ಹೈಪೋ-ಥೈರಾಯ್ಡ್ ಮತ್ತು ರಕ್ತಹೀನತೆ, ಈ ಅವಳಿ ಸವಾಲುಗಳನ್ನು ನಿರ್ವಹಿಸುವ ಬಗ್ಗೆ

* ಭಾರತದಲ್ಲಿ ಸುಮಾರು 10 ವಯಸ್ಕರಲ್ಲಿ ಒಬ್ಬರಿಗೆ ಹೈಪೋಥೈರಾಯ್ಡ್ ಇದೆ

* ಹೈಪೋಥೈರಾಯ್ಡ್ ಸಮಸ್ಯೆಯಿಂದ ಬಳಲುತ್ತಿರುವ 41.8% ಜನರಲ್ಲಿ ರಕ್ತಹೀನತೆಯೂ ಪತ್ತೆಯಾಗಿದೆ

* ದೇಶದಲ್ಲಿ ಹೈಪೋಥೈರಾಯ್ಡ್ ಸಮಸ್ಯೆ ಮತ್ತು ರಕ್ತಹೀನತೆ ಎರಡರ ಹೊರೆಯೂ ಹೆಚ್ಚುತ್ತಿದೆ. 2015-16 ರಲ್ಲಿ 15 ರಿಂದ 49 ವರ್ಷ ವಯಸ್ಸಿನ ಮಹಿಳೆಯರಲ್ಲಿ 53% ಮಹಿಳೆಯರಿಗೆ ರಕ್ತಹೀನತೆ ಇದ್ದದ್ದು 2019-2021 ರಲ್ಲಿ 57% ಕ್ಕೆ ಏರಿದೆ

* ಪುರುಷರಿಗಿಂತ ಮಹಿಳೆಯರು ಹೈಪೋಥೈರಾಯ್ಡ್ ಸಮಸ್ಯೆಯಿಂದ ಬಳಲುವ ಸಾಧ್ಯತೆ ಮೂರು ಪಟ್ಟು ಹೆಚ್ಚು. ವಯಸ್ಸಾದವರಲ್ಲೂ ಸಹ ಈ ಸಮಸ್ಯೆ ಹೆಚ್ಚುi.

ಬೆಂಗಳೂರು: ಭಾರತದಲ್ಲಿ 42 ಮಿಲಿಯನ್ ಜನರು ಥೈರಾಯ್ಡ್ ಸಂಬಂಧಿ ಕಾಯಿಲೆಗಳಿಂದ ಬಳಲುತ್ತಿದ್ದು ಹೈಪೋಥೈರಾಯ್ಡ್ ಸಮಸ್ಯೆ ಹೆಚ್ಚುತ್ತಿದೆ. 10 ವಯಸ್ಕರಲ್ಲಿ ಒಬ್ಬರು ಇದರಿಂದ ಬಳಲುತ್ತಿದ್ದಾರೆ. ಹೈಪೋಥೈರಾಯ್ಡ್ ಸಮಸ್ಯೆಯ ಮೊದಲ ಚಿಹ್ನೆ ಎಂದರೆ ರಕ್ತಹೀನತೆ. ಹೈಪೋ ಥೈರಾಯ್ಡ್ ಸಮಸ್ಯೆ ಹೊಂದಿರುವವರಲ್ಲಿ 41.8% ಜನರಲ್ಲಿ ರಕ್ತಹೀನತೆ ಪತ್ತೆಯಾಗಿದೆ. ಈ ವಿಶ್ವ ಥೈರಾಯ್ಡ್ ಜಾಗೃತಿ ಮಾಸದಲ್ಲಿ ಚಿಕಿತ್ಸೆ ಇಲ್ಲದಿದ್ದರೆ ಈ ಸಮಸ್ಯೆಯಿಂದ ಉತ್ಪಾದಕತೆ ಮತ್ತು ಜೀವನದ ಗುಣಮಟ್ಟ ಇವೆರಡರ ಮೇಲೆ ಆಗಬಹುದಾದ ಪರಿಣಾಮಗಳ ಬಗ್ಗೆ ಜನರಿಗೆ ನೆನಪಿಸು ವುದು ಮುಖ್ಯವಾಗಿದೆ.

ರಕ್ತಹೀನತೆ ಎಂದರೆ, ಕೆಂಪು ರಕ್ತ ಕಣಗಳು ಸಾಮಾನ್ಯಕ್ಕಿಂತ ಕಡಿಮೆ ಸಂಖ್ಯೆಯಲ್ಲಿರುವ ಸ್ಥಿತಿ. ಹೆಚ್ಚಾಗಿ ಹೈಪೋಥೈರಾಯ್ಡ್ ಸಮಸ್ಯೆ ಮತ್ತು ರಕ್ತಹೀನತೆ ಸಹಬಾಳ್ವೆ ನಡೆಸುತ್ತವೆiv. ಹೈಪೋಥೈ ರಾಯ್ಡ್ ಸಮಸ್ಯೆ ಇದ್ದಲ್ಲಿ, ನಿಮ್ಮ ಕುತ್ತಿಗೆಯಲ್ಲಿರುವ ಚಿಟ್ಟೆ ಆಕಾರದ ಥೈರಾಯ್ಡ್ ಗ್ರಂಥಿ ಸಾಕಷ್ಟು ಥೈರಾಯ್ಡ್ ಹಾರ್ಮೋನುಗಳನ್ನು ಉತ್ಪಾದಿಸುವುದಿಲ್ಲ. ಈ ಹಾರ್ಮೋನುಗಳು ನಿರ್ಣಾಯಕ ವಾಗಿವೆ. ಏಕೆಂದರೆ, ಅವು ನಿಮ್ಮ ದೇಹದ ಚಯಾಪಚಯ ಕ್ರಿಯೆಯನ್ನು ನಿಯಂತ್ರಿಸುತ್ತವೆ. ಇದು ನಿಮ್ಮ ದೇಹವು ಶಕ್ತಿಯನ್ನು ಹೇಗೆ ಬಳಸುತ್ತದೆ ಎಂಬುದರ ಮೇಲೆ ಪರಿಣಾಮ ಬೀರುತ್ತದೆ. ಈ ಪರಿಸ್ಥಿತಿಗಳ ಲಕ್ಷಣಗಳು ಪರಸ್ಪರ ಒಂದರ ಮೇಲೊಂದು ಇರಬಹುದು. ವಿಶೇಷವಾಗಿ ಚಳಿಗಾಲ ದಲ್ಲಿ, ಮಸುಕಾದ ಚರ್ಮವು ರಕ್ತಹೀನತೆಯ ಚಿಹ್ನೆಗಳನ್ನು ಮರೆಮಾಡಬಹುದು. ಈ ಸಂಬಂಧದ ಬಗ್ಗೆ ತಿಳಿದಿದ್ದರೂ ಇದನ್ನು ಹೆಚ್ಚಾಗಿ ಕಡೆಗಣಿಸಲಾಗುತ್ತಿದೆ.

ಚಳಿಗಾಲದಲ್ಲಿ, ಶಾಖವನ್ನು ಉತ್ಪಾದಿಸಲು ಮತ್ತು ತಾಪಮಾನವನ್ನು ನಿಯಂತ್ರಿಸುವಂತೆ ಥೈರಾ ಯ್ಡ್ ಹಾರ್ಮೋನುಗಳಿಗೆ ಬೇಡಿಕೆ ಹೆಚ್ಚುತ್ತದೆ. ಆಗ ಈ ಎಲ್ಲ ಸಾಮಾನ್ಯ ಲಕ್ಷಣಗಳು ಕಾಣಿಸಿಕೊಳ್ಳ ಬಹುದು: ದೇಹದ ತೂಕ ಹೆಚ್ಚಾಗುವುದು, ಆಯಾಸ, ಖಿನ್ನತೆ, ಒಣ ಮತ್ತು ಒರಟಾದ ಚರ್ಮ ಮತ್ತು ಕೂದಲು, ಶೀತವನ್ನು ನಿಭಾಯಿಸುವಲ್ಲಿ ತೊಂದರೆ ಮತ್ತು ಕೈಯಲ್ಲಿ ಜುಮ್ಮೆನಿಸುವಿಕೆ ಸಂವೇದನೆ. ಪುರುಷರಿಗಿಂತ ಮಹಿಳೆಯರು ಹೈಪೋಥೈರಾಯ್ಡ್ ಸಮಸ್ಯೆಯಿಂದ ಬಳಲುವ ಸಾಧ್ಯತೆ ಮೂರು ಪಟ್ಟು ಹೆಚ್ಚು - ಮತ್ತು ವಯಸ್ಸಾದವರು ಸಹ ಇದರಿಂದ ಸಾಮಾನ್ಯವಾಗಿ ಪ್ರಭಾವಿತರಾಗುತ್ತಾರೆI.

ಇವೆರಡಕ್ಕೂ ಇರುವ ಸಂಬಂಧವೇನು: ಕಡಿಮೆ ಥೈರಾಯ್ಡ್ ಮಟ್ಟಗಳು ಕೆಂಪು ರಕ್ತ ಕಣಗಳ ಉತ್ಪಾದನೆಯನ್ನು ನಿಧಾನಗೊಳಿಸುತ್ತವೆ. ಹೈಪೋಥೈರಾಯ್ಡ್ ಸಮಸ್ಯೆ ಅಥವಾ ಹಶಿಮೊಟೊ ಥೈರಾಯಡೈಟಿಸ್ ನಂತಹ ಥೈರಾಯ್ಡ್ ಕಾಯಿಲೆಗಳ ಪರಿಣಾಮಗಳಿಂದ ಇದು ಮತ್ತಷ್ಟು ಜಟಿಲ ವಾಗುತ್ತದೆ. ಸಾಮಾನ್ಯವಾಗಿ ಈ ಪರಿಸ್ಥಿತಿಗಳು ವಿಟಮಿನ್ ಬಿ 12 ಕೊರತೆಗೆ ಕಾರಣವಾಗುತ್ತವೆ; ಕೆಂಪು ರಕ್ತ ಕಣಗಳ ಉತ್ಪಾದನೆಯ ಮೇಲೂ ಪರಿಣಾಮ ಬೀರಬಹುದು; ಜೊತೆಗೆ, ಕಡಿಮೆ ಥೈರಾಯ್ಡ್ ಮಟ್ಟಗಳು ಕಬ್ಬಿಣದ ಹೀರಿಕೊಳ್ಳುವಿಕೆ ಸಮರ್ಪಕವಾಗಿ ಆಗದಂತೆ ಅಡ್ಡಿಪಡಿಸಬಹುದು; ವಿವಿಧ ಚಯಾಪಚಯ ಪ್ರಕ್ರಿಯೆಗಳನ್ನು ಅಡ್ಡಿಪಡಿಸಬಹುದು.

ಈ ಎರಡರಲ್ಲಿ ಯಾವುದಾದರೂ, ಚಿಕಿತ್ಸೆ ನೀಡದಿದ್ದರೆ, ಸಮಸ್ಯೆಯನ್ನು ಹೆಚ್ಚಿಸಬಹುದು ಮತ್ತು ರೋಗಸ್ಥಿತಿಯ ನಿರ್ವಹಣೆಯನ್ನು ಕಷ್ಟವಾಗಿಸಬಹುದು. ಈ ಸಂಪರ್ಕದ ಬಗ್ಗೆ ಜಾಗೃತಿ ಮೂಡಿಸು ವುದು ಸಕಾಲಿಕ ಮತ್ತು ನಿಖರವಾದ ರೋಗನಿರ್ಣಯಕ್ಕಾಗಿ ಮಾತ್ರವಲ್ಲದೆ, ರೋಗಿಗಳು ಸೂಕ್ತ ಆರೈಕೆ ಮತ್ತು ಚಿಕಿತ್ಸೆಯನ್ನು ಪಡೆಯುವುದಕ್ಕೂ ಸಹ ಅತ್ಯಗತ್ಯವಾಗಿರುತ್ತದೆ.

ಅಬಾಟ್ ಇಂಡಿಯಾದ ವೈದ್ಯಕೀಯ ವ್ಯವಹಾರಗಳ ಮುಖ್ಯಸ್ಥೆ ಡಾ. ರೋಹಿತ ಶೆಟ್ಟಿ, "ಹೈಪೋಥೈ ರಾಯ್ಡ್ ಸಮಸ್ಯೆ ಮತ್ತು ರಕ್ತಹೀನತೆ, ಭಾರತದಲ್ಲಿ ಗಮನಾರ್ಹ ಆರೋಗ್ಯ ಸಮಸ್ಯೆಗಳಾಗಿವೆ. ಆದರೆ, ಅವುಗಳನ್ನು ಸಕಾಲಿಕ ರೋಗನಿರ್ಣಯ ಮತ್ತು ನಿರಂತರ ಚಿಕಿತ್ಸೆಯಿಂದ ಪರಿಣಾಮಕಾರಿಯಾಗಿ ನಿರ್ವಹಿಸಬಹುದು. ಈ ಎರಡು ಪರಿಸ್ಥಿತಿಗಳ ನಡುವಿನ ಸಂಬಂಧದ ಬಗ್ಗೆ ಹೆಚ್ಚಿನ ಜನರಿಗೆ ಶಿಕ್ಷಣ ನೀಡುವುದು ಮತ್ತು ರೋಗಲಕ್ಷಣಗಳನ್ನು ಹೊಂದಿರುವವರು ತಕ್ಷಣ ವೈದ್ಯಕೀಯ ಸಲಹೆಯನ್ನು ಪಡೆಯುವಂತೆ ಪ್ರೋತ್ಸಾಹಿಸುವುದು ಬಹಳ ಮುಖ್ಯ. ಉದಾಹರಣೆಗೆ, ಬೇಸಿಗೆಯಲ್ಲಿಯೂ ಕುಟುಂಬ ದ ಸದಸ್ಯರು ಶೀತವನ್ನು ಅನುಭವಿಸುತ್ತಿರುವುದನ್ನು ನೀವು ಗಮನಿಸಿದರೆ ಅಥವಾ ಸ್ನೇಹಿತರು ಆಗಾಗ್ಗೆ ’ಯಾವಾಗಲೂ ಆಯಾ” ಎಂದು ದೂರುತ್ತಿದ್ದರೆ, ವೈದ್ಯರನ್ನು ಭೇಟಿ ಮಾಡಿ ಪರೀಕ್ಷೆಗೆ ಒಳಗಾಗುವಂತೆ ಅವರಿಗೆ ತಿಳಿಸಿ."

ಬೆಂಗಳೂರಿನ ಮಣಿಪಾಲ್ ಆಸ್ಪತ್ರೆಯ ಸಲಹಾದಾರ ಅಂತಃಸ್ರಾವಶಾಸ್ತ್ರಜ್ಞೆ ಡಾ.ಅನುಷಾ ಹಂದ್ರಾಲ್, " ಹೈಪೋಥೈರಾಯ್ಡ್ ಸಮಸ್ಯೆ ಮತ್ತು ರಕ್ತಹೀನತೆ ಎರಡರ ಹೊರೆಯೂ ದಿನೇ ದಿನೇ ಹೆಚ್ಚುತ್ತಿದೆ. ಉದಾಹರಣೆಗೆ, 2015-16ರಲ್ಲಿ 15 ರಿಂದ 49 ವರ್ಷದೊಳಗಿನ ಮಹಿಳೆಯರಲ್ಲಿ ರಕ್ತಹೀನತೆ ಇರುವವರ ಸಂಖ್ಯೆ 53% ಇದ್ದದ್ದು 2019-2021ರಲ್ಲಿ 57% ಕ್ಕೆ ಏರಿದೆvi. ಈ ಎರಡು ಸ್ಥಿತಿಗಳ ನಡುವಿನ ಸಂಬಂಧವನ್ನು ಎಲ್ಲರೂ ಅರ್ಥಮಾಡಿಕೊಳ್ಳುವುದು ಬಹಳ ಮುಖ್ಯ, ಏಕೆಂದರೆ ಇದು ರೋಗನಿರ್ಣಯಕ್ಕೆ ಸಹಾಯ ಮಾಡುತ್ತದೆ ಮತ್ತು ಸೂಕ್ತ ಸಲಹೆ ಮತ್ತು ಚಿಕಿತ್ಸೆ ಪಡೆಯಲು ನೆರವಾಗುತ್ತದೆ."

ಈ ಹೆಚ್ಚಿನ ಅಪಾಯದ ಗುಂಪುಗಳ ಜನರು ನಿಯಮಿತವಾಗಿ ತಪಾಸಣೆ ಮಾಡಿಸಿಕೊಳ್ಳುವುದು ಉತ್ತಮ:

* ಮಹಿಳೆಯರು (ವಿಶೇಷವಾಗಿ ಗರ್ಭಿಣಿಯರು)

* ವೃದ್ಧರು

* ಸ್ವಯಂ ನಿರೋಧಕ ಕಾಯಿಲೆಗಳಿರುವ ಜನರು (ಸೆಲಿಯಾಕ್ ಅಥವಾ ಕ್ರೋನ್ಸ್ ಕಾಯಿಲೆಯಂತಹವರು)

* ಪೌಷ್ಠಿಕಾಂಶದ ಕೊರತೆಯಿರುವವರು (12 ಬಿ - ಡಿ ವರೆಗಿನ ವಿವಿಧ ಜೀವಸತ್ವಗಳು, ಕಬ್ಬಿಣ ಇತ್ಯಾದಿ ಎಲ್ಲವೂ)

* ದೀರ್ಘಕಾಲದಿಂದ ಅನಾರೋಗ್ಯವಿರುವ ಜನರು (ಮಧುಮೇಹ, ದೀರ್ಘಕಾಲದ ಮೂತ್ರಪಿಂಡ ಮತ್ತು ಯಕೃತ್ತಿನ ಕಾಯಿಲೆ ಇತ್ಯಾದಿ)

* ದೀರ್ಘಕಾಲದಿಂದ ಆಮ್ಲೀಯತೆ ಮತ್ತು ಜೀರ್ಣ ಅಸ್ವಸ್ಥತೆಗಳಿರುವವರು

ಎರಡೂ ಸ್ಥಿತಿಗಳ ಉತ್ತಮ ನಿರ್ವಹಣೆಯಲ್ಲಿ ರೋಗನಿರ್ಣಯದ ಪಾತ್ರ ಬಹಳ ಮುಖ್ಯವಾಗಿರುತ್ತದೆ.

ನಿಮ್ಮ ಆರೋಗ್ಯದ ಬಗ್ಗೆ ಜಾಗರೂಕರಾಗಿರುವುದು ಮುಖ್ಯ. ಆರಂಭಿಕ ಪತ್ತೆ ಮತ್ತು ಚಿಕಿತ್ಸೆಯು ಗಮನಾರ್ಹ ವ್ಯತ್ಯಾಸವನ್ನುಂಟು ಮಾಡುತ್ತದೆ ಎಂಬುದನ್ನು ನೆನಪಿಟ್ಟುಕೊಳ್ಳುವುದು ಒಳ್ಳೆಯದು. ಈ ಲಕ್ಷಣಗಳಿರುವ ವ್ಯಕ್ತಿಗಳು ಮುಂದಿನ ಹಂತದ ತಪಾಸಣೆಗಾಗಿ ತಮ್ಮ ವೈದ್ಯರನ್ನು ಸಂಪರ್ಕಿಸ ಬೇಕು.

ಇದರಲ್ಲಿ ಥೈರಾಯ್ಡ್ ಕೆಲಸದ ಪರೀಕ್ಷೆ ಅಥವಾ ಸಂಪೂರ್ಣ ರಕ್ತದ ಎಣಿಕೆ ಮತ್ತು ರಕ್ತಹೀನತೆಗಾಗಿ ಫೆರಿಟಿನ್, ವಿಟಮಿನ್ ಬಿ 12 ಮತ್ತು ಫೋಲೇಟ್ ಮಟ್ಟಗಳಂತಹ ಗುರುತುಗಳನ್ನು ಪರಿಶೀಲಿಸು ವುದು ಸೇರುತ್ತವೆ. ನಿಮ್ಮ ದೈನಂದಿನ ಜೀವನದ ಗುಣಮಟ್ಟ ಉತ್ತಮವಾಗಿರಬೇಕಿದ್ದರೆ ನಿಮ್ಮ ಆರೋಗ್ಯದ ಜವಾಬ್ದಾರಿಯನ್ನು ನೀವೇ ವಹಿಸಿಕೊಳ್ಳಬೇಕು!