ವಾಷಿಂಗ್ಟನ್‌: ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ (Donald Trump) ಅವರ ಮೊಮ್ಮಗಳು ಕೈ ಟ್ರಂಪ್ (Kai Trump) ಅವರು ಅಜ್ಜನ ಖಾಸಗಿ ಜೆಟ್ (private jet) ಒಳಗೆ ಏನೇನಿದೆ ಎಂಬುದನ್ನು ವಿಡಿಯೋ ಮೂಲಕ ತೋರಿಸಿದ್ದು, ಇದು ಸಾಮಾಜಿಕ ಜಾಲತಾಣದಲ್ಲಿ ಭಾರಿ ವೈರಲ್ (Viral Video) ಆಗಿದೆ. ಕೈ ಟ್ರಂಪ್ ಅವರು ತಮ್ಮ ಸ್ನೇಹಿತರಿಗೆ ಅಜ್ಜನ ಖಾಸಗಿ ಜೆಟ್ ಪ್ರವಾಸ ಮಾಡಿಸಿದ್ದಾರೆ.
ಕೈ ಟ್ರಂಪ್ ಅವರು ವಿಡಿಯೊವನ್ನು ಶೇರ್‌ ಮಾಡಿ ಅಮೆರಿಕ ಅಧ್ಯಕ್ಷ ಟ್ರಂಪ್ ಅವರ ಖಾಸಗಿ ಜೆಟ್ ಫೋರ್ಸ್ ಒನ್ ಒಳಗೆ ಏನಿದೆ ಎಂಬುದರ ಸಂಪೂರ್ಣ ಚಿತ್ರಣವನ್ನು ನೀಡಿದರು. ಸ್ಪೇಸ್‌ ಎಕ್ಸ್‌ನಲ್ಲಿ ರಾಕೆಟ್ ಉಡಾವಣೆಯನ್ನು ವೀಕ್ಷಿಸಲು ಹೋಗುವಾಗ ಅವರು ತಮ್ಮ ಅಜ್ಜನ ಖಾಸಗಿ ಜೆಟ್‌ನಲ್ಲಿ ಪ್ರಯಾಣ ಹೇಗಿರುತ್ತದೆ ಎಂಬುದರ ಕುರಿತು ಮಾಹಿತಿ ನೀಡಿದ್ದಾರೆ. ಜೆಟ್‌ನಲ್ಲಿ ಅವರು ತಮ್ಮ ಸ್ನೇಹಿತರೊಂದಿಗೆ ನೃತ್ಯ ಮಾಡುತ್ತಿರುವ ದೃಶ್ಯವನ್ನೂ ವಿಡಿಯೋದಲ್ಲಿ ಕಾಣಬಹುದಾಗಿದೆ.
ಇನ್ನು ಈ ವಿಡಿಯೊ ಕ್ಲಿಪ್ ಹಂಚಿಕೊಂಡಿರುವ ಕೈ ಟ್ರಂಪ್, ತಮ್ಮ ಅಜ್ಜನ ಐಷಾರಾಮಿ ಜೆಟ್‌ನಲ್ಲಿ ಪ್ರಯಾಣದ ಅನುಭವವನ್ನು ಹಂಚಿಕೊಂಡಿದ್ದಾರೆ.
Watching a Rocket Launch at SpaceX with Elon Musk! pic.twitter.com/9YvhWALM4P
— Kai Trump (@kaitrump) November 26, 2024
ವಿಡಿಯೋದಲ್ಲಿ ಏನಿದೆ?
ಜೆಟ್‌ನ ಐಷಾರಾಮಿ ಒಳಾಂಗಣವನ್ನು ಈ ವಿಡಿಯೋದಲ್ಲಿ ತೋರಿಸಲಾಗಿದೆ. ಇದರೊಂದಿಗೆ ಫ್ಲಾಟ್ ಸ್ಕ್ರೀನ್ ಟಿವಿ, ಅದ್ದೂರಿಯಾದ ಸೋಫಾ, ಹಾಸಿಗೆ ಇರುವ ಕೊಠಡಿಯನ್ನು ಕಾಣಬಹುದು. ಕೈ ಟ್ರಂಪ್ ಕಪ್ಪು ಜೀನ್ಸ್ ಮತ್ತು ಅದೇ ವರ್ಣದ ಟಾಪ್ ಧರಿಸಿದ್ದು, ಆಕೆಯ ಈ ವಿಡಿಯೋದಲ್ಲಿ ರಾಕೆಟ್ ಉಡಾವಣೆಯನ್ನು ಸಹ ತೋರಿಸಲಾಗಿದೆ. ಕೈ ಟ್ರಂಪ್ ಅವರ ಈ ವಿಡಿಯೋ ನೋಡಿ ಅನೇಕರು ಆಕೆಗೆ ಧನ್ಯವಾದ ಹೇಳಿದ್ದಾರೆ. ಇನ್ನಷ್ಟು ಹೊಸ ವಿಡಿಯೋಗಳನ್ನು ಹಾಕುವಂತೆ ಮನವಿ ಮಾಡಿದ್ದಾರೆ.
Viral Video: ಏಕಾಏಕಿ ಸಾಧುವಿನ ಜಡೆ ಹಿಡಿದು ಮೇಲಕ್ಕೆತ್ತಿದ ಖಲಿ! ವಿಡಿಯೊ ಫುಲ್‌ ವೈರಲ್
