ಬೈಜೂಸ್’ನಿಂದ ನಟ ಶಾರುಖ್ ಖಾನ್ ಜಾಹೀರಾತು ಸ್ಥಗಿತ

ನವದೆಹಲಿ: ಡ್ರಗ್ ಪ್ರಕರಣದಲ್ಲಿ ತಮ್ಮ ಮಗ ಆರ್ಯನ್ ಖಾನ್ ವಿರುದ್ಧ ನಡೆಯುತ್ತಿರುವ ತನಿಖೆಯ ನಡುವೆ ಬಾಲಿವುಡ್ ನಟ ಶಾರುಖ್ ಖಾನ್ ಅವರನ್ನು ಒಳಗೊಂಡ ಎಲ್ಲಾ ಜಾಹೀರಾತುಗಳನ್ನು ಎಡ್-ಟೆಕ್ ಮೇಜರ್ ಬೈಜೂಸ್ (BYJU’s) ಸ್ಥಗಿತಗೊಳಿಸಿದೆ.

BYJU’s ಕಳೆದ ಕೆಲವು ದಿನಗಳಿಂದ ಎಲ್ಲಾ ಜಾಹೀರಾತುಗಳನ್ನು ನಿಲ್ಲಿಸಿದೆ. ಇದಕ್ಕಾಗಿ ಕಂಪನಿಯು ಟ್ವಿಟರ್ ನಂತಹ ಸಾಮಾಜಿಕ ಮಾಧ್ಯಮ ವೇದಿಕೆಗಳಲ್ಲಿ ಟೀಕೆಗೆ ಒಳಗಾದ ಜಾಹೀರಾತು ನಿಲ್ಲಿಸಿದೆ.

ಶಾರುಖ್ ಖಾನ್ ಗೆ BYJU’s ಅವರ ಅತಿದೊಡ್ಡ ಪ್ರಾಯೋಜಕತ್ವ ಒಪ್ಪಂದಗಳಲ್ಲಿ ಒಂದಾಗಿದ್ದರೆ, ಮೆಗಾ ಸ್ಟಾರ್ ಹುಂಡೈ, ಎಲ್ ಜಿ, ದುಬೈ ಟೂರಿಸಂ ಮತ್ತು ರಿಲಾಯನ್ಸ್ ಜಿಯೋ ದಂತಹ ಹಲವಾರು ಕಂಪನಿಗಳಿಗೆ ಬ್ರಾಂಡ್ ಫೇಸ್ ಆಗಿದ್ದಾರೆ.

ಬ್ರಾಂಡ್ ಅನ್ನು ಅನುಮೋದಿಸಲು BYJU’s ಶಾರುಖ್ ಖಾನ್ ಗೆ ವಾರ್ಷಿಕವಾಗಿ 3-4 ಕೋಟಿ ರೂ.ಗಳನ್ನು ಪಾವತಿಸುತ್ತದೆ ಎಂದು ವರದಿ ಹೇಳುತ್ತದೆ. ನಟ 2017 ರಿಂದ ಬ್ರಾಂಡ್ ನ ಬ್ರಾಂಡ್ ರಾಯಭಾರಿಯಾಗಿದ್ದಾರೆ.

ಭಾರತದ ಅತಿದೊಡ್ಡ ಸ್ಟಾರ್ಟ್ ಅಪ್ BYJU’s ಬೆಳವಣಿಗೆ ಕಳೆದ ಕೆಲವು ವರ್ಷಗಳಲ್ಲಿ ಅದ್ಭುತವಾಗಿದೆ, ಆಕಾಶ್ ಇನ್ಸ್ಟಿಟ್ಯೂಟ್ ಸೇರಿದಂತೆ ಹಲವಾರು ಸ್ವಾಧೀನಗಳೊಂದಿಗೆ ಕಂಪನಿ ಉನ್ನತ ಸ್ಥಾನ ಗಳಿಸಿದೆ.

ಖಾನ್ ಅವರ ಮಗನ ಸುತ್ತಲಿನ ವಿವಾದವನ್ನು ಗಮನಿಸಿದರೆ ಕಂಪನಿಯು ನಟನೊಂದಿಗೆ ಸಂಬಂಧ ಹೊಂದಲು ಇಷ್ಟಪಡದ ಕಾರಣ ಎಸ್ ಆರ್ ಕೆ ಜಾಹೀರಾತುಗಳನ್ನು ಸ್ಥಗಿತಗೊಳಿಸಿದ್ದಾರೆ ಎಂದು ವರದಿ ಹೇಳಿದೆ.