ಬೆಂಗಳೂರು: ನ್ಯಾಷನಲ್ ಕ್ರಶ್ ರಶ್ಮಿಕಾ ಮಂದಣ್ಣ(Rashmika Mandanna) ಮತ್ತು ಟಾಲಿವುಡ್‌ ನಟ ವಿಜಯ್ ದೇವರಕೊಂಡ(Vijay Devarakonda) ಜೋಡಿಯ ನಡುವಿನ ಸಂಬಂಧ ರಹಸ್ಯವಾಗಿ ಉಳಿದಿಲ್ಲ. ಇಬ್ಬರೂ ಡೇಟಿಂಗ್(Dating) ಮಾಡುತ್ತಿದ್ದಾರೆ ಎಂದು ಈ ಹಿಂದಿನಿಂದಲೂ ವದಂತಿಗಳು ಹರಿದಾಡುತ್ತಲೇ ಇವೆ. ಜತೆಗೆ ಈ ಜೋಡಿಯ ಫೋಟೋಗಳೂ ಸೋಷಿಯಲ್ ಮೀಡಿಯಾ(Social Media) ದಲ್ಲಿ ವೈರಲ್(Viral) ಆದ hlvu ಉದಾಹರಣೆಗಳೂ ಇವೆ.
ಇಬ್ಬರು ಆಗಾಗ ವೆಕೇಷನ್ ಟ್ರಿಪ್ ಕೂಡ ಎಂಜಾಯ್ ಮಾಡುತ್ತಿರುತ್ತಾರೆ. ಒಂದೇ ಸ್ಥಳದಲ್ಲಿ ಪ್ರತ್ಯೇಕವಾಗಿ ತೆಗೆದ ಇಬ್ಬರ ಫೋಟೋಗಳು ಅನೇಕ ಬಾರಿ ವೈರಲ್ ಆಗಿದೆ. ನೆಟ್ಟಿಗರೇ ಅನೇಕ ಬಾರಿ ಇಬ್ಬರ ಡೇಟಿಂಗ್ಗೆ ಸಾಕ್ಷಿಗಳನ್ನು ಹುಡುಕಿ ವೈರಲ್ ಮಾಡಿದ್ದಾರೆ. ವಿಜಯ್ ದೇವರಕೊಂಡ ಮನೆಯಲ್ಲಿ ನಡೆಯೋ ಪೂಜೆಗಳಿಗೂ ರಶ್ಮಿಕಾ ಮಂದಣ್ಣ ಹೋಗ್ತಾರಂತೆ. ಅಷ್ಟೇ ಅಲ್ಲದೇ ದೇವರಕೊಂಡ ಸಂಬಂಧಿಕರು ಸ್ನೇಹಿತರ ಜೊತೆ ರಶ್ಮಿಕಾ ಡಿನ್ನರ್ ಮಾಡಿದ ವಿಡಿಯೋ ಕೂಡ ವೈರಲ್ ಆಗಿತ್ತು.
ಇದೀಗ ಪರೋಕ್ಷವಾಗಿ ರಶ್ಮಿಕಾ ಮಂದಣ್ಣ ತಮ್ಮ ಸಂಬಂಧವನ್ನು ಒಪ್ಪಿಕೊಂಡಿದ್ದು, ಪುಷ್ಪ 2(Pushpa 2) ಸಿನಿಮಾ ಪ್ರಮೋಷನ್ ಕಾರ್ಯಕ್ರಮದಲ್ಲಿ ಮಾತನಾಡಿರುವ ರಶ್ಮಿಕಾ, ನಿರೂಪಕಿ ಕೇಳಿದ ಬಗ್ಗೆ ಪ್ರತಿಕ್ರಿಯಿಸಿದ್ದು ಇದು ಎಲ್ಲರಿಗೂ ಗೊತ್ತು ಎಂದು ಹೇಳಿದ್ದಾರೆ. ನಿರೂಪಕಿ ರಶ್ಮಿಕಾ ಮತ್ತು ವಿಜಯ್ ಸಂಬಂಧದ ಬಗ್ಗೆ ಪ್ರಶ್ನಿಸಿದಾಗ, ರಶ್ಮಿಕಾ ಇದು ಎಲ್ಲರಿಗೂ ಗೊತ್ತು ಎಂದು ಹೇಳಿದ್ದಾರೆ. ಅಂದ್ರೆ ಇಬ್ಬರ ನಡುವೆ ಸಂಬಂಧ ಇರುವುದು ಫಿಕ್ಸ್ ಅಂತಾ ಅಭಿಮಾನಿಗಳು ಫುಲ್ ಖುಷ್ ಆಗಿದ್ದಾರೆ.
ನಿರೂಪಕಿ ಒಂದಾದ ಮೇಲೋಂದರಂತೆ ಪ್ರಶ್ನೆ ಕೇಳಿ ಕೊನೆಗೆ, ನೀವು ಚಿತ್ರರಂಗದವರನ್ನು ಮದುವೆಯಾಗುತ್ತೀರಾ ಅಥವಾ ಚಿತ್ರರಂಗದಲ್ಲಿ ಇಲ್ಲದಿರುವರನ್ನು ಮದುವೆಯಾಗುತ್ತೀರಾ ಎಂದು ಕೇಳಿದಾಗ, ಅದು ಎಲ್ಲರಿಗೂ ಗೊತ್ತು ಎಂದು ರಶ್ಮಿಕಾ ಹೇಳಿದ್ದಾರೆ. ಬಳಿಕ ಈ ಬಗ್ಗೆ ಇಲ್ಲಿ ಹೆಚ್ಚು ಚರ್ಚೆ ಮಾಡೋದು ಬೇಡಾ, ನಾವಿಬ್ರೆೇ ಮತ್ತೆ ಮಾತಾಡೋಣ ಎಂದು ರಶ್ಮಿಕಾ ಹೇಳಿದ್ದಾರೆ. ಈ ಮೂಲಕ ವಿಜಯ್ ಜೊತೆಗಿನ ಸಂಬಂಧದ ಬಗ್ಗೆ ರಶ್ಮಿಕಾ ಇಂಡೈರೆಕ್ಟ್ ಆಗಿ ಒಪ್ಪಿಕೊಂಡಿದ್ದಾರೆ.
ಇನ್ನು ಇತ್ತೀಚೆಗೆ ಇಬ್ಬರೂ ಡೇಟಿಂಗ್ ಮಾಡ್ತಿದ್ದಾರೆ ಎನ್ನುವುದಕ್ಕೆ ನೆಟ್ಟಿಗರು ಮತ್ತೊಂದು ಸಾಕ್ಷಿಯನ್ನು ಸಹ ಹುಡುಕಿದ್ದರು. ಅದುವೆ ರಶ್ಮಿಕಾ ಮಂದಣ್ಣ ಹಾಗೂ ವಿಜಯ್ ದೇವರಕೊಂಡ ರೆಸ್ಟೋರಂಟ್‌ವೊಂದರಲ್ಲಿ ಲಂಚ್‌ಗೆ ತೆರಳಿದ ಸಂದರ್ಭದ ಫೋಟೋ ಅದಾಗಿತ್ತು.
ವಿದೇಶಗಳಲ್ಲೂ ಈ ಜೋಡಿ ಒಟ್ಟಿಗೆ ಕಾಣಿಸಿಕೊಂಡರೂ, ಸಿಂಗಲ್‌ ಫೋಟೋ ಶೇರ್‌ ಮಾಡಿ, ನೆಟ್ಟಿಗರ ತಲೆಗೆ ಹುಳ ಬಿಡುತ್ತಿತ್ತು. ಆದರೆ, ಇಬ್ಬರೂ ಡೇಟಿಂಗ್‌ನಲ್ಲಿದ್ದೇವೆ ಎಂದು ನೇರ ನೇರವಾಗಿ ಎಲ್ಲಿಯೂ ಹೇಳಿಲ್ಲ. ಈ ನಡುವೆ ಮೊನ್ನೆಯಷ್ಟೇ ಕಾರ್ಯಕ್ರಮವೊಂದರಲ್ಲಿ ಭಾಗವಹಿಸಿ, ನಾನು ಡೇಟ್‌ ಮಾಡುತ್ತಿದ್ದೇನೆ ಎಂಬ ಸುಳಿವು ನೀಡಿದ್ದರು ವಿಜಯ್ ದೇವರಕೊಂಡ.
ವಿಜಯ್ ತಾವು ಡೇಟ್‌ ಮಾಡುತ್ತಿರುವ ವಿಚಾರದ ಬಗ್ಗೆ ಹೇಳಿಕೊಳ್ಳುತ್ತಿದ್ದಂತೆ, ರಶ್ಮಿಕಾ ಅವರ ಹೆಸರು ಮತ್ತೆ ಮುನ್ನಲೆಗೆ ಬಂದಿತ್ತು. ಈಗ ಒಂದು ಹೆಜ್ಜೆ ಮುಂದೆ ಹೋಗಿ ಈ ಜೋಡಿ ಜತೆಯಲ್ಲಿರುವ ಫೋಟೋ ವೈರಲ್ ಆಗಿದೆ. ರೆಸ್ಟೋರಂಟ್‌ವೊಂದರಲ್ಲಿ ಇಬ್ಬರೂ ಲಂಚ್‌ಗೆ ತೆರಳಿದ ಸಂದರ್ಭದ ಫೋಟೋ ಅದಾಗಿದೆ.
ಈ ಪೋಟೋ ಹೊರಬೀಳುತ್ತಿದ್ದಂತೆ, ರಶ್ಮಿಕಾ ಮಂದಣ್ಣ ಮತ್ತು ವಿಜಯ್ ದೇವರಕೊಂಡ ಅವರ ರಹಸ್ಯ ಡೇಟಿಂಗ್ ಮತ್ತೊಮ್ಮೆ ಬಹಿರಂಗವಾಗಿದೆ ಎಂದು ನೆಟ್ಟಿಗರು ಕಾಮೆಂಟ್ ಮಾಡುತ್ತಿದ್ದಾರೆ. ಅಷ್ಟಕ್ಕೂ ಹೀಗೆ ಒಟ್ಟಿಗೆ ಕೂತು ಖಾದ್ಯ ಸೇವಿಸುತ್ತಿರುವ ಫೋಟೋ ಈಗಿನದಲ್ಲ. ಈ ಫೋಟೋ ಹೊರಬರುವುದಕ್ಕೂ ಮುನ್ನ, ವಿಜಯ್ ಜತೆಗಿದ್ದಾಗಲೇ, ತಮ್ಮದೊಂದು ಫೋಟೋವನ್ನಷ್ಟೇ ಸೋಷಿಯಲ್ ಮೀಡಿಯಾದಲ್ಲಿ ರಶ್ಮಿಕಾ ಪೋಸ್ಟ್‌ ಮಾಡಿದ್ದರು . ಈಗ ವೈರಲ್ ಆಗುತ್ತಿರುವ ಫೋಟೋಕ್ಕೂ, ರಶ್ಮಿಕಾ ಶೇರ್‌ ಮಾಡಿದ್ದ ಪೋಸ್ಟ್‌ಗೂ ನೆಟ್ಟಿಗರು ಹೋಲಿಕೆ ಮಾಡಿ, ಡೇಟಿಂಗ್ ಬಗ್ಗೆ ಮಾತು ಮುಂದುವರಿಸಿದ್ದಾರೆ.
ಇದನ್ನು ಓದಿ: Rashmika Mandanna: ಮತ್ತೊಮ್ಮೆ ಮಿಲಾನ್‌ ಫ್ಯಾಷನ್‌ ವೀಕ್‌‌‌ನಲ್ಲಿ ರಶ್ಮಿಕಾ ಮಂದಣ್ಣ
