IPL 2025: ʻರಜತ್ ಪಾಟಿದಾರ್‌ಗೆ ಬೆಂಬಲ ನೀಡಿʼ-ಆರ್‌ಸಿಬಿ ಫ್ಯಾನ್ಸ್‌ಗೆ ವಿರಾಟ್ ಕೊಹ್ಲಿ ಮನವಿ!
Virat Kohli backs Rajat Patidar: ಸೋಮವಾರ ನಡೆದಿದ್ದ ಆರ್‌ಸಿಬಿ ಅನ್‌ಬಾಕ್ಸ್‌ ಕಾರ್ಯಕ್ರಮದಲ್ಲಿ ಮಾತನಾಡಿದ ವಿರಾಟ್ ಕೊಹ್ಲಿ, ತಮ್ಮ ನಾಯಕ ರಜತ್ ಪಾಟಿದಾರ್‌ ಅವರನ್ನು ಬೆಂಬಲಿಸಿದ್ದಾರೆ. ಆರ್‌ಸಿಬಿ ಅಭಿಮಾನಿಗಳು ನಾಯಕ ರಜತ್ ಪಾಟಿದಾರ್‌ಗೆ ಬೆಂಬಲ ನೀಡಬೇಕೆಂದು ವಿರಾಟ್ ಕೊಹ್ಲಿ ಆಗ್ರಹಿಸಿದ್ದಾರೆ.
ರಜತ್ ಪಾಟಿದಾರ್‌ಗೆ ಬೆಂಬಲ ನೀಡಿ ಎಂದು ವಿರಾಟ್ ಕೊಹ್ಲಿ ಅಭಿಮಾನಿಗಳ ಬಳಿ ಮನವಿ ಮಾಡಿಕೊಂಡಿದ್ದಾರೆ.
Ramesh Kote
Mar 17, 2025 11:06 PM
ಬೆಂಗಳೂರು: ಮುಂಬರುವ 2025ರ ಇಂಡಿಯನ್ ಪ್ರೀಮಿಯರ್‌ ಲೀಗ್‌ (IPL 2025) ಟೂರ್ನಿಯಲ್ಲಿ ರಾಯಲ್‌ ಚಾಲೆಂಜರ್ಸ್‌ ಬೆಂಗಳೂರು (RCB) ತಂಡವನ್ನು ಮುನ್ನಡೆಸುವ ರಜತ್ ಪಾಟಿದಾರ್‌ಗೆ (Rajat Patidar) ಅಭಿಮಾನಿಗಳು ಪ್ರೀತಿ ಹಾಗೂ ಬೆಂಬಲವನ್ನು ನೀಡಬೇಕೆಂದು ಹಿರಿಯ ಬ್ಯಾಟ್ಸ್‌ಮನ್‌ ವಿರಾಟ್ ಕೊಹ್ಲಿ (Virat Kohli) ಮನವಿ ಮಾಡಿದ್ದಾರೆ. ಫಾಫ್‌ ಡು ಪ್ಲೆಸಿಸ್‌ ಅವರನ್ನು ಮೆಗಾ ಹರಾಜಿಗೆ ಬಿಡುಗಡೆ ಮಾಡಿದ ಬಳಿಕ, ಯುವ ಬ್ಯಾಟ್ಸ್‌ಮನ್‌ ರಜತ್ ಪಾಟಿದಾರ್‌ಗೆ ಆರ್‌ಸಿಬಿ ನಾಯಕತ್ವವನ್ನು ನೀಡಲಾಗಿದೆ. ಈ ಹಿನ್ನೆಲೆಯಲ್ಲಿ ರಜತ್ ಪಾಟಿದಾರ್‌ಗೆ ಈ ಬಾರಿ ಐಪಿಎಲ್ ಟೂರ್ನಿಯಲ್ಲಿ ನಾಯಕನಾಗಿ ದೊಡ್ಡ ಸವಾಲು ಎದುರಾಗಲಿದೆ. ಇದರ ನಡುವೆ ಅಭಿಮಾನಿಗಳು ಕೂಡ ರಜತ್‌ಗೆ ಸಪೋರ್ಟ್‌ ಮಾಡಬೇಕೆಂದು ಹೇಳಿದ್ದಾರೆ.
ಸೋಮವಾರ ಇಲ್ಲಿನ ಎಂ ಚಿನ್ನಸ್ವಾಮಿ ಕ್ರಿಕೆಟ್‌ ಕ್ರೀಡಾಂಗಣದಲ್ಲಿ ನಡೆದಿದ್ದ ಆರ್‌ಸಿಬಿಯ ಅನ್‌ಬಾಕ್ಸ್‌ ಕಾರ್ಯಕ್ರಮದಲ್ಲಿ ಸಾವಿರಾರು ಅಭಿಮಾನಿಗಳು ಉಪಸ್ಥಿತರಿದ್ದರು. ಈ ವೇಳೆ ಮಾತನಾಡಿದ ವಿರಾಟ್ ಕೊಹ್ಲಿ, ಹೊಸ ನಾಯಕ ರಜತ್ ಪಾಟಿದಾರ್‌ಗೆ ಸಾಕಷ್ಟು ಪ್ರೀತಿ ಮತ್ತು ಬೆಂಬಲವನ್ನು ನೀಡಬೇಕೆಂದು ಮಾಜಿ ನಾಯಕ ಆಗ್ರಹಿಸಿದ್ದಾರೆ.
IPL 2025: ತಾನು ಎದುರಿಸಿದ ಅತ್ಯಂತ ಕಠಿಣ ವೇಗಿಯನ್ನು ಹೆಸರಿಸಿದ ವಿರಾಟ್ ಕೊಹ್ಲಿ!
"ಮುಂದೆ ಆರ್‌ಸಿಬಿಯನ್ನು ಒಬ್ಬ ಹುಡುಗ ದೀರ್ಘಾವಧಿ ಮುನ್ನಡೆಸಲಿದ್ದಾನೆ. ಆದ್ದರಿಂದ ನಿಮ್ಮಿಂದ ಸಾಧ್ಯವಾಷ್ಟು ಪ್ರೀತಿ ಹಾಗೂ ಬೆಂಬಲವನ್ನು ನೀಡಿ. ಅವರು ಅಸಾಧಾರಣ ಸಾಮರ್ಥ್ಯವನ್ನು ಹೊಂದಿದ್ದಾರೆ. ರಜತ್ ಪಾಟಿದಾರ್‌ ಅವರ ಮೇಲೆ ದೊಡ್ಡ ಜವಾಬ್ದಾರಿಯನ್ನು ಹೊಂದಿದ್ದಾರೆ. ಈ ಒಂದು ಅದ್ಭುತ ಫ್ರಾಂಚೈಸಿಯನ್ನು ಮುನ್ನಡೆಸಲಿರುವ ರಜತ್ ಅದ್ಭುತ ಕಾರ್ಯವನ್ನು ನಿರ್ವಹಿಲಿದ್ದಾರೆ. ಅವರಿಗೆ ಬೇಕಾದ ಎಲ್ಲಾ ಅಗತ್ಯತೆಗಳು ಸಿಗಲಿದೆ," ಎಂದು ವಿರಾಟ್ ಕೊಹ್ಲಿ ತಿಳಿಸಿದ್ದಾರೆ.
ಫಾಫ್‌ ಡು ಪ್ಲೆಸಿಸ್‌ ಬೆಂಗಳೂರು ಫ್ರಾಂಚೈಸಿಯನ್ನು ತೊರೆದ ಬಳಿಕ ಆರ್‌ಸಿಬಿ ತಂಡದ ನಾಯಕತ್ವವನ್ನು ರಜತ್ ಪಾಟಿದಾರ್‌ಗೆ ನೀಡಲಾಗಿದೆ. 2021ರಿಂದಲೂ
ರಜತ್ ಪಾಟಿದಾರ್‌ ಆರ್‌ಸಿಬಿ ಪರ ಆಡುತ್ತಿದ್ದಾರೆ ಹಾಗೂ ಹಲವು ಮಹತ್ವದ ಇನಿಂಗ್ಸ್‌ಗಳನ್ನು ಅವರು ಆಡಿದ್ದಾರೆ. ದೇಶಿ ಕ್ರಿಕೆಟ್‌ನಲ್ಲಿಯೂ ನಾಯಕನಾಗಿ ಸಕ್ಸಸ್‌ ಕಂಡಿದ್ದಾರೆ. ಈ ಹಿನ್ನೆಲೆಯಲ್ಲಿ ಅವರಿಗೆ ನಾಯಕತ್ವವನ್ನು ನೀಡಲಾಗಿದೆ.
Virat Kohli on Rajat Patidar, "The Guy gonna come next will lead you for long time. Give him all the Love you can."#RCBUnbox #RCB #IPL2025 pic.twitter.com/DrMcLiPSug
— IPL 2025 (@ipl2025official) March 17, 2025
ಆರ್‌ಸಿಬಿಗೆ ಮೊದಲ ಎದುರಾಳಿ ಕೆಕೆಆರ್‌
ರಾಯಲ್‌ ಚಾಲೆಂಜರ್ಸ್‌ ಬೆಂಗಳೂರು ತಂಡದ ಎಲ್ಲಾ ಆಟಗಾರರು ಕೂಡ ಬೆಂಗಳೂರಿನ ಎಂ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಅಭ್ಯಾಸ ನಡೆಸುತ್ತಿದೆ. ಆರ್‌ಸಿಬಿ ತನ್ನ ಮೊದಲನೇ ಪಂದ್ಯವನ್ನು ಮಾರ್ಚ್‌ 22 ರಂದು ಕೋಲ್ಕತಾ ಈಡನ್‌ ಗಾರ್ಡನ್ಸ್‌ ಕ್ರೀಡಾಂಗಣದಲ್ಲಿ ಕೋಲ್ಕತಾ ನೈಟ್‌ ರೈಡರ್ಸ್‌ ವಿರುದ್ದ ಕಾದಾಟ ನಡೆಸಲಿದೆ.
IPL 2025: ಟಿ20 ಕ್ರಿಕೆಟ್‌ನಲ್ಲಿ ಇತಿಹಾಸ ಬರೆಯಲು ವಿರಾಟ್ ಕೊಹ್ಲಿಗೆ ಒಂದು ಶತಕ ಅಗತ್ಯ!
ರಾಯಲ್‌ ಚಾಲೆಂಜರ್ಸ್‌ ಬೆಂಗಳೂರು
ವಿರಾಟ್ ಕೊಹ್ಲಿ (ಭಾರತ) | ರಜತ್ ಪಟಿದಾರ್ (ಭಾರತ) | ಯಶ್ ದಯಾಳ್ (ಭಾರತ) | ಜಾಶ ಹೇಝಲ್‌ವುಡ್‌ (ಆಸ್ಟ್ರೇಲಿಯಾ) | ಫಿಲ್ ಸಾಲ್ಟ್ (ಇಂಗ್ಲೆಂಡ್) | ಜಿತೇಶ್ ಶರ್ಮಾ (ಭಾರತ) | ಭುವನೇಶ್ವರ್ ಕುಮಾರ್ (ಭಾರತ) | ಲಿಯಾಮ್ ಲಿವಿಂಗ್‌ಸ್ಟೋನ್ (ಇಂಗ್ಲೆಂಡ್) | ರಾಸಿಕ್‌ ದಾರ್ (ಭಾರತ) | ಕೃಣಾಲ್ ಪಾಂಡ್ಯ (ಭಾರತ) | ಸುಯಾಶ್ ಶರ್ಮಾ (ಭಾರತ) | ಜಾಕೋಬ್ ಬೆಥೆಲ್ (ಇಂಗ್ಲೆಂಡ್) | ಟಿಮ್ ಡೇವಿಡ್ (ಆಸ್ಟ್ರೇಲಿಯಾ) | ದೇವದತ್‌ ಪಡಿಕ್ಕಲ್ (ಭಾರತ) | ರೊಮ್ಯಾರಿಯೊ ಶೆಫರ್ಡ್ (ವೆಸ್ಟ್ ಇಂಡೀಸ್) | ನುವಾನ್ ತುಷಾರ (ಶ್ರೀಲಂಕಾ) | ಲುಂಗಿ-ಎನ್‌ಗಿಡಿ (ದಕ್ಷಿಣ ಆಫ್ರಿಕಾ) | ಸ್ವಪ್ನಿಲ್ ಸಿಂಗ್ (ಭಾರತ) | ಮನೋಜ್ ಭಾಂಡಗೆ (ಭಾರತ) | ಸ್ವಸ್ತಿಕ ಚಿಕಾರ (ಭಾರತ) | ಅಭಿನಂದನ್ ಸಿಂಗ್ (ಭಾರತ) | ಮೋಹಿತ್ ರಾಥೀ (ಭಾರತ)