ಚೆನ್ನೈ : ದಕ್ಷಿಣ ಭಾರತದ ಬಹು ಬೇಡಿಕೆಯ ಮತ್ತು ಪ್ರತಿಭಾವಂತ ನಟಿ ಸಮಂತಾ ರುತ್‌ ಪ್ರಭು ( Samantha Ruth Prabhu) ಅವರು ತೆಲುಗುವಿನ ಸ್ಟಾರ್‌ ನಟ ನಾಗ ಚೈತನ್ಯ ಅವರಿಂದ ಡಿವೋರ್ಸ್‌(Divorce) ಪಡೆದ ನಂತರ ಎದುರಿಸಿದ ಟೀಕೆ ಮತ್ತು ಅಪಮಾನಗಳ ಕುರಿತು ಮೌನ ಮುರಿದಿದ್ದಾರೆ. ಸಂದರ್ಶನವೊಂದರಲ್ಲಿ ಮಾತನಾಡಿರುವ ಸಮಂತಾ “ಡಿವೋರ್ಸ್‌ ಪಡೆದ ನಂತರ ನನಗೆ ʼಸೆಕೆಂಡ್‌ ಹ್ಯಾಂಡ್‌ʼ,ಯೂಸ್ಡ್‌ʼ ಎಂಬ ಹಣೆಪಟ್ಟಿಗಳನ್ನು ಕಟ್ಟಿದರು. ಈ ಸಮಾಜದಲ್ಲಿ ಹೆಣ್ಣು ಮಕ್ಕಳು ಹಲವಾರು ಸಮಸ್ಯೆಗಳನ್ನು ಎದುರಿಸಬೇಕು. ಈಗಲೂ ಲಿಂಗ ತಾರತಮ್ಯವಿದೆ. ಮೇಲ್‌ ಡಾಮಿನೇಟ್‌ ಎಂಬುದು ಭಾರತವನ್ನು ಆವರಿಸಿಕೊಂಡಿದೆ” ಎಂದಿದ್ದಾರೆ.
“ಒಬ್ಬ ಮಹಿಳೆ ಡಿವೋರ್ಸ್‌ ಪಡೆದ ನಂತರ ಸಾಕಷ್ಟು ಕಳಂಕ ಮತ್ತು ಅವಮಾನಗಳನ್ನು ಎದುರಿಸಬೇಕಾಗುತ್ತದೆ. ಸೋಶಿಯಲ್‌ ಮೀಡಿಯಾಗಳಲ್ಲಿ ʼಸೆಕೆಂಡ್‌ ಹ್ಯಾಂಡ್‌ʼ,ʼಯೂಸ್ಡ್‌ʼ ಎನ್ನುವ ರೀತಿಯಲ್ಲಿ ಕಾಮೆಂಟ್ಸ್ ಗಳು ಹರಿದಾಡಿದವು. ಅಷ್ಟೇ ಅಲ್ಲದೆ, ಈಗಾಗಲೇ ಒಂದು ಮದುವೆಯಾಗಿರುವ ನಿಮಲ್ಲಿ ತಪ್ಪಿತಸ್ಥ ಭಾವ ಇರಬೇಕು. ನಿಮಗೆ ನಾಚಿಕೆ ಆಗಬೇಕು. ನಿಮ್ಮ ಜೀವನ ಇನ್ನು ವ್ಯರ್ಥ, ಈಗ ನೀವು ಮೂಲೆ ಗುಂಪಾಗಿದ್ದೀರಿ ಎಂಬಂಥ ಮಾತುಗಳು ಕೇಳಿ ಬಂದವು. ಇಂಥ ಸಂದರ್ಭಗಳಲ್ಲಿ ಹುಡುಗಿಯರು ಮತ್ತು ಅವರ ಕುಟುಂಬಗಳಿಗೆ ಕಷ್ಟವಾಗುತ್ತದೆ” ಎಂದು ಗಲಾಟ್ಟಾ ಇಂಡಿಯಾಕ್ಕೆ (Galatta India) ನೀಡಿದ ಸಂದರ್ಶನದಲ್ಲಿ ನಟಿ ಹೇಳಿದ್ದಾರೆ.
“ಕೆಲ ದಿನಗಳ ಹಿಂದೆಯಷ್ಟೇ ನಾನು ವೈಟ್‌ ಗೌನ್‌ ಒಂದನ್ನು ಧರಿಸಿ ಈವೆಂಟ್‌ ನಲ್ಲಿ ಪಾಲ್ಗೊಂಡಿದ್ದೆ. ಆ ಸುದ್ದಿ ಸಾಕಷ್ಟು ವೈರಲ್‌ ಆಯಿತು. ಹಲವರು ಬಾಯಿಗೆ ಬಂದಹಾಗೆ ಮಾತನಾಡಿದರು. ನಾನು ಉದ್ದೇಶಪೂರ್ವಕವಾಗಿ ಆ ಉಡುಪನ್ನು ತೀರಾ ಇಷ್ಟಪಟ್ಟು ಧರಿಸಿದ್ದೆ. ಆದರೆ ಅದಕ್ಕೆ ಬಂದ ಕಾಮೆಂಟ್‌ ಗಳು ನನಗೆ ನೋವನ್ನು ಉಂಟು ಮಾಡಿದವು. ನಾನು ವೈವಾಹಿಕ ಬದುಕಿನಿಂದ ದೂರ ಉಳಿದಿದ್ದೇನೆ. ಡಿವೋರ್ಸ್‌ ಕೂಡ ಪಡೆದಿದ್ದೇನೆ ನಿಜ. ಹಾಗಂದ ಮಾತ್ರಕ್ಕೆ ನಾನು ಯಾವುದೋ ಮೂಲೆಯಲ್ಲಿ ಕೂತು ಅಳುತ್ತಿದ್ದೇನೆ ಎಂದಲ್ಲ. ಹೊಸ ಬದುಕಿಗೆ ಮತ್ತೆ ನನ್ನನ್ನು ನಾನು ತೆರೆದುಕೊಳ್ಳುವ ಪ್ರಯತ್ನ ಮಾಡುತ್ತಿದ್ದೇನೆ” ಎಂದಿದ್ದಾರೆ.
“ಮತ್ತೊಮ್ಮೆ ಸ್ಪಷ್ಟಪಡಿಸುತ್ತೇನೆ ಇದು ಯಾವ ಪ್ರತೀಕಾರವೂ ಅಲ್ಲ. ನಾನು ಯಾವ ವಿಷಯವನ್ನೂ ಮರೆಮಾಚಲು ಪ್ರಯತ್ನಿಸುವುದಿಲ್ಲ. ಏನು ನಡೆಯಬೇಕಿತ್ತೋ ಅದು ನಡೆದಿದೆ. ಅದನ್ನು ತಪ್ಪಿಸಲು ಸಾಧ್ಯವಿಲ್ಲ. ನನ್ನ ಬದುಕು ಅಲ್ಲಿಗೆ ಮುಗಿಯುವುದಿಲ್ಲ. ಎಲ್ಲಿ ನನ್ನ ಬದುಕು ಕೊನೆಗೊಂಡಿತೋ ಅಲ್ಲಿಂದಲೇ ಮತ್ತೆ ಆರಂಭಗೊಳ್ಳಲಿದೆ. ನಾನು ಈ ಕ್ಷಣಕ್ಕೆ ತುಂಬಾ ಆರಾಮವಾಗಿ, ಸಂತೋಷವಾಗಿಯೂ ಇದ್ದೇನೆ. ಈಗ ನಾನು ತುಂಬಾ ಬೆಳೆದಿದ್ದೇನೆ. ಸಾಕಷ್ಟು ಒಳ್ಳೆಯ ಕೆಲಸಗಳನ್ನು ಮಾಡುತ್ತಿದ್ದೇನೆ. ಅದ್ಭುತ ವ್ಯಕ್ತಿಗಳು ನನ್ನೊಂದಿಗಿದ್ದಾರೆ. ನನ್ನ ಜೀವನದ ಮುಂದಿನ ಹಂತವನ್ನು ನಾನು ಎದುರು ನೋಡುತ್ತಿದ್ದೇನೆ” ಎನ್ನುತ್ತಾ ನಟಿ ಸಮಂತಾ ತಮ್ಮ ಮಾತನ್ನು ಮುಗಿಸಿದ್ದಾರೆ.
ಇದೀಗ ಸಂದರ್ಶನದಲ್ಲಿ ಸಮಂತಾ ಆಡಿದ ಮಾತುಗಳು ಎಲ್ಲೆಡೆ ವೈರಲ್‌ ಆಗುತ್ತಿದೆ. ನಟಿಯ ಬೋಲ್ಡ್‌ ಮಾತಿಗೆ ಅಭಿಮಾನಿಗಳು ಫಿದಾ ಆಗಿದ್ದಾರೆ.
ಮರು ಮದುವೆಯಾಗುತ್ತಿರುವ ನಾಗ ಚೈತನ್ಯ
ಸಮಂತಾ ಅವರಿಗೆ ಡಿವೋರ್ಸ್‌ ಕೊಟ್ಟ ಕೆಲವೇ ದಿನಗಳಲ್ಲಿ ನಾಗ ಚೈತನ್ಯ (Naga Chaithanya) ಶೋಭಿತಾ ಧೂಲಿಪಾಲ ಅವರೊಂದಿಗೆ ಡೇಟಿಂಗ್‌ ಶುರು ಮಾಡಿಕೊಂಡಿದ್ದರು. ಇಬ್ಬರು ಕಳೆದ ಆಗಸ್ಟ್ ನಲ್ಲಿ ನಿಶ್ಚಿತಾರ್ಥ ಮಾಡಿಕೊಂಡಿದ್ದು, ಡಿಸೆಂಬರ್ 4 ರಂದು ಅನ್ನಪೂರ್ಣ ಸ್ಟುಡಿಯೋದಲ್ಲಿ ವಿವಾಹವಾಗಲಿದ್ದಾರೆ.
ಈ ಸುದ್ದಿಯನ್ನೂ ಓದಿ: Samantha Ruth Prabhu : ತಮ್ಮ ವಿಚ್ಛೇದನ ಕುರಿತು ವಿವಾದಾತ್ಮಕವಾಗಿ ಮಾತನಾಡಿದ ತೆಲಂಗಾಣ ಸಚಿವೆಗೆ ತಿರುಗೇಟು ಕೊಟ್ಟ ಸಮಂತಾ
