ಹುಳಿಯಾರು: ಸಮೀಪದ ಜೋಡಿ ತಿರುಮಲಪುರದಲ್ಲಿ ಕಾರ್ತಿಕ ಮಾಸದ ನಾಲ್ಕನೇ ಸೋಮವಾರದ ಪೂಜೆಯನ್ನು ಶ್ರೀ ಚಂದ್ರ ಮೌಳೇಶ್ವರ ದೇವಸ್ಥಾನದ ಸಂಧ್ಯಾ ಮಂಟಪದಲ್ಲಿ ಶ್ರದ್ಧಾಭಕ್ತಿಯಿಂದ ಆಚರಿಸಲಾಯಿತು.
ಶ್ರೀ ಚಂದ್ರಮೌಳೇಶ್ವರ ಸಂಧ್ಯಾ ಮಂಟಪದಲ್ಲಿ ಶ್ರೀ ಚಂದ್ರಮೌಳೇಶ್ವರ ಸ್ವಾಮಿ, ಕಾಶಿವಿಶ್ವೇಶ್ವರ ಸ್ವಾಮಿ, ಜ್ಯೋತಿರ್ಲಿಂಗೇಶ್ವರ ಸ್ವಾಮಿ, ಸುಬ್ರಮಣ್ಯೇಶ್ವರ ಸ್ವಾಮಿ, ಪಾರ್ವತಮ್ಮನವರ ಸನ್ನಿಧಿಯಲ್ಲಿ ಇಂದು ಕಾರ್ತಿಕ ಮಾಸದ ಸೋಮವಾರದ ಪ್ರಯುಕ್ತ ಮಹಾನ್ಯಾಸ ಪೂರ್ವಕ ಏಕವಾರ ರುದ್ರಾಭಿಷೇಕ, ಸಹಸ್ರನಾಮ ಬಿಲ್ವಾರ್ಚನೆ ಜರುಗಿತು.
ನಂತರ ಗ್ರಾಮದ ಪ್ರಮುಖ ಬೀದಿಗಳಲ್ಲಿ ಗ್ರಾಮ ದೇವತೆ ಶ್ರೀ ಕೊಲ್ಲಾಪುರಿ ಮಹಾಲಕ್ಷ್ಮೀ ಅಮ್ಮನವರು, ಆಂಜನೇಯ ಸ್ವಾಮಿ ಹಾಗೂ ಶಿವ-ಪಾರ್ವತಿ ಉತ್ಸವಮೂರ್ತಿಯ ಪ್ರಾಕಾರೋತ್ಸವ ಜರುಗಿತು. ಮಹಾಮಂಗಳಾರತಿ ತದನಂತರ ತೀರ್ಥ ಪ್ರಸಾದ ವಿನಿಯೋಗ ಹಾಗೂ ಭಕ್ತಾಧಿಗಳಿಗೆ ಮತ್ತು ಗ್ರಾಮಸ್ಥರಿಗೆ ದೇವಾಲಯ ಸಮಿತಿ ಹಾಗೂ ಸೇವಾಕರ್ತರ ಸಹಕಾರದಿಂದ ಅನ್ನಸಂತ ರ್ಪಣೆ ನಡೆಯಿತು.
