Columnist
keshavaprasadb@gmail.com
ಕೇಶವ ಪ್ರಸಾದ್ ಬಿ ಅವರಿಗೆ ಪತ್ರಿಕೋದ್ಯಮದಲ್ಲಿ ಎರಡು ದಶಕಗಳಿಗೂ ಹೆಚ್ಚಿನ ವೃತ್ತಿಪರ ಅನುಭವ ಇದೆ. ಈ ಹಿಂದೆ ವಿಜಯ ಕರ್ನಾಟಕ ದೈನಿಕದ ಸಂಪಾದಕೀಯ ವಿಭಾಗದಲ್ಲಿ ಸೇವೆ ಸಲ್ಲಿಸಿದ್ದರು. ದೇಶೀಯ- ಅಂತಾರಾಷ್ಟ್ರೀಯ ವಿದ್ಯಮಾನಗಳು, ವಾಣಿಜ್ಯ- ಉದ್ದಿಮೆ, ಸಾಧಕರ ಸಂದರ್ಶನ ಹೀಗೆ ವೈವಿಧ್ಯಮಯ ಲೇಖನ, ವಿಶೇಷ ವರದಿ, ಮೇಕಿಂಗ್‌ ಇಂಡಿಯಾ ಅಂಕಣ ಬರೆದಿದ್ದಾರೆ. ವಿಸ್ತಾರ ನ್ಯೂಸ್‌ ಚಾನೆಲ್‌ನ ಯೂಟ್ಯೂಬ್‌ ಚಾನೆಲ್‌ಗಳಲ್ಲಿ ಪರ್ಸನಲ್ ಫೈನಾನ್ಸ್‌, ಬಿಸಿನೆಸ್‌, ಕೃಷಿಗೆ ಸಂಬಂಧಿಸಿ ಹಲವಾರು ವಿಡಿಯೊ ಸಂದರ್ಶನಗಳನ್ನು ನಡೆಸಿದ್ದಾರೆ. ಪತ್ರಿಕೆ ಮತ್ತು ಡಿಜಿಟಲ್‌ ಮೀಡಿಯಾ ಎರಡರಲ್ಲೂ ಅನುಭವ ಗಳಿಸಿದ್ದಾರೆ. ಲೈಫ್‌ ಈಸ್‌ ವಂಡರ್‌ಫುಲ್‌, ಸಿರಿವಂತಿಕೆಗೆ 100% ಸೂತ್ರಗಳು ಕೃತಿಯನ್ನು ಬರೆದಿದ್ದಾರೆ.
ರಾಬರ್ಟ್ ಕಿಯೊಸಾಕಿ ಇತ್ತೀಚೆಗೆ ಸಾಮಾಜಿಕ ಜಾಲತಾಣ ‘ಎಕ್ಸ್’ನಂದು ಪೋಸ್ಟ್ ಮಾಡಿದ್ದರು- “ನೀವು ಈ ಎರಡು ನಿಯಮಗಳನ್ನು ಮುರಿಯುತ್ತಿದ್ದೀರಾ...?" ಬಹುತೇಕ ಜನರು ಈ ಎರಡು ಮಹತ್ವದ ನಿಯಮ ಗಳನ್ನು ಮುರಿಯುವುದರಿಂದ ಬಡವರಾಗಿ ಉಳಿಯುತ್ತಾರೆ. ಮೊದಲ ನಿಯಮ: ಕೆಟ್ಟ ಹಣ ವ್ಯವಸ್ಥೆ ಯನ್ನು ಪ್ರವೇಶಿಸುವಾಗ, ಒಳ್ಳೆಯ ಹಣ ಕಣ್ಮರೆಯಾಗುತ್ತದೆ. ಎರಡನೇ ನಿಯಮ: ನೆಟ್‌ವರ್ಕ್.
ಪೂರ್ಣ ಪ್ರಮಾಣದ ಲೇಖಕರಾಗುವುದಕ್ಕೆ ಮೊದಲು ಬ್ಯಾಂಕಿಂಗ್ ಕ್ಷೇತ್ರದಲ್ಲಿ ಅವರು 11 ವರ್ಷ ಗಳ ಸೇವೆ ಸಲ್ಲಿಸಿದ್ದರು. ಆದ್ದರಿಂದ ಹಣದ ಬಗ್ಗೆ ಅವರು ಆಗಿಂದಾಗ್ಗೆ ಬರೆಯುವ ಲೇಖನಗಳು ಸ್ವಾರಸ್ಯಕರ ವಾಗಿರುತ್ತವೆ. ಅಮೆರಿಕ ಮೂಲದ ಬಹುರಾಷ್ಟ್ರೀಯ ಬ್ಯಾಂಕಿಂಗ್ ದಿಗ್ಗಜ ‘ಗೋಲ್ಡ್‌ ಮನ್ ಸ್ಯಾಕ್ಸ್’ನ ಹಾಂಕಾಂಗ್ ಕಚೇರಿಯಲ್ಲಿ ದುಡಿದಿದ್ದರು. ಡೊಯೆಚ್ ಬ್ಯಾಂಕ್‌ನ ಮುಂಬಯಿ ಶಾಖೆಯಲ್ಲೂ ಕೆಲ ಕಾಲ ನಿರ್ದೇಶಕರಾಗಿದ್ದರು.
ರಾಯಲ್ ಚಾಲೆಂಜ್ ಎಂದರೆ ಯುನೈಟೆಡ್ ಸ್ಪಿರಿಟ್ಸ್ ಕಂಪನಿಯ ವಿಸ್ಕಿ ಬ್ರಾಂಡ್‌ನ ಹೆಸರು. ಅದುವೇ ರಾಯಲ್ ಚಾಲೆಂಜರ‍್ಸ್ ಬೆಂಗಳೂರು ಅಥವಾ ಆರ್‌ಸಿಬಿ ಹೆಸರಾಯಿತು. ಕಳೆದ 18 ವರ್ಷಗಳಲ್ಲಿ ಇದೇ ಮೊದಲ ಬಾರಿಗೆ ಟ್ರೋಫಿ ಗೆದ್ದಿರುವ ತಂಡವಾದರೂ, ಇದು ಅತ್ಯಂತ ಜನಪ್ರಿಯ ತಂಡವಾಗಿ ಹೊರ ಹೊಮ್ಮಿದೆ. 2009, 2011 ಮತ್ತು 2016ರಲ್ಲಿ ಫೈನಲ್ ತನಕ ಅದು ಹೋಗಿತ್ತು.
‘ಆಪರೇಷನ್ ಸಿಂದೂರ’ದ ಬಳಿಕ ಭಾರತದ ಸೇನಾಪಡೆಯ ಮತ್ತು ಅತ್ಯಾಧುನಿಕ ಶಸ್ತ್ರಾಸ್ತ್ರಗಳ ಶಕ್ತಿ ಪ್ರದರ್ಶನ ಜಗತ್ತನ್ನೇ ಬೆರಗುಗೊಳಿಸಿದೆ. ಪಾಕಿಸ್ತಾನದ ಅಣ್ವಸ ಬೆದರಿಕೆಯ ತಂತ್ರ ಮೊದಲ ಬಾರಿಗೆ ಮಣ್ಣುಮುಕ್ಕಿದೆ. ಇದೀಗ 4ನೇ ಅತಿ ದೊಡ್ಡ ಆರ್ಥಿಕತೆಯಾಗುವುದರೊಂದಿಗೆ, ಆರ್ಥಿಕವಾಗಿಯೂ ಭಾರತ-ಪಾಕಿಸ್ತಾನ ನಡುವೆ ಹೋಲಿಕೆಯೇ ಸಲ್ಲದು ಎಂಬುದು ಸಾಬೀತಾಗಿದೆ.
ಅಮೆರಿಕ ವಿಶ್ವದ ಅತಿ ದೊಡ್ಡ ಆರ್ಥಿಕತೆಯಾಗಿರಬಹುದು, ಆದರೆ ಈಗ ಪ್ರಬಲ ಇಕಾನಮಿ ಯಾಗಿ ಉಳಿದಿಲ್ಲ. ಜಿಡಿಪಿ ಬೆಳವಣಿಗೆಯೂ ಸ್ಥಿರವಾಗಿಲ್ಲ. ಇದನ್ನು ಸ್ವತಃ ಅಮೆರಿಕ ಮೂಲದ ರೇಟಿಂಗ್ ಏಜೆನ್ಸಿಗಳೇ ತಮ್ಮ ವರದಿಗಳ ಮೂಲಕ ಎಚ್ಚರಿಸುತ್ತಿವೆ. ಮೂಡೀಸ್ ವರದಿಯನ್ನು ಟ್ರಂಪ್ ಅಲ್ಲ ಗಳೆಯುತ್ತಿರಬಹುದು. ಆದರೆ ವಾಸ್ತವವನ್ನು ಹೆಚ್ಚು ದಿನ ಬಚ್ಚಿಟ್ಟುಕೊಳ್ಳಲು ಸಾಧ್ಯವಾಗುವುದಿಲ್ಲ.
ಈಗ ಬಹುಶಃ ಯಾರೊಬ್ಬರೂ ಜಿಎಸ್‌ಟಿಯನ್ನು ‘ಗಬ್ಬರ್ ಸಿಂಗ್ ಟ್ಯಾಕ್ಸ್’ ಎಂದು ಕರೆಯುವ ಧೈರ್ಯ ಮಾಡಲಾರರು. ಅಸ್ಸಾಂ ಮುಖ್ಯಮಂತ್ರಿ ಹಿಮಂತ ಬಿಸ್ವಾ ಶರ್ಮಾ ಅವರಂತೂ ಜಿಎಸ್ ಟಿಯನ್ನು “ಇದು ದೇವರು ಕಳಿಸಿದ ತೆರಿಗೆ ( God-SentTax). ರಫೆಲ್ ಜೆಟ್ ಯುದ್ಧ ವಿಮಾನಗಳು ಮತ್ತು ಎಸ್-400 ಕ್ಷಿಪಣಿ ವ್ಯವಸ್ಥೆಗಳನ್ನು ಸೇನೆಗೆ ಒದಗಿಸಲು ಸಾಧ್ಯವಾಗಿದ್ದೇ ಜಿಎಸ್‌ಟಿಯ ಸಂಪನ್ಮೂಲದಿಂದ" ಎಂದು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ
ವಾರೆನ್ ಬಫೆಟ್ ಅವರು ತಮ್ಮ ಮಕ್ಕಳಾದ ಹೋವರ್ಡ್, ಪೀಟರ್ ಮತ್ತು ದಿವಂಗತ ಸುಸಾನ್ (ಪುತ್ರಿ) ಹೆಸರಿನಲ್ಲಿ ಸಾಕಷ್ಟು ಸಂಪತ್ತನ್ನು ಕೊಟ್ಟಿದ್ದರೂ, ಬರ್ಕ್‌ಶೈರ್ ಹಾಥ್‌ವೇ ಕಂಪನಿಯ ನಾಯಕತ್ವವನ್ನು ವಹಿಸಿಲ್ಲ. ಈ ಮೂಲಕ ನಾಯಕತ್ವದ ಪಾತ್ರಕ್ಕೆ ಕೌಟುಂಬಿಕ ರಕ್ತ ಸಂಬಂಧಗಳಿ ಗಿಂತ, ಪ್ರತಿಭೆ ಮತ್ತು ಸಾಮರ್ಥ್ಯವೇ ನಿರ್ಣಾಯಕ ಎಂಬುದನ್ನು ಸಾರಿದ್ದಾರೆ.
ಪಾಕಿಸ್ತಾನ ಎಂಥ ದುರ್ಭರ ಪರಿಸ್ಥಿತಿಯನ್ನು ಎದುರಿಸುತ್ತಿದೆ ಎಂದರೆ, ಒಂದು ಕಡೆ ಅಂತಾರಾ ಷ್ಟ್ರೀಯ ಹಣಕಾಸು ಸಂಸ್ಥೆ ಐಎಂಎಫ್ ಅದರ ಆರ್ಥಿಕ ಬೆಳವಣಿಗೆಯನ್ನು ಡೌನ್‌ಗ್ರೇಡ್ ಮಾಡಿದೆ. ಮತ್ತೊಂದು ಕಡೆ ಭಾರತವು ಕಾಶ್ಮೀರದ ಪಹಲ್ಗಾಮ್‌ನಲ್ಲಿ ಉಗ್ರರ ದಾಳಿಯ ಬಳಿಕ ಸಿಂಧೂ ನದಿ ಜಲ ಹಂಚಿಕೆ ಒಪ್ಪಂದವನ್ನು ಅಮಾನತಿನಲ್ಲಿಟ್ಟಿದೆ. ಇದರಿಂದಾಗಿ ಪಾಕಿಸ್ತಾನದ ಕೃಷಿ ಅಧಾರಿತ ಆರ್ಥಿಕತೆ ಮತ್ತಷ್ಟು ದುರ್ಬಲವಾಗಲಿದೆ.
ಕಾಶ್ಮೀರದಲ್ಲೀಗ ಪ್ರವಾಸಿಗರು ಭಯಭೀತರಾಗಿ ದಿಕ್ಕೆಟ್ಟು ನಿರ್ಗಮಿಸುತ್ತಿರುವುದನ್ನು ಕಂಡು ಅಲ್ಲಿನ ವ್ಯಾಪಾರಿಗಳು, ಟ್ರಾವೆಲ್ ಏಜೆಂಟರು, ರೆಸ್ಟೊರೆಂಟ್ ಮಾಲೀಕರು ನಿರಾಸೆಗೊಂಡಿದ್ದಾರೆ. ಆದರೆ ಕಾಶ್ಮೀರಿ ಗರು ಒಂದನ್ನು ಮನವರಿಕೆ ಮಾಡಿಕೊಳ್ಳಲೇಬೇಕು. ಟೂರಿಸಂ ಮತ್ತು ಟೆರರಿಸಂ ಒಟ್ಟಿಗೆ ಇರಲು ಸಾಧ್ಯವೇ? ಸಾಮಾನ್ಯವಾಗಿ ಪ್ರವಾಸೋದ್ಯಮ ಇಲಾಖೆ ಎಂದರೆ ರಾಜಕಾರಣಿಗಳಿಗೆ ಅಷ್ಟಕ್ಕಷ್ಟೇ
Stock Market: ಸೆನ್ಸೆಕ್ಸ್ ಸೋಮವಾರ ಬೆಳಗ್ಗೆ 1,026 ಅಂಕಗಳ ಗಡಿಯನ್ನು ದಾಟಿ ಶುಭಾರಂಭ ಮಾಡಿತು. ನಿಫ್ಟಿ 24,000 ಅಂಕಗಳ ಮಟ್ಟಕ್ಕಿಂತ ಮೇಲಕ್ಕೆ ಜಿಗಿಯಿತು. ಸ್ಮಾಲ್‌ ಕ್ಯಾಪ್‌ ಮತ್ತು ಮಿಡ್‌ ಕ್ಯಾಪ್‌ ಷೇರುಗಳು ಜಿಗಿಯಿತು. ಅಂತಿಮವಾಗಿ ಸೆನ್ಸೆಕ್ಸ್ 855 ಅಂಕ ಏರಿಕೊಂಡು 79,408 ಅಂಕಗಳಿಗೆ ದಿನದ ವಹಿವಾಟು ಮುಕ್ತಾಯಗೊಳಿಸಿತು. ನಿಫ್ಟಿ 273 ಅಂಕ ಹೆಚ್ಚಳದೊಂದಿಗೆ 24,125ಕ್ಕೆ ಸ್ಥಿರವಾಯಿತು. ಇದಕ್ಕೇನು ಕಾರಣ ಎನ್ನುವ ವಿವರ ಇಲ್ಲಿದೆ.
Stock Market: ನೀವು ಈ ಎರಡು ಕಂಪನಿಗಳ ಷೇರುಗಳಲ್ಲಿ ಒಂದು ವೇಳೆ ಕೇವಲ 5 ವರ್ಷಗಳ ಹಿಂದೆ ತಲಾ 1 ಲಕ್ಷ ರೂ. ಹೂಡಿಕೆ ಮಾಡಿರುತ್ತಿದ್ದರೆ 50 ಲಕ್ಷ ರೂ.ಗೆ ಬೆಳೆದಿರುತ್ತಿತ್ತು. ವಾರ್ಷಿಕ 118% ದರದಲ್ಲಿ ವೃದ್ಧಿಸುತ್ತಿತ್ತು. ಕೆಲವು ಕಂಪನಿಗಳ ಷೇರುಗಳೇ ಹಾಗೆ. ಅಲ್ಪಾವಧಿಯಲ್ಲಿಯೇ ಅದ್ಭುತ ರಿಟರ್ನ್ಸ್‌ ಕೊಡುತ್ತವೆ. ಈ ರೀತಿಯಾಗಿ 100%ಗೂ ಹೆಚ್ಚು ರಿಟರ್ನ್‌ ಕೊಡುವ ಷೇರುಗಳನ್ನು ಮಲ್ಟಿ ಬ್ಯಾಗರ್ ಸ್ಟಾಕ್ಸ್‌ಎಂದು ಕರೆಯುತ್ತಾರೆ. ಕುರಿತಾದ ವಿವರ ಇಲ್ಲಿದೆ.
ಅಮೆರಿಕವು ಈಗ ಚೀನಾ ವಿರುದ್ಧ ಶೇ.245ರ ತನಕ ಪ್ರತಿಸುಂಕವನ್ನು ಹೇರಿದೆ. ಚೀನಾ ಶೇ.145ರ ಪ್ರತಿಸುಂಕ ವಿಧಿಸಿದೆ. ಇದರರ್ಥ ಉಭಯ ದೇಶಗಳು ಸುದೀರ್ಘ ವಾಣಿಜ್ಯ ಸಂಘರ್ಷಕ್ಕೆ ಸಜ್ಜಾಗಿವೆ. ಇದುವರೆಗೆ ಅಮೆರಿಕದ ಜತೆಗಿದ್ದ ಯುರೋಪ್, ವಾಣಿಜ್ಯ ಸಮರದ ನಂತರ ಕ್ರಮೇಣ ದೂರ ಸರಿಯು ತ್ತಿವೆ. ಆಗ್ನೇಯ ಏಷ್ಯಾದ ರಾಷ್ಟ್ರಗಳತ್ತ ಕೂಡ ಚೀನಾ ಮೈತ್ರಿ ಬಯಸುತ್ತಿದೆ.
ಟ್ರಂಪ್ ಟಾರಿಫ್ ಬಾಂಬ್ ಬಿದ್ದ ಬಳಿಕ, ಅದರ ಸಾಧಕ-ಬಾಧಕಗಳ ಬಗ್ಗೆ ಚರ್ಚೆಯಾಗುತ್ತಿದೆ. ಹಾಗಾ ದರೆ, ಅಮೆರಿಕ ಬೀಸಿದ ದೊಣ್ಣೆಯಿಂದ ಭಾರತ ತಪ್ಪಿಸಿಕೊಂಡಿತೇ? ಅಥವಾ ಈ ತೆರಿಗೆ ದೊಣ್ಣೆಯ ಏಟಿಗೆ ಸ್ವತಃ ಅಮೆರಿಕನ್ನರೇ ಪೆಟ್ಟು ತಿನ್ನುವರೇ? ಇದು ‘ಲಿಬರೇಶನ್ ಡೇ’ ಆಗಲಿದೆಯೇ, ‘ರಿಸೆಶನ್ ಡೇ’ ಆಗಲಿ ದೆಯೇ ಎಂಬ ಟೀಕಾಸ್ತ್ರಗಳು ಸಿಡಿದಿವೆ.
ಕಳೆದ 10 ವರ್ಷಗಳಲ್ಲಿ ರೈಟ್ ಆಫ್ ಆಗಿರುವ ಸಾಲದ ಮೊತ್ತ 16 ಲಕ್ಷದ 35 ಸಾವಿರ ಕೋಟಿ ರುಪಾ ಯಿಗಳಾಗಿವೆ. ಈ ಪೈಕಿ ಸಾರ್ವಜನಿಕ ವಲಯದ ಬ್ಯಾಂಕ್‌ಗಳು 2 ಲಕ್ಷದ 27 ಸಾವಿರದ 288 ಕೋಟಿ ರುಪಾ ಯಿಯಷ್ಟು ಸಾಲವನ್ನು ರಿಕವರಿ ಮಾಡಿವೆ. ಖಾಸಗಿ ಬ್ಯಾಂಕ್‌ಗಳು 55598 ಕೋಟಿ ರುಪಾಯಿ ಗಳನ್ನು ರಿಕವರಿ ಮಾಡಿವೆ. ಇದೊಂದು ಪ್ರಕ್ರಿಯೆ.
ಭಾರತದಲ್ಲಿ ಸ್ನಾಕ್ಸ್ ಮತ್ತು ‘ಈಸಿ ಟು ಈಟ್ ಫುಡ್ಸ್’ ವಲಯದಲ್ಲಿ ಅತಿ ದೊಡ್ಡ ಕಂಪನಿ‌ಯಾ ಗಿದೆ. ಇತ್ತೀಚಿನ ವರದಿಗಳ ಪ್ರಕಾರ ಸಿಂಗಾಪುರ ಮೂಲದ ಬಹುರಾಷ್ಟ್ರೀಯ ಹೂಡಿಕೆ ಕಂಪನಿ ಯಾದ ಟೆಮಾಸೆಕ್, ಹಲ್ದಿರಾಮ್ಸನ ಶೇ.10ರಷ್ಟು ಷೇರುಗಳನ್ನು ಖರೀದಿಸಿದೆ. ಇದು ಭಾರತದ ಎಫ್‌ ಎಂಸಿಜಿ ಸೆಕ್ಟರ್‌ನಲ್ಲಿ ಇತ್ತೀಚಿನ ಅತಿ ದೊಡ್ಡ ಡೀಲ್ ಆಗಿದೆ. ಸುಮಾರು 1 ಶತಕೋಟಿ ಡಾಲರ್‌ಗೆ ಈ ಷೇರು ಖರೀದಿ ನಡೆದಿದೆ.
Stock Market: ಸುಮಾರು 5 ತಿಂಗಳಿನಿಂದ ನಿರಂತರವಾಗಿ ಸ್ಟಾಕ್ ಮಾರ್ಕೆಟ್‌ನಲ್ಲಿ ಸೆನ್ಸೆಕ್ಸ್ ಮತ್ತು ನಿಫ್ಟಿಯ ಕುಸಿತ ಕಂಡು ಬಂದಿದೆ. ಆದರೆ ಅಷ್ಟೊಂದು ನಿರಾಶೆಗೀಡಾಗಬೇಕಾದ ಅಗತ್ಯ ಇಲ್ಲ. ಹಾಗಂತ ನಾವು ಹೇಳುತ್ತಿಲ್ಲ. ಅಮೆರಿಕ ಮೂಲದ ಬಹುರಾಷ್ಟ್ರೀಯ ಇನ್ವೆಸ್ಟ್‌ಮೆಂಟ್‌ ಬ್ಯಾಂಕ್‌ನ ಭಾರತೀಯ ಘಟಕದ ಮುಖ್ಯಸ್ಥ ರಿಧಾಮ್‌ ದೇಸಾಯ್‌ ಈ ಬಗ್ಗೆ ಮಾಹಿತಿ ನೀಡಿದ್ದಾರೆ.
Dividend Yield Shares: ಷೇರುದಾರರಿಗೆ ನೀಡುವ ಡಿವಿಡೆಂಡ್ ಮತ್ತೊಂದು ಆದಾಯದ ಮೂಲವನ್ನೇ ಸೃಷ್ಟಿಸಬಲ್ಲದು. ಇದಕ್ಕಾಗಿ ನೀವು ನಿಮ್ಮ ಷೇರುಗಳನ್ನು ಮಾರಾಟ ಮಾಡುವುದೂ ಬೇಡ. ಎಚ್‌ಸಿಎಲ್‌ ಟೆಕ್ನಾಲಜೀಸ್‌, ಕ್ರಿಸಿಲ್‌ ಸೇರಿದಂತೆ ಪ್ರಮುಖ ಷೇರುಗಳು ಕಳೆದ 2011ರಿಂದ ಇಲ್ಲಿಯವರೆಗೆ 64 ಸಲದ ತನಕ ಡಿವಿಡೆಂಡ್ ವಿತರಿಸಿವೆ.
ಕಳೆದ 5 ತಿಂಗಳಿನಿಂದ ಭಾರತದ ಸ್ಟಾಕ್ ಮಾರ್ಕೆಟ್‌ನಲ್ಲಿ ಸೆನ್ಸೆಕ್ಸ್ ಮತ್ತು ನಿಫ್ಟಿಯ ಕುಸಿತ ದ್ದೇ ಸುದ್ದಿ. ವಿದೇಶಿ ಸಾಂಸ್ಥಿಕ ಹೂಡಿಕೆದಾರರ ನಿರ್ಗಮನ, ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ನಡೆಸುತ್ತಿರುವ ಟ್ರೇಡ್ ವಾರ್, ಜಾಗತಿಕ ಆರ್ಥಿಕತೆಯ ಮಂದಗತಿ, ಕಾರ್ಪೊರೇಟ್ ವಲಯದ ತಲ್ಲಣಗಳಿಂದ ಸ್ಟಾಕ್ ಮಾರ್ಕೆಟ್ ಬೀಳುತ್ತಿದೆ ಎಂಬ ಹೌಹಾರುವ ವಿಶ್ಲೇಷಣೆ ಯೇ ಹೆಚ್ಚು
ಜಾಗತಿಕ ಆರ್ಥಿಕತೆಯ ಅನಿಶ್ಚಿತತೆ, ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರ ಟ್ರೇಡ್ ವಾರ್ ಹೀಗೆ ಅನೇಕ ಕಾರಣಗಳಿಂದ ವಿದೇಶಿ ಸಾಂಸ್ಥಿಕ ಹೂಡಿಕೆದಾರರು ಭಾರತದಂಥ ಪ್ರಗತಿಶೀಲ ಮಾರುಕಟ್ಟೆಗಳಲ್ಲಿನ ಹೂಡಿಕೆಯನ್ನು ಹಿಂತೆಗೆದು ಕೊಳ್ಳುತ್ತಿದ್ದಾರೆ. ಜತೆಗೆ ಬದಲಾಗುತ್ತಿರುವ ಸನ್ನಿವೇಶಗಳಿಂದ ಕೂಡ ಕಂಪನಿಗಳ ಷೇರುದರಗಳಲ್ಲಿ ಏರುಪೇರು ಉಂಟಾಗುತ್ತದೆ.