ಧರ್ಮಶಾಲಾ: ಐಸಿಸಿ ಕ್ರಿಕೆಟ್ ವಿಶ್ವಕಪ್ 2023ರಲ್ಲಿ ಅಜೇಯರಾಗಿರುವ ತೆಂಬಾ ಬವುಮಾ ನಾಯಕತ್ವದ ದಕ್ಷಿಣ ಆಫ್ರಿಕಾ ತಂಡ ಹಿಮಾಚಲ ಪ್ರದೇಶ ಕ್ರಿಕೆಟ್ ಅಸೋಸಿಯೇಷನ್ ಸ್ಟೇಡಿಯಂನಲ್ಲಿ ಮಂಗಳವಾರ ನೆದರ್ಲೆಂಡ್ ತಂಡವನ್ನು ಎದುರಿಸುತ್ತಿದೆ.
ಇತ್ತೀಚಿನ ವರದಿ ಪ್ರಕಾರ, ನೆದರ್ಲೆಂಡ್ ತಂಡ 27ಓವರು ಮುಗಿಯುವಷ್ಟರಲ್ಲಿ 112 ರನ್ನಿಗೆ 6 ವಿಕೆಟ್ ಕಳೆದು ಕೊಂಡಿದೆ. ಆಫ್ರಿಕಾ ವೇಗಿಗಳಾದ ಕಗಿಸೋ ರಬಾಡ ಹಾಗೂ ಮಾರ್ಕೋ ಜಾನ್ಸನ್ ತಲಾ ಎರಡು ವಿಕೆಟ್ ಕಿತ್ತರು.
ಪಂದ್ಯಾರಂಭವಾದಾಗ ಮಳೆ ಸುರಿದ ಕಾರಣ, ಓವರನ್ನು 43 ಕ್ಕೆ ಇಳಿಸಲಾಗಿದೆ. ಟಾಸ್ ಗೆದ್ದ ದಕ್ಷಿಣ ಆಫ್ರಿಕಾ ಮೊದಲು ಫೀಲ್ಡಿಂಗ್ ಆಯ್ದುಕೊಂಡಿತು. ಒಂದು ಇನ್ನಿಂಗ್ಸ್ನಲ್ಲಿ ತಲಾ 43 ಓವರ್ಗಳನ್ನು ಆಡಿಸಲಾಗುತ್ತದೆ.
ಏಳು ಓವರ್ ಕಡಿತ ಮಾಡಿರುವುದರಿಂದ ಪವರ್ ಪ್ಲೇ ಮತ್ತು ಬೌಲಿಂಗ್ ನಿಯಮದಲ್ಲಿ ಬದಲಾವಣೆ ಮಾಡ ಲಾಗಿದೆ. ಮೊದಲ ಪವರ್ ಪ್ಲೇ 1-9ನೇ ಓವರ್ ವರೆಗೆ, 10-35 ಎರಡನೇ ಮತ್ತು 36 ರಿಂದ 43ರಲ್ಲಿ 3ನೇ ಪವರ್ ಪ್ಲೇ ಇರಲಿದೆ. 3 ಬೌಲರ್ಗಳು ಗರಿಷ್ಠ 9 ಓವರ್ ಮತ್ತು ಇಬ್ಬರು ಗರಿಷ್ಠ 8 ಓವರ್ಗಳನ್ನು ಮಾತ್ರ ಮಾಡಬೇಕಿದೆ.