ಮುಂಬೈ : ನಾನು ಮೊದಲು ಮನುಷ್ಯ, ನಂತರ ತಾಯಿ ಮತ್ತು ಸೆಲೆಬ್ರಿಟಿ ಎಂದು ತನಗೆ ಕಿರುಕುಳ ನೀಡಲಾದ ಕುರಿತು ನಟಿ ಪ್ರೀತಿ ಝಿಂಟಾ ಹೇಳಿಕೊಂಡಿದ್ದಾರೆ.
ನಟಿ-ಉದ್ಯಮಿ ಪ್ರೀತಿ ಝಿಂಟಾ ಅವರು ಇತ್ತೀಚೆಗೆ ಮುಂಬೈಗೆ ಭೇಟಿ ನೀಡಿದ ಸಂದರ್ಭದಲ್ಲಿ ಎರಡು ಪ್ರತ್ಯೇಕ ಸಂದರ್ಭಗಳಲ್ಲಿ ಕಿರುಕುಳ ಎದುರಿಸಿರುವ ಬಗ್ಗೆ ಹೇಳಿಕೊಂಡಿದ್ದು, ಘಟನೆಗಳು ನನ್ನನ್ನು ಸ್ವಲ್ಪ ಅಲುಗಾಡಿಸಿವೆ ಎಂದಿದ್ದಾರೆ.
ಇನ್‌ಸ್ಟಾಗ್ರಾಮ್‌ನಲ್ಲಿ ಸುದೀರ್ಘ ಪೋಸ್ಟ್‌ ಮಾಡಿದ್ದು, ಮಹಿಳೆಯೊಬ್ಬರು ತನ್ನ ಅಂಬೆ ಗಾಲಿಡುವ ಜಿಯಾಳೊಂದಿಗೆ ಫೋಟೋ ತೆಗೆದುಕೊಳ್ಳಲು ಪ್ರಯತ್ನಿಸಿದ್ದಾರೆ.
ಆದರೆ ನಯವಾಗಿ ಇಲ್ಲ ಎಂದು ಹೇಳಿದಾಗ, ಮಹಿಳೆ ಇದ್ದಕ್ಕಿದ್ದಂತೆ ನನ್ನ ಮಗಳನ್ನು ತನ್ನ ತೋಳುಗಳಲ್ಲಿ ಹಿಡಿದುಕೊಂಡು ಮುದ್ದಾಡಿ ತುಟಿಗೆ ಮುತ್ತಿಟ್ಟರು. ಈ ಮಹಿಳೆ ಗಣ್ಯರ ಕಟ್ಟಡದಲ್ಲಿ ವಾಸಿಸುತ್ತಿದ್ದಾರೆ. ನನ್ನ ಮಕ್ಕಳು ಆಟವಾಡುತ್ತಿದ್ದರು. ನಾನು ಸೆಲೆಬ್ರಿಟಿ ಯಾಗಿಲ್ಲದಿದ್ದರೆ ನಾನು ಬಹುಶಃ ಕೆಟ್ಟದಾಗಿ ಪ್ರತಿಕ್ರಿಯಿಸುತ್ತಿದ್ದೆ, ಆದರೆ ನಾನು ದೊಡ್ಡ ವಿಚಾರ ಮಾಡಲು ಬಯಸುವುದಿಲ್ಲವಾದ್ದರಿಂದ ನನ್ನ ತಣ್ಣಗಾಗಿದ್ದೆ” ಎಂದು ಜಿಯಾ, ಜೈ ಮತ್ತು ಪತಿ ಜೀನ್ ಗುಡೆನಾಫ್ ಅವರೊಂದಿಗಿನ ಫೋಟೋ ಹಂಚಿಕೊಂಡಿದ್ದಾರೆ.
ಕಿಂಗ್ಸ್ ಇಲೆವೆನ್ ಪಂಜಾಬ್ ತಂಡದ ಸಹ-ಮಾಲಕಿ, ತಾನು ವಿಮಾನ ನಿಲ್ದಾಣಕ್ಕೆ ಧಾವಿಸುತ್ತಿರುವಾಗ ಅಂಗವಿಕಲ ವ್ಯಕ್ತಿ ಯೊಬ್ಬರು ಆಕ್ರಮಣಕಾರಿ ಆಗಲು ಪ್ರಾರಂಭಿಸಿದಾಗ ಆ ಸಮಯದಲ್ಲಿ ನಗದು ಕೊರತೆಯಿಂದಾಗಿ ಹಣ ನೀಡಲು ಸಾಧ್ಯವಾಗ ಲಿಲ್ಲ ಎಂದರು. ನಾನು ವಿಮಾನ ಹತ್ತಬೇಕಾಗಿತ್ತು, ಅಂಗವಿಕಲ ವ್ಯಕ್ತಿ ನನ್ನನ್ನು ತಡೆಯಲು ಪ್ರಯತ್ನಿಸುತ್ತಲೇ ಇದ್ದ. ನನಗೆ ವರ್ಷಗಳಿಂದ ಹಣಕ್ಕಾಗಿ ಕಿರುಕುಳ ನೀಡಿದ್ದು, ನೀಡಲು ಸಾಧ್ಯವಾದಾಗ ನಾನು ಅದನ್ನು ಅವನಿಗೆ ಕೊಟ್ಟಿದ್ದೇನೆ ಎಂದು ಬರೆದಿದ್ದಾರೆ.
