2024ರ ಐಸಿಸಿ ಟಿ20ಐ ತಂಡಕ್ಕೆ ರೋಹಿತ್‌ ಶರ್ಮಾ ನಾಯಕ, ಕೊಹ್ಲಿಗೆ ಸ್ಥಾನವಿಲ್ಲ!
ICC T20I Team of Year 2024: 2024ರ ವರ್ಷದ ಐಸಿಸಿ ಟಿ20ಐ ತಂಡವನ್ನು ಅಂತಾರಾಷ್ಟ್ರೀಯ ಕ್ರಿಕೆಟ್‌ ಕೌನ್ಸಿಲ್‌ ಪ್ರಕಟಿಸಿದೆ. ಭಾರತ ತಂಡದ ರೋಹಿತ್‌ ಶರ್ಮಾಗೆ ನಾಯಕತ್ವವನ್ನು ನೀಡಲಾಗಿದೆ. ಆದರೆ, ಸ್ಟಾರ್‌ ಬ್ಯಾಟ್ಸ್‌ಮನ್‌ ವಿರಾಟ್‌ ಕೊಹ್ಲಿ ಅವರನ್ನು ಕೈಬಿಡಲಾಗಿದ್ದು, ನಾಲ್ವರು ಭಾರತೀಯರಿಗೆ ಈ ತಂಡದಲ್ಲಿ ಸ್ಥಾನ ನೀಡಲಾಗಿದೆ.
Ramesh Kote
Jan 25, 2025 5:01 PM
ನವದೆಹಲಿ: ಕಳೆದ 2024ರ ವರ್ಷದಲ್ಲಿ ಟಿ20ಐ ಕ್ರಿಕೆಟ್‌ನಲ್ಲಿ ಅತ್ಯುತ್ತಮ ಪ್ರದರ್ಶನ ತೋರಿದ್ದ ಆಟಗಾರರನ್ನು ಒಳಗೊಂಡ ತಂಡವನ್ನು ಅಂತಾರಾಷ್ಟ್ರೀಯ ಕ್ರಿಕೆಟ್‌ ಕೌನ್ಸಿಲ್‌ ಆಯ್ಕೆ ಮಾಡಿದೆ. ಅಂದರೆ 2024ರ ವರ್ಷದ ಟಿ20ಐ ತಂಡವನ್ನು ಐಸಿಸಿ ಆರಿಸಿದ್ದು, ಭಾರತ ತಂಡದ ರೋಹಿತ್‌ ಶರ್ಮಾಗೆ ನಾಯಕ್ವವನ್ನು ನೀಡಲಾಗಿದೆ. ಆದರೆ, ಆಧುನಿಕ ಬ್ಯಾಟಿಂಗ್‌ ದಿಗ್ಗಜ ವಿರಾಟ್‌ ಕೊಹ್ಲಿ ಈ ತಂಡದಲ್ಲಿ ಸ್ಥಾನ ಕಳೆದುಕೊಂಡಿದ್ದಾರೆ.
2024ರ ವರ್ಷದ ಟಿ20ಐ ತಂಡದಲ್ಲಿ ಒಟ್ಟು ನಾಲ್ವರು ಆಟಗಾರರು ಆಯ್ಕೆಯಾಗಿದ್ದಾರೆ. ನಾಯಕ ರೋಹಿತ್‌ ಶರ್ಮಾ ಜೊತೆಗೆ ಆಲ್‌ರೌಂಡರ್‌ ಹಾರ್ದಿಕ್‌ ಪಾಂಡ್ಯ ಹಾಗೂ ವೇಗದ ಬೌಲರ್‌ಗಳಾದ ಜಸ್‌ಪ್ರೀತ್‌ ಬುಮ್ರಾ ಮತ್ತು ಅರ್ಷದೀಪ್‌ ಸಿಂಗ್‌ ಅವರು ಈ ತಂಡದಲ್ಲಿ ಸ್ಥಾನ ಪಡೆದಿದ್ದಾರೆ. ಪಾಕಿಸ್ತಾನದಿಂದ ಬಾಬರ್‌ ಆಝಮ್‌ ಅವರು ಆಯ್ಕೆಯಾಗಿದ್ದಾರೆ.
IND vs ENG: ಅಭಿಷೇಕ್‌ ಶರ್ಮಾಗೆ ಗಾಯ, ಎರಡನೇ ಟಿ20ಐಗೂ ಮುನ್ನ ಭಾರತಕ್ಕೆ ಗಾಯದ ಭೀತಿ!
2024ರ ವರ್ಷ ಐಸಿಸಿ ಟಿ20ಐ ತಂಡ
ರೋಹಿತ್‌ ಶರ್ಮಾ (ನಾಯಕ), ಟ್ರಾವಿಸ್‌ ಹೆಡ್‌, ಫಿಲ್‌ ಸಾಲ್ಟ್‌, ಬಾಬರ್‌ ಆಝಮ್‌, ನಿಕೋಲಸ್‌ ಪೂರನ್‌ (ವಿಕೆಟ್‌ ಕೀಪರ್‌), ಸಿಕಂದರ್‌ ರಾಜಾ, ಹಾರ್ದಿಕ್‌ ಪಾಂಡ್ಯ, ರಶೀದ್‌ ಖಾನ್‌, ವಾನಿಂದು ಹಸರಂಗ, ಜಸ್‌ಪ್ರೀತ್‌ ಬುಮ್ರಾ ಹಾಗೂ ಅರ್ಷದೀಪ್‌ ಸಿಂಗ್‌
ವಿರಾಟ್‌ ಕೊಹ್ಲಿಗೆ ಸ್ಥಾನವಿಲ್ಲ
2024ರ ಐಸಿಸಿ ಟಿ20 ವಿಶ್ವಕಪ್‌ ಫೈನಲ್‌ ಪಂದ್ಯದಲ್ಲಿ ಮ್ಯಾಚ್‌ ವಿನ್ನಿಂಗ್‌ ಪ್ರದರ್ಶನ ತೋರಿದ್ದ ವಿರಾಟ್‌ ಕೊಹ್ಲಿ, ಭಾರತ ತಂಡದ ಗೆಲುವಿನಲ್ಲಿ ಮಹತ್ತರ ಪಾತ್ರವನ್ನು ವಹಿಸಿದ್ದರು. 2024ರ ಐಸಿಸಿ ಟಿ20 ವಿಶ್ವಕಪ್‌ ಫೈನಲ್‌ಗೆ ಅರ್ಹತೆ ಪಡೆದಿದ್ದರ ಹೊರತಾಗಿಯೂ ದಕ್ಷಿಣ ಆಫ್ರಿಕಾ ತಂಡದಿಂದ ಒಬ್ಬರೂ ಆಯ್ಕೆಯಾಗಿಲ್ಲ. ಅಲ್ಲದೆ ವಿಶ್ವದ ನಂ.1 ಟಿ20ಐ ಬ್ಯಾಟ್ಸ್‌ಮನ್‌ ಸೂರ್ಯಕುಮಾರ್‌ ಯಾದವ್‌ಗೂ ಸ್ಥಾನವಿಲ್ಲ. 2024ರ ಐಸಿಸಿ ಟಿ20ಐ ವಿಶ್ವಕಪ್‌ ಫೈನಲ್‌ ಬಳಿಕ ರೋಹಿತ್‌ ಶರ್ಮಾ ಹಾಗೂ ವಿರಾಟ್‌ ಕೊಹ್ಲಿ ಟಿ20ಐ ವೃತ್ತಿ ಜೀವನಕ್ಕೆ ವಿದಾಯ ಹೇಳಿದ್ದರು.
From a star-studded list of four, the ICC Men's T20I Cricketer of the Year 2024 has been crowned 👑
— ICC (@ICC) January 25, 2025
Find out the winner ➡️ https://t.co/HDWo0YSSG9 pic.twitter.com/LK6AKRqias
ಅಫ್ಘಾನಿಸ್ತಾನ ತಂಡದಿಂದ ರಶೀದ್‌ ಖಾನ್‌ ಹಾಗೂ ಶ್ರೀಲಂಕಾ ತಂಡದಿಂದ ವಾನಿಂದು ಹಸರಂಗ ಕೂಡ ಈ ತಂಡದಲ್ಲಿ ಸ್ಥಾನವನ್ನು ಪಡೆದಿದ್ದಾರೆ. ಜಿಂಬಾಬ್ವೆ ತಂಡದ ಸಿಕಂದರ್‌ ರಾಜಾ ಅವರು ಏಕೈಕ ಆಲ್‌ರೌಂಡರ್‌ ಆಗಿ ಈ ತಂಡದಲ್ಲಿ ಸ್ಥಾನವನ್ನು ಪಡೆದಿದ್ದಾರೆ.
ರೋಹಿತ್‌ ಶರ್ಮಾ-ಟ್ರಾವಿಸ್‌ ಹೆಡ್‌ ಓಪನರ್ಸ್‌
2024ರ ವರ್ಷದಲ್ಲಿ ಐಸಿಸಿ ಟಿ20ಐ ತಂಡದಲ್ಲಿ ರೋಹಿತ್‌ ಶರ್ಮಾ ಹಾಗೂ ಟ್ರಾವಿಸ್‌ ಹೆಡ್‌ ಇನಿಂಗ್ಸ್‌ ಆರಂಭಿಸಿದರೆ, ಮೂರನೇ ಕ್ರಮಾಂಕದಲ್ಲಿ ಇಂಗ್ಲೆಂಡ್‌ನ ಫಿಲ್‌ ಸಾಲ್ಟ್‌ ಆಡಲಿದ್ದಾರೆ. ನಾಲ್ಕನೇ ಕ್ರಮಾಂಕದಲ್ಲಿ ಬಾಬರ್‌ ಆಝಮ್‌ ಆಡಿದರೆ, ಐದನೇ ಕ್ರಮಾಂಕದಲ್ಲಿ ವೆಸ್ಟ್‌ ಇಂಡೀಸ್‌ ತಂಡದ ನಿಕೋಲಸ್‌ ಪೂರನ್‌ ಆಡಲಿದ್ದಾರೆ ಹಾಗೂ ವಿಕೆಟ್‌ ಕೀಪಿಂಗ್‌ ಜವಾಬ್ದಾರಿಯನ್ನು ನಿರ್ವಹಿಸಲಿದ್ದಾರೆ.
Ind vs Eng 2nd T20I: ದ್ವಿತೀಯ ಪಂದ್ಯದ ಪಿಚ್‌ ರಿಪೋರ್ಟ್‌, ಸಂಭಾವ್ಯ ತಂಡ, ಹವಾಮಾನ ವರದಿ ಹೀಗಿದೆ
ಅಂದ ಹಾಗೆ 2024ರ ಐಸಿಸಿ ಟಿ20 ವಿಶ್ವಕಪ್‌ ಟೂರ್ನಿಯಲ್ಲಿ ಬಾಬರ್‌ ಆಝಮ್‌ ಅವರಿಂದ ನಿರೀಕ್ಷಿತ ಬ್ಯಾಟಿಂಗ್‌ ಪ್ರದರ್ಶನ ಮೂಡಿಬಂದಿರಲಿಲ್ಲ. ಅವರು ಆಡಿದ್ದ ನಾಲ್ಕು ಪಂದ್ಯಗಳಿಂದ ಕೇವಲ 122 ರನ್‌ಗಳನ್ನು ಗಳಿಸಿದ್ದರು. ಆದರೆ, 2024ರಲ್ಲಿ ಅವರು ಆಡಿದ್ದ 24 ಪಂದ್ಯಗಳಿಂದ 738 ರನ್‌ಗಳನ್ನು ಸಿಡಿಸಿದ್ದರು.
ರೋಹಿತ್‌ ಶರ್ಮಾ ಅವರು 2024ರ ಐಸಿಸಿ ಟಿ20 ವಿಶ್ವಕಪ್‌ ಟೂರ್ನಿಯಲ್ಲಿ ಮೂರು ಅರ್ಧಶತಕಗಳನ್ನು ಸಿಡಿಸಿದ್ದರು. ಇದರ ಪೈಕಿ ಆಸ್ಟ್ರೇಲಿಯಾ ವಿರುದ್ಧ ಸೂಪರ್‌-8ರ ಪಂದ್ಯದಲ್ಲಿ ಹಿಟ್‌ಮ್ಯಾನ್‌ 92 ರನ್‌ಗಳನ್ನು ಸಿಡಿಸಿದ್ದರು. ಅಂದ ಹಾಗೆ 2024ರಲ್ಲಿ ರೋಹಿತ್‌ ಶರ್ಮಾ ಆಡಿದ್ದ 11 ಪಂದ್ಯಗಳಿಂದ 378 ರನ್‌ಗಳನ್ನು ಗಳಿಸಿದ್ದರು. ಇನ್ನು ಜಸ್‌ಪ್ರೀತ್‌ ಬುಮ್ರಾ ಮತ್ತು ಅರ್ಷದೀಪ್‌ ಸಿಂಗ್‌ ಅವರು ಕಳೆದ ವರ್ಷ ಉತ್ತಮ ಬೌಲಿಂಗ್‌ ಪ್ರದರ್ಶನ ತೋರಿದ್ದರು.