈ ಲೆಕ್ಕಾಚಾರದಂತೆ ರಿಷಭ್‌ ಪಂತ್‌ ಕೈಗೆ ಸಿಗು ವುದು 18.90 ಕೋಟಿ ರೂ. ಮಾತ್ರ. ಹಾಗೆಯೇ ಶ್ರೇಯಸ್‌ ಅಯ್ಯರ್‌ ಕಿಸೆಗೆ ಬೀಳುವ ಮೊತ್ತ 18.72 ಕೋಟಿಯಷ್ಟೇ. ಇದು ಐಪಿಎಲ್‌ನಲ್ಲಿ ಮಾರಾಟಗೊಂಡ ಎಲ್ಲ ಆಟಗಾರರಿಗೂ ಅನ್ವಯಿಸುತ್ತದೆ. ಆರ್‌ಸಿಬಿ ತಂಡ ವಿರಾಟ್‌ ಕೊಹ್ಲಿಯನ್ನು 21 ಕೋಟಿ ರೂ.ಗೆ ರಿಟೇನ್‌ ಮಾಡಿಕೊಂಡಿತ್ತು. ಆದರೆ ಇಲ್ಲಿ ಕೊಹ್ಲಿಗೆ ಸಿಗುವುದು ಕೇವಲ 14.70 ಕೋ. ರೂ. ಮಾತ್ರ.

ಐಪಿಎಲ್​ 18ನೇ ಆವೃತ್ತಿಯ ಎರಡು ದಿನಗಳ ಮೆಗಾ ಹರಾಜು ಪ್ರಕ್ರಿಯೆಯಲ್ಲಿ ಒಟ್ಟು 62 ವಿದೇಶಿಯರ ಸಹಿತ 182 ಆಟಗಾರರು ಬಿಕರಿಯಾದರು. ಮೊದಲ ದಿನ 72 ಆಟಗಾರರ ಬಿಕರಿಯಾಗಿತ್ತು. 10 ತಂಡಗಳು ಒಟ್ಟಾರೆ 639.15 ಕೋಟಿ ರೂ. ವ್ಯಯಿಸಿದವು. ಒಟ್ಟು 8 ಆರ್​ಟಿಎಂ ಕೂಡ ಬಳಕೆಯಾಯಿತು. 2025ರ ಮಾರ್ಚ್​ 14ರಿಂದ ಮೇ 25ರವರೆಗೆ ಟೂರ್ನಿ ನಡೆಯಲಿದೆ.

ಇದನ್ನೂ ಓದಿ IND vs AUS: ಸೋಲಿನ ಬೆನ್ನಲ್ಲೇ ಆಸೀಸ್‌ಗೆ ಆಘಾತ; ಸ್ಟಾರ್‌ ಆಟಗಾರನಿಗೆ ಗಾಯ

ಇದುವರೆಗಿನ ಆಯಾ ಐಪಿಎಲ್‌ ಆವೃತ್ತಿಯ ಹರಾಜಿನಲ್ಲಿ ಗರಿಷ್ಠ ಮೊತ್ತ ಪಡೆದ ಆಟಗಾರರ ಪಟ್ಟಿ ಹೀಗಿದೆ.