Pakistan Man Arrested: ಭಾರತ-ಪಾಕಿಸ್ತಾನ ಗಡಿಯಲ್ಲಿ ಪಾಕ್ ವ್ಯಕ್ತಿಯ ಬಂಧನ
ಭಾರತ-ಪಾಕಿಸ್ತಾನ ಗಡಿಯ ಅಮೃತಸರದ ಶಾಹಪುರ ಗಡಿ ಚೌಕಿಯಲ್ಲಿ 65 ವರ್ಷದ ಪಾಕಿಸ್ತಾನಿ ನಾಗರಿಕನನ್ನು ಗಡಿ ಭದ್ರತಾ ಪಡೆ ಬಂಧಿಸಿದೆ. ಲಾಹೋರ್‌ನ ನಿವಾಸಿಯಾಗಿರುವ ಈ ವ್ಯಕ್ತಿಯನ್ನು ಭಾರತದ ಗಡಿಯ ಸಮೀಪ ಬಂಧಿಸಲಾಗಿದೆ ಎಂದು ಮೂಲಗಳು ತಿಳಿಸಿವೆ. ಪ್ರಾಥಮಿಕ ತಪಾಸಣೆಯಲ್ಲಿ ಆರೋಪಿಯ ಬಳಿ ಕೆಲವು ಹಣವನ್ನು ಹೊರತುಪಡಿಸಿ ಯಾವುದೇ ಅನುಮಾನಾಸ್ಪದ ವಸ್ತು ಪತ್ತೆಯಾಗಿಲ್ಲ.
ಸಾಂದರ್ಭಿಕ ಚಿತ್ರ
Sushmitha Jain
May 21, 2025 7:06 PM
ಚಂಡೀಗಢ: ಭಾರತ-ಪಾಕಿಸ್ತಾನ ಗಡಿಯ (India-Pakistan border) ಅಮೃತಸರದ (Amritsar) ಶಾಹಪುರ (Shahpur) ಗಡಿ ಚೌಕಿಯಲ್ಲಿ 65 ವರ್ಷದ ಪಾಕಿಸ್ತಾನಿ ನಾಗರಿಕನನ್ನು (Pakistani National) ಗಡಿ ಭದ್ರತಾ ಪಡೆ (BSF) ಬಂಧಿಸಿದೆ. ಲಾಹೋರ್‌ನ ನಿವಾಸಿಯಾಗಿರುವ ಈ ವ್ಯಕ್ತಿಯನ್ನು ಭಾರತದ ಗಡಿಯ ಸಮೀಪ ಬಂಧಿಸಲಾಗಿದೆ. ಪ್ರಾಥಮಿಕ ತಪಾಸಣೆಯಲ್ಲಿ ಆರೋಪಿಯ ಬಳಿ ಕೆಲವು ಹಣವನ್ನು ಹೊರತುಪಡಿಸಿ ಯಾವುದೇ ಅನುಮಾನಾಸ್ಪದ ವಸ್ತುಗಳು ಪತ್ತೆಯಾಗಿಲ್ಲ. ಪ್ರಸ್ತುತ ಆತನನ್ನು ವಿಚಾರಣೆಗೆ ಒಳಪಡಿಸಲಾಗಿದೆ.
ಈ ತಿಂಗಳ ಆರಂಭದಲ್ಲಿ ಅಮೃತಸರ ಜಿಲ್ಲೆಯ ದರಿಯಾ ಮನ್ಸೂರ್ ಗಡಿ ಚೌಕಿಯಲ್ಲಿ ಬಿಎಸ್‌ಎಫ್‌ನ 117ನೇ ಬೆಟಾಲಿಯನ್‌ ಮತ್ತೊಬ್ಬ ಪಾಕಿಸ್ತಾನಿ ನಾಗರಿಕನನ್ನು ಬಂಧಿಸಿತ್ತು. ಈ ವ್ಯಕ್ತಿ ಅಕ್ರಮವಾಗಿ ಗಡಿ ದಾಟಿದ್ದು, ಪೊದೆಯೊಳಗೆ ಅಡಗಿಕೊಂಡಿದ್ದ ಎಂದು ವರದಿಯಾಗಿದೆ. ಆತನ ಬಳಿಯಿಂದ ಪಾಕಿಸ್ತಾನದ ಕರೆನ್ಸಿ ಮತ್ತು ಗುರುತಿನ ಚೀಟಿಯನ್ನು ವಶಪಡಿಸಿಕೊಳ್ಳಲಾಗಿತ್ತು.