ನವದೆಹಲಿ: ಮಹಿಳಾ ಇಂಡಿಯನ್ ಪ್ರೀಮಿಯರ್ ಲೀಗ್ ಮಾಧ್ಯಮ ಹಕ್ಕುಗಳನ್ನು ವಿಯಾಕಾಮ್ 18 ಕಂಪೆನಿ 2023-2027 
ರ ಅವಧಿಗೆ 951 ಕೋಟಿ ರೂಪಾಯಿಗಳಿಗೆ ಗೆದ್ದುಕೊಂಡಿದೆ.
ಬಿಸಿಸಿಐ ಜನವರಿ 25 ರಂದು ಐದು ಮಹಿಳಾ ಐಪಿಎಲ್ ಫ್ರಾಂಚೈಸಿಗಳನ್ನು ಅನಾವರಣಗೊಳಿಸಲಿದೆ. ಸೋಮವಾರ ಮಹಿಳಾ ಇಂಡಿಯನ್ ಪ್ರೀಮಿ ಯರ್ ಲೀಗ್ ಮಾಧ್ಯಮ ಹಕ್ಕುಗಳನ್ನು ಹರಾಜು ಮಾಡಿದ್ದರಿಂದ ಮಹಿಳಾ ಕ್ರಿಕೆಟ್‌ನಲ್ಲಿ ಭಾರಿ ಬೆಳವಣಿಗೆಯಾಗಿದೆ.
ಈ ಸುದ್ದಿಯನ್ನು ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ ಕಾರ್ಯದರ್ಶಿ ಜಯ್ ಶಾ ಸೋಮವಾರ ತಮ್ಮ ಟ್ವಿಟರ್ ಖಾತೆ ಯಲ್ಲಿ ಖಚಿತಪಡಿಸಿದ್ದಾರೆ.
ಮಹಿಳೆಯರ ಟಿ20 ಚಾಲೆಂಜ್ ಅನ್ನು ಆರಂಭದಲ್ಲಿ ಪ್ರದರ್ಶನ ಪಂದ್ಯಾವಳಿ ಯಾಗಿ ನಡೆಸಲಾಯಿತು. ಆದರೆ ಬಿಸಿಸಿಐ ಕಳೆದ ವರ್ಷ ಅಂತಿಮವಾಗಿ WIPL ಅನ್ನು ಪರಿಚಯಿಸುವ ನಿರ್ಧಾರವನ್ನು ಮಾಡಿತು. ಮೊದಲ ಋತುವಿನ ಆರಂಭಿಕ ಪಂದ್ಯವನ್ನು ಮಾರ್ಚ್‌ನಲ್ಲಿ ನಿಗದಿಪಡಿಸಲಾಗಿದೆ. ಬಿಸಿಸಿಐ ಅಧಿಕೃತವಾಗಿ ಪಂದ್ಯಾವಳಿಯ ವೇಳಾಪಟ್ಟಿಯನ್ನು ಬಿಡುಗಡೆ ಮಾಡಿಲ್ಲ.
22 ಪಂದ್ಯಗಳನ್ನು ಒಳಗೊಂಡಿರುವ ಮೊದಲ ಸೀಸನ್ ಮಾರ್ಚ್ 5 ಹಾಗೂ 23 ರ ನಡುವೆ ನಡೆಯಲಿದೆ ಎಂದು ನಂಬಲಾಗಿದೆ.
