ನವದೆಹಲಿ: ಸರ್ಕಾರವು ಹರ್ಪ್ರೀತ್ ಸಿಂಗ್ ಅವರನ್ನು ಏರ್ ಇಂಡಿಯಾದ (ಎಐ) ಪ್ರಾದೇಶಿಕ ಅಂಗಸಂಸ್ಥೆ ಅಲೈಯನ್ಸ್ ಏರ್’ನ ಸಿಇಒ ಆಗಿ ನೇಮಕ ಮಾಡಿದೆ.
ಸಂಸ್ಥೆಯ ಸಿಎಂಡಿ ರಾಜೀವ್ ಬನ್ಸಾಲ್ ಅವರು ಆದೇಶ ಹೊರಡಿಸಿದ್ದಾರೆ, ಸಿಂಗ್ ‘ಮುಂದಿನ ಆದೇಶದವರೆಗೆ ಅಲೈಯನ್ಸ್ ಏರ್ ಸಿಇಒ ಹುದ್ದೆಯ ಉಸ್ತುವಾರಿ ವಹಿಸಿಕೊಳ್ಳುತ್ತಾರೆ’ ಎಂದು ಹೇಳಿದರು.
ಹರ್ಪ್ರೀತ್ ಸಿಂಗ್ ಪ್ರಸ್ತುತ ಕಾರ್ಯನಿರ್ವಾಹಕ ನಿರ್ದೇಶಕರಾಗಿದ್ದಾರೆ (ವಿಮಾನ ಸುರಕ್ಷತೆ). ಅವರ ಸ್ಥಾನದಲ್ಲಿ, ಎಐನ ಹೊಸ ಇಡಿ ಈಗ ಕ್ಯಾಪ್ಟನ್ ನಿವೇದಿತಾ ಭಾಸಿನ್ ಆಗಿರುತ್ತಾರೆ. ಪ್ರಸ್ತುತ ಬೋಯಿಂಗ್ 787 ಡ್ರೀಮ್‌ಲೈನರ್ ಅನ್ನು ಹಾರಾಟ ನಡೆಸು ತ್ತಿರುವ ವಿಮಾನ ಯಾನದ ಅತ್ಯಂತ ಹಿರಿಯ ಕಮಾಂಡರ್‌ಗಳಲ್ಲಿ ಒಬ್ಬರು ಎಂದು ವರದಿ ತಿಳಿಸಿದೆ.
1988 ರಲ್ಲಿ ಏರ್ ಇಂಡಿಯಾದಿಂದ ಆಯ್ಕೆಯಾದ ಮೊದಲ ಮಹಿಳಾ ಪೈಲಟ್ ಹರ್ಪ್ರೀತ್ ಸಿಂಗ್. ಆರೋಗ್ಯ ಕಾರಣಗಳಿಂದಾಗಿ ಹಾರಲು ಸಾಧ್ಯವಾಗದಿದ್ದರೂ, ವಿಮಾನ ಸುರಕ್ಷತೆಯ ಕ್ಷೇತ್ರದಲ್ಲಿ ತುಂಬಾ ಸಕ್ರಿಯರಾಗಿದ್ದಾರೆ. ಭಾರತೀಯ ಮಹಿಳಾ ಪೈಲಟ್ ಸಂಘದ ನೇತೃತ್ವವನ್ನು ಸಿಂಗ್ ವಹಿಸಿದ್ದಾರೆ.
