ಬಿಗ್ ಬಾಸ್ ಕನ್ನಡ ಸೀಸನ್ 11 ರಲ್ಲಿ (Bigg Boss Kannada 11) ಒಂಬತ್ತನೇ ವಾರ ಅಂತ್ಯವಾಗುತ್ತಿದೆ. ಕಳೆದ ವಾರ ಮನೆಯೊಳಗೆ ಶೋಭಾ ಶೆಟ್ಟಿ ಮತ್ತು ರಂಜಿತ್ ಬುಜ್ಜಿ ಇಬ್ಬರು ವೈಲ್ಡ್ ಕಾರ್ಡ್ ಸ್ಪರ್ಧಿಗಳು ಕಾಲಿಟ್ಟಿದ್ದರು. ಆದರೆ, ಬಂದ ಮೊದಲ ವಾರನೇ ರಂಜಿತ್ ಕಳಪೆ ಪಡೆದುಕೊಂಡು ಜೈಲಿಗೆ ಹೋದರು. ಇದೀಗ ಅವರು ಬಂದ ಎರಡನೇ ವಾರ ಶೋಭಾ ಶೆಟ್ಟಿ ಕಳಪೆ ಪಡೆದುಕೊಂಡಿದ್ದಾರೆ. ಇದರೊಂದಿಗೆ ಜೈಲಿಗೆ ತೆರಳಿದ್ದಾರೆ. ಇದನ್ನೆಲ್ಲ ಕಂಡು ವೈಲ್ಡ್ ಸ್ಪರ್ಧಿಗಳನ್ನು ಮನೆಯವರು ಟಾರ್ಗೆಟ್ ಮಾಡುತ್ತಿದ್ದಾರ ಎಂಬ ಟಾಕ್ ಶುರುವಾಗಿದೆ.
ಶೋಭಾ ಅವರಿಗೆ ಬಿಗ್ ಬಾಸ್ ಹೊಸದೇನೂ ಅಲ್ಲ. ಈ ಹಿಂದೆ ತೆಲುಗು ಬಿಗ್ಬಾಸ್ ಸೀಸನ್ 7 ರಲ್ಲಿ ಇವರು ಭಾಗಿಯಾಗಿದ್ದರು. ಅಲ್ಲಿ ತಮ್ಮ ಜಗಳ, ಮಾತುಗಳ ಮೂಲಕವೇ ಜನಪ್ರಿಯ ಆಗಿದ್ದರು. ಶೋಭಾ ಮನೆಯೊಳಗೆ ಕಾಲಿಡುತ್ತಿದ್ದಂತೆಯೇ ಇಬ್ಬರ ಆರ್ಭಟ ಜೋರಾಗಿತ್ತು. ಆದರೆ, ನಂತರ ದಿನಗಳಲ್ಲಿ ಸ್ವಲ್ಪ ಮಂಕಾದರು ಎನಿಸಿದ್ದು ಸುಳ್ಳಲ್ಲ. ಕಳಪೆಗೆ ಕೆಲವರು ಇದೇ ಕಾರಣ ಕೊಟ್ಟಿದ್ದಾರೆ.
ಧನರಾಜ್ ಆಚಾರ್, “ಶೋಭಾ ತುಂಬ ಆಕ್ಟೀವ್ ಆಗಿ ಇಲ್ಲ” ಎಂದು ಕಾರಣ ನೀಡಿ ಕಳಪೆ ಪಟ್ಟ ಕೊಟ್ಟಿದ್ದಾರೆ. ಇದರಿಂದ ಬೇಸರಗೊಂಡಿರುವ ಶೋಭಾ, “ನೀವೇಕೆ ನನ್ನನ್ನು ಏಕೆ ಟಾರ್ಗೆಟ್ ಮಾಡ್ತಿದ್ದೀರಿ.. ಜೀವನದಲ್ಲಿ ಏನೇನೋ ಎದುರಿಸಿದ್ದೇನೆ. 24 ಗಂಟೆ ಜೈಲಿನಲ್ಲಿರುವುದು ನನಗೆ ಏನೇನೋ ಅಲ್ಲ. ಅಮ್ಮ ನಾನು ಇವತ್ತು ಜೈಲಿಗೆ ಹೋಗುತ್ತಿದ್ದೇನೆ, ಅದನ್ನು ನೋಡಿ ನೀನು ಅಳಬೇಡ” ಎಂದು ಹೇಳಿದ್ದಾರೆ.
ಕಳೆದ ವಾರ ಬಿಗ್ಬಾಸ್ ಮನೆಗೆ ಎಂಟ್ರಿ ಕೊಟ್ಟಿದ್ದ ರಜತ್ ಕಿಶನ್ಗೆ ಸ್ಪರ್ಧಿಗಳು ಕಳಪೆ ಪಟ್ಟ ಕೊಟ್ಟಿದ್ದರು. ಆದರೆ ಈ ವಾರವು ಇದು ಮತ್ತೆ ರಿಪಿಟ್ ಆಗಿದೆ. ಈ ವಾರ ಸಖತ್ ಸ್ಟ್ರಾಂಗ್ ಸ್ಪರ್ಧಿಯಾಗಿ ಬಿಗ್ಬಾಸ್ ಮನೆಗೆ ಎಂಟ್ರಿ ಕೊಟ್ಟಿದ್ದ ಶೋಭಾ ಶೆಟ್ಟಿಗೆ ಕಳಪೆ ಪಟ್ಟ ಕೊಟ್ಟಿದ್ದಾರೆ. ಹೀಗಾಗಿ ಶೋಭಾ ಶೆಟ್ಟಿ ಜೈಲಿನಲ್ಲೇ ಕಣ್ಣೀರು ಹಾಕಿದ್ದಾರೆ.
BBK 11: ವೀಕೆಂಡ್ನಲ್ಲಿ ಚೈತ್ರಾರ ಮೈಚಳಿ ಬಿಡಿಸಿದ ಸುದೀಪ್ ಎಪಿಸೋಡ್ಗೆ ದಾಖಲೆಯ ಟಿಆರ್ಪಿ
