ವಾಷಿಂಗ್ಟನ್‌: ಸೂಪರ್‌ ಮಾರ್ಕೆಟ್‌ಗೆ ನುಗ್ಗಿದ ದರೋಡೆಕೋರನೊಬ್ಬನನ್ನು ಭಾರತೀಯ ಮಹಿಳೆಯೊಬ್ಬಳು ಹೆಡೆಮುರಿ ಕಟ್ಟಿದ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ಭಾರೀ ವೈರಲ್ ಆಗುತ್ತಿದೆ. ಭೂಮಿಕಾ ಪಟೇಲ್ ಎಂಬ ಭಾರತೀಯ ಮಹಿಳೆ ಅಮೆರಿಕದ ಅಂಗಡಿಯೊಂದರಲ್ಲಿ ದರೋಡೆ ಮಾಡಲು ಬಂದ ದರೋಡೆಕೋರನ ಜೊತೆ ಹೋರಾಡಿ ಆತನನ್ನು ಮಟ್ಟಹಾಕಿದ ಘಟನೆ ಈ ಹಿಂದೆ ನಡೆದಿತ್ತು. ಈ ಘಟನೆ ಅಂಗಡಿಯ ಸಿಸಿಟಿವಿ ಕ್ಯಾಮೆರಾದಲ್ಲಿ ಸೆರೆಯಾಗಿತ್ತು. ನಂತರ ಅದು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿತ್ತು. ಆದರೆ ಮತ್ತೆ ಆ ಹಳೆಯ ವಿಡಿಯೊ ಸೋಶಿಯಲ್ ಮೀಡಿಯಾದಲ್ಲಿ ಕಾಣಿಸಿಕೊಂಡು ಇದೀಗ ಮತ್ತೆ ವೈರಲ್ (Viral Video)ಆಗಿದೆ. ಇದರಲ್ಲಿ ಮಹಿಳೆಯ ಧೈರ್ಯ, ಸಾಹಸ ಎದ್ದು ತೋರುತ್ತಿದೆ.
ವೈರಲ್ ವಿಡಿಯೋದಲ್ಲಿ ಏನಿದೆ?
ಈ ವೈರಲ್ ವಿಡಿಯೊದಲ್ಲಿ ಜಾಕೆಟ್ ಧರಿಸಿದ ವ್ಯಕ್ತಿಯೊಬ್ಬ ಕ್ಯಾಶ್ ಕೌಂಟರ್‌ನಲ್ಲಿ ನಿಂತಿದ್ದು, ಸ್ವಲ್ಪ ಹೊತ್ತಿನಲ್ಲಿ ತನ್ನ ಜೇಬಿನಲ್ಲಿದ್ದ ಪಿಸ್ತೂಲ್ ಅನ್ನು ಹೊರತೆಗೆದು ಭೂಮಿಕಾ ಪಟೇಲ್ ಕಡೆಗೆ ತೋರಿಸಿ ಹಣ ಕೊಡುವಂತೆ ಬೆದರಿಕೆ ಹಾಕಿದ್ದಾನೆ. ಆಗ ಹೆದರದ ಆಕೆ ಸುತ್ತಿಗೆ ಹಿಡಿದು ಆತನಿಗೆ ಹೊಡೆಯಲು ಮುಂದಾದಾಗ ಅಷ್ಟರಲ್ಲಿ ಆತ ಅಲ್ಲಿಂದ ತಪ್ಪಿಸಿಕೊಂಡು ಓಡಿದ್ದಾನೆ.
She slaps the gun from the hand of the man who tries to rob her store pic.twitter.com/GxUBg0Smgl
— Fight Master (@Fight_Master__) November 4, 2024
ಈ ಘಟನೆ 2016ರ ಮಾರ್ಚ್‍ನಲ್ಲಿ ಅಮೆರಿಕದಲ್ಲಿ ನಡೆದಿತ್ತು. ಭಾರತೀಯ ಮಹಿಳೆಯ ಈ ಧೈರ್ಯವನ್ನು ಎತ್ತಿ ತೋರಿಸುವ ಈ ವಿಡಿಯೊ ಈಗ ಮತ್ತೊಮ್ಮೆ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ಮಾರ್ಚ್ 2, 2016 ರಂದು ಜಾರ್ಜಿಯಾದಲ್ಲಿ ನಡೆದ ಈ ಘಟನೆಯನ್ನು ಸುದ್ದಿ ವಾಹಿನಿಗಳು ಅಂಗಡಿ ಮಾಲೀಕಳನ್ನು ಹಾಡಿಹೊಗಳಿ ವರದಿ ಮಾಡಿದ್ದಾರೆ. ದರೋಡೆಕೋರನನ್ನು 17 ವರ್ಷದ ಕ್ರಿಶ್ಚಿಯನ್ ಡಕೋಟಾ ಥಾರ್ನ್ಟನ್ ಎಂದು ಗುರುತಿಸಿದೆ.
ಇದನ್ನೂ ಓದಿ:ಚಾಕು ತೋರಿಸಿ ವಿಮಾನದ ಬಾಗಿಲು ತೆರೆಯಲು ಯತ್ನಿಸಿದ ಕಿಡಿಗೇಡಿ ಪ್ರಯಾಣಿಕ; ಕೊನೆಗೆ ಆಗಿದ್ದೇನು ಗೊತ್ತಾ? ವಿಡಿಯೋ ಇದೆ
ಮಹಿಳೆಯರು ಹೆದರದೆ ಇಂತಹ ದರೋಡೆಕೋರರನ್ನು ಬಗ್ಗುಬಡಿದಿರುವುದು ಇದೆ ಮೊದಲಲ್ಲ. ಇತ್ತೀಚೆಗೆ ಪಂಜಾಬ್‍ನ ಅಮೃತಸರದಲ್ಲಿ ಮಹಿಳೆಯೊಬ್ಬರು ಮೂವರು ದರೋಡೆಕೋರರೊಂದಿಗೆ ಹೋರಾಡಿದ ಸಿಸಿಟಿವಿ ದೃಶ್ಯಾವಳಿಗಳು ಸೋಶಿಯಲ್ ಮೀಡಿಯಾದಲ್ಲಿ ಹರಿದಾಡಿದೆ. ವಿಡಿಯೊದಲ್ಲಿ, ಮಹಿಳೆ ತನ್ನ ಮನೆ ಕಳ್ಳತನ ಮಾಡಲು ಬಂದ ಕಳ್ಳರ ಪ್ರಯತ್ನವನ್ನು ತಡೆಯಲು ತನ್ನ ಎಲ್ಲಾ ಶಕ್ತಿಯನ್ನ ಬಳಸಿ ಹೋರಾಡಿದ್ದಾಳೆ. ವಿಡಿಯೊದಲ್ಲಿ, ಮೂವರು ಕಳ್ಳರು ಗೋಡೆಯನ್ನು ಹತ್ತಿ ಮುಖ್ಯ ಬಾಗಿಲನ್ನು ಬಲವಂತವಾಗಿ ತೆರೆಯಲು ಪ್ರಯತ್ನಿಸಿದಾಗ ಮಹಿಳೆ ಬಾಗಿಲನ್ನು ಮುಚ್ಚಿ ಕಳ್ಳರು ಒಳಗೆ ಪ್ರವೇಶಿಸದಂತೆ ತಡೆದಿದ್ದಾಳೆ. ನಂತರ ಬಾಗಿಲನ್ನು ಲಾಕ್ ಮಾಡಿ ಸೋಫಾವನ್ನು ಅಡ್ಡಲಾಗಿ ಇಟ್ಟಿದ್ದಾಳೆ. ಈ ದೃಶ್ಯ ಮನೆಯಲ್ಲಿ ಅಳವಡಿಸಲಾದ ಸಿಸಿಟಿವಿ ಕ್ಯಾಮೆರಾದಲ್ಲಿ ಸೆರೆಯಾಗಿತ್ತು.
