ಬ್ಯಾಂಬೊಲಿಮ್‌, ಗೋವಾ: ಇಂಡಿಯನ್ ಸೂಪರ್ ಲೀಗ್‌ ಫುಟ್‌ಬಾಲ್‌ ಟೂರ್ನಿಯಲ್ಲಿ ಸತತ ಮೂರನೇ ಜಯದ ನಿರೀಕ್ಷೆ ಯಲ್ಲಿರುವ ಮುಂಬೈ ಸಿಟಿ ಎಫ್‌ಸಿ ತಂಡ ಡಿ.6 ರಂದು ಒಡಿಶಾ ಎಫ್‌ಸಿ ತಂಡವನ್ನು ಎದುರಿಸಲಿದೆ.
ಮುಂಬೈ ತಾನಾಡಿದ ಮೊದಲ ಪಂದ್ಯದಲ್ಲಿ ನಾರ್ತ್‌ ಈಸ್ಟ್ ಯುನೈಟೆಡ್‌ ಎಫ್‌ಸಿ ಎದುರು ಸೋತಿತ್ತು. ಎರಡನೇ ಪಂದ್ಯದಲ್ಲಿ 1-0 ಯಿಂದ ಎಫ್‌ಸಿ ಗೋವಾ ಎದುರು ಗೆದ್ದಿತ್ತು. ಕೊನೆಯ ಪಂದ್ಯದಲ್ಲಿ 3-0ಯಿಂದ ಎಸ್‌ಸಿ ಈಸ್ಟ್ ಬೆಂಗಾಲ್‌ ಎದುರು ಗೆದ್ದಿತ್ತು.
ಪಾಯಿಂಟ್ಸ್ ಪಟ್ಟಿಯಲ್ಲಿ ಎರಡನೇ ಸ್ಥಾನದಲ್ಲಿರುವ ಮುಂಬೈ ತಂಡವು ಗೆಲುವಿಗೆ ಆಯಡಂ ಲೆ ಫೊಂಡ್ರೆ ಹಾಗೂ ಬಾರ್ತೊ ಲೊಮಿವ್ ಒಗ್ಬೆಚೆ ಅವರನ್ನು ಹೆಚ್ಚಾಗಿ ಅವಲಂಬಿಸಿದೆ. ಈಸ್ಟ್ ಬೆಂಗಾಲ್‌ ಎದುರು ಫೊಂಡ್ರೆ ಎರಡು ಗೋಲು ಗಳಿಸಿದ್ದರು.
ಈ ಆವೃತ್ತಿಯಲ್ಲಿ ಒಡಿಶಾ ಎಫ್‌ಸಿಗೆ ಒಂದು ಪಂದ್ಯದಲ್ಲೂ ಗೆಲುವು ಒಲಿದಿಲ್ಲ. ಆಡಿರುವ ಮೂರು ಪಂದ್ಯಗಳಲ್ಲಿ ಆ ತಂಡ ಎರಡರಲ್ಲಿ ಸೋಲು ಹಾಗೂ ಒಂದು ಡ್ರಾ ಸಾಧಿಸಿದೆ.
