Cheapest home loans: ರೆಪೋ ದರ ಇಫೆಕ್ಟ್‌- ಈ ಬ್ಯಾಂಕ್‌ಗಳಲ್ಲಿ ಹೋಂ ಲೋನ್‌ ಮತ್ತಷ್ಟು ಅಗ್ಗ!
ಕೇಂದ್ರ ಬಜೆಟ್‌ ಬೆನ್ನಲ್ಲೇ ನಿರೀಕ್ಷೆಯಂತೆ ರೆಪೋದರವನ್ನು(Repo Rate) ಶೇ. 0.25 ಪ್ರತಿಶತದಷ್ಟುಇಳಿಕೆ ಮಾಡುವ ಮೂಲಕ ಭಾರತೀಯ ರಿಸರ್ವ್ ಬ್ಯಾಂಕ್(RBI) ಮಹತ್ವದ ಆದೇಶ ಹೊರಡಿಸಿತ್ತು. ಪ್ರಮುಖ ಬ್ಯಾಂಕ್‌ಗಳು 8.10%ರಿಂದ 9% ಬಡ್ಡಿ ದರದಲ್ಲಿ ಹೋಮ್‌ ಲೋನ್‌(Cheapest home loans) ವಿತರಿಸುತ್ತಿವೆ. ಈ ಪೈಕಿ ಯೂನಿಯನ್‌ ಬ್ಯಾಂಕ್ ಆಫ್‌ ಇಂಡಿಯಾ ಮತ್ತು ಸೆಂಟ್ರಲ್‌ ಬ್ಯಾಂಕ್ ಆಫ್‌ ಇಂಡಿಯಾ, 8.10% ಬಡ್ಡಿ ದರದಲ್ಲಿ ಗೃಹ ಸಾಲ ಕೊಡುತ್ತಿವೆ. ಇದು ಅತ್ಯಂತ ಕಡಿಮೆ ಬಡ್ಡಿ ದರವಾಗಿದೆ.
Rakshita Karkera
Feb 25, 2025 4:57 PM
ನವದೆಹಲಿ: ಆರ್‌ಬಿಐ ಇತ್ತೀಚೆಗೆ ತನ್ನ ರೆಪೊ ದರ(Repo rate)ವನ್ನು ಕಡಿತಗೊಳಿಸಿದ ಬಳಿಕ ಹಲವಾರು ಬ್ಯಾಂಕ್‌ಗಳು ಹೋಮ್‌ ಲೋನ್‌ ಬಡ್ಡಿ ದರವನ್ನು ಕಡಿತಗೊಳಿಸಿವೆ. ಪ್ರಮುಖ ಬ್ಯಾಂಕ್‌ಗಳು 8.10%ರಿಂದ 9% ಬಡ್ಡಿ ದರದಲ್ಲಿ ಹೋಮ್‌ ಲೋನ್‌ ವಿತರಿಸುತ್ತಿವೆ. ಈ ಪೈಕಿ ಯೂನಿಯನ್‌ ಬ್ಯಾಂಕ್ ಆಫ್‌ ಇಂಡಿಯಾ ಮತ್ತು ಸೆಂಟ್ರಲ್‌ ಬ್ಯಾಂಕ್ ಆಫ್‌ ಇಂಡಿಯಾ, 8.10% ಬಡ್ಡಿ ದರದಲ್ಲಿ ಗೃಹ ಸಾಲ ಕೊಡುತ್ತಿವೆ. ಇದು ಅತ್ಯಂತ ಕಡಿಮೆ ಬಡ್ಡಿ ದರವಾಗಿದೆ. ಹಾಗಿದ್ರೆ ಉಳಿದ ಬ್ಯಾಂಕ್‌ಗಳ ಹೋಮ್‌ ಲೋನ್‌ ಬಡ್ಡಿ ದರದ ಬಗ್ಗೆ ತಿಳಿಯೋಣ
ಉಳಿದ ಬ್ಯಾಂಕ್‌ಗಳ ಹೋಮ್‌ ಲೋನ್‌ ಬಡ್ಡಿ ದರ
| ಬ್ಯಾಂಕ್‌ಗಳು | ಬಡ್ಡಿ ದರ |
|---|---|
| ಬ್ಯಾಂಕ್ ಆಫ್‌ ಬರೋಡಾ | 8.15% |
| ಪಂಜಾಬ್‌ ನ್ಯಾಷನಲ್‌ ಬ್ಯಾಂಕ್ | 8.15% |
| ಕೆನರಾ ಬ್ಯಾಂಕ್ | 8.15% |
| ಇಂಡಿಯನ್‌ ಬ್ಯಾಂಕ್ | 8.15% |
| ಸ್ಟೇಟ್‌ ಬ್ಯಾಂಕ್ ಆಫ್‌ ಇಂಡಿಯಾ | 8.25% |
| ಬ್ಯಾಂಕ್ ಅಫ್‌ ಇಂಡಿಯಾ | 8.30% |
| IDBI BANK | 8.50% |
| HDFC | 8.75% |
| ಎಕ್ಸಿಸ್‌ ಬ್ಯಾಂಕ್ | 8.75% |
| ಕೋಟಕ್‌ ಮಹೀಂದ್ರಾ ಬ್ಯಾಂಕ್ | 8.75% |
| ICICI ಬ್ಯಾಂಕ್ | 8.75% |
| ಎಸ್‌ ಬ್ಯಾಂಕ್ | 9.00% |
ಕೇಂದ್ರ ಬಜೆಟ್‌ ಬೆನ್ನಲ್ಲೇ ನಿರೀಕ್ಷೆಯಂಯೆ ರೆಪೋದರವನ್ನು(Repo Rate) ಶೇ. 0.25 ಪ್ರತಿಶತದಷ್ಟುಇಳಿಕೆ ಮಾಡುವ ಮೂಲಕ ಭಾರತೀಯ ರಿಸರ್ವ್ ಬ್ಯಾಂಕ್(RBI) ಮಹತ್ವದ ಆದೇಶ ಹೊರಡಿಸಿತ್ತು. ಆಮೂಲಕ ಅಗತ್ಯ ವಸ್ತುಗಳ ಬೆಲೆ ಏರಿಕೆ ನಡುವೆ ದುಬಾರಿ ಬಡ್ಡಿ ದರದಿಂದ ಬಸವಳಿದಿರುವ ಸಾಲಗಾರರಿಗೆ RBI ತುಸು ನಿರಾಳ ಒದಗಿಸಿದೆ. ಸಾಲಗಳು ಹಾಗೂ ಠೇವಣಿಗಳ ಮೇಲಿನ ಬಡ್ಡಿ ದರವನ್ನು ನಿರ್ಧರಿಸುವ ಆರ್ಬಿಐನ ದ್ವೈಮಾಸಿಕ ಹಣಕಾಸು ನೀತಿ ಪರಾಮರ್ಶೆ ಸಭೆಯಲ್ಲಿ ಈ ಹೊಸ ನೀತಿಯನ್ನು ಆರ್‌ಬಿಐ ಘೋಷಿಸಿದೆ. ಇನ್ನು ನೂತನ ಗವರ್ನರ್ ಸಂಜಯ್ ಮಲ್ಹೋತ್ರಾ ಪತ್ರಿಕಾಗೋಷ್ಠಿ ನಡೆಸಿ ಈ ಮಹತ್ವದ ನಿರ್ಧಾರವನ್ನು ಪ್ರಕಟಿಸಿದ್ದಾರೆ.
ಈ ಸುದ್ದಿಯನ್ನೂ ಓದಿ: ರೆಪೊ ದರ, ರಿವರ್ಸ್ ರೆಪೊ ದರ ಇಳಿಸಲು ಆರ್ ಬಿಐ ಎಂಪಿಸಿ ನಿರ್ಧಾರ
ರೆಪೋ ರೇಟ್‌ ಎಂದರೆ ಏನು?
ರೆಪೋ ದರ ಅಂದರೆ ಬ್ಯಾಂಕ್‌ಗಳು ಆರ್‌ಬಿಐನಿಂದ ಪಡೆಯುವ ಸಾಲಕ್ಕೆ ಪಾವತಿಸುವ ಬಡ್ಡಿ ದರವಾಗಿದೆ. ಒಂದೊಮ್ಮೆ ರೆಪೋ ದರ ಇಳಿಕೆಯಾದಲ್ಲಿ ಬ್ಯಾಂಕ್‌ಗಳಿಗೆ ಕಡಿಮೆ ದರದಲ್ಲಿ ಸಾಲ ಸಿಗಲಿದ್ದು, ಇವನ್ನು ಬ್ಯಾಂಕ್‌ಗಳು ಗ್ರಾಹಕರಿಗೆ ವರ್ಗಾಯಿಸಲಿವೆ. ಇದರಿಂದ ಸಾಲದ ಮೇಲಿನ ಬಡ್ಡಿಗಳು ಕಡಿಮೆಯಾಗಲಿವೆ.
ಐದು ವರ್ಷಗಳಿಂದ ರೆಪೋರೇಟ್‌ ಇಳಿಕೆ ಮಾಡಿಲ್ಲ
2020ರಲ್ಲಿ ಕೋವಿಡ್ ಬಿಕ್ಕಟ್ಟಿನ ಹಿನ್ನೆಲೆಯಲ್ಲಿ ರೆಪೋ ದರವನ್ನು ಶೇ. 0.40ರಷ್ಟು ಇಳಿಸಿದ್ದ ರಿಸರ್ವ್ ಬ್ಯಾಂಕ್ ಕಳೆದ ಸುಮಾರು 5 ವರ್ಷದಿಂದ ಬಡ್ಡಿ ದರವನ್ನು ಇಳಿಸಿಲ್ಲ. ಬದಲಿಗೆ 2022ರಿಂದ 2023ರ ಮೇವರೆಗೆ ಸತತವಾಗಿ ಬಡ್ಡಿ ದರ ಏರಿಸಲಾಗಿತ್ತು. ಸರಿ ಸುಮಾರು ಎರಡು ವರ್ಷಗಳಿಂದ ರೆಪೋ ದರ ಶೇ. 6.5ರಲ್ಲೇ ಇತ್ತು.