Star Fashion 2025: ಚಾರ್ಲಿ ಚಾಪ್ಲಿನ್‌ ಫಿಮೇಲ್‌ ವರ್ಶನ್‌ನ ಫ್ಯಾಷನ್ ಲುಕ್ಸ್‌ನಲ್ಲಿ ನಟಿ ಸುಕೃತಾ ವಾಗ್ಲೆ
Star Fashion 2025: ಸ್ಯಾಂಡಲ್‌ವುಡ್‌ ನಟಿ ಸುಕೃತಾ ವಾಗ್ಲೆ ಚಾರ್ಲಿ ಚಾಪ್ಲಿನ್‌ ಫಿಮೇಲ್‌ ವರ್ಶನ್‌ನ ನಾನಾ ಫ್ಯಾಷನ್ ಲುಕ್‌ಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಇದ್ಯಾವ ಬಗೆಯ ಲುಕ್‌? ಸ್ಟೈಲಿಂಗ್‌ನ ಸ್ಪೆಷಾಲಿಟಿ ಏನು? ಈ ಕುರಿತಂತೆ ಖುದ್ದು ಅವರೇ ವಿಶ್ವವಾಣಿ ನ್ಯೂಸ್‌ನೊಂದಿಗೆ ಮಾತನಾಡಿದ್ದಾರೆ.
ಚಿತ್ರಗಳು: ಸುಕೃತಾ ವಾಗ್ಲೆ, ಸ್ಯಾಂಡಲ್‌ವುಡ್‌ ನಟಿ., ಫೋಟೋಗ್ರಾಫಿ: ವಿಕಾಸ್‌ ಫೋಟೋ ಫ್ಯಾಕ್ಟರಿ
ಶೀಲಾ ಸಿ ಶೆಟ್ಟಿ
Jul 12, 2025 5:00 AM
ಚಾರ್ಲಿ ಚಾಪ್ಲಿನ್‌ನ ಫಿಮೇಲ್‌ ವರ್ಶನ್‌ನ ನಾನಾ ಫ್ಯಾಷನ್ ಲುಕ್‌ಗಳಲ್ಲಿ ಸ್ಯಾಂಡಲ್‌ವುಡ್‌ ನಟಿ ಸುಕೃತಾ ವಾಗ್ಲೆ ಕಾಣಿಸಿಕೊಂಡಿದ್ದು, ಇದು ಮಾಡೆಲಿಂಗ್‌ ಕ್ಷೇತ್ರದವರ ಪ್ರೀತಿಗೆ ಪಾತ್ರವಾಗಿದೆ.
ಗಮನಸೆಳೆದ ವಿಭಿನ್ನ ಕಾನ್ಸೆಪ್ಟ್
ಹೌದು, ಕಂಪ್ಲೀಟ್‌ ಡಿಫರೆಂಟ್‌ ಕಾನ್ಸೆಪ್ಟ್ ಹಾಗೂ ಥೀಮ್‌ನಲ್ಲಿ ಕಾಣಿಸಿಕೊಂಡಿರುವ ಸುಕೃತಾ ಅವರ ಭಿನ್ನ-ವಿಭಿನ್ನ ಲುಕ್ಸ್ ಫ್ಯಾಷನ್ ಪ್ರಿಯರನ್ನು ಸೆಳೆಯುತ್ತಿದ್ದು, ಈ ಕುರಿತಂತೆ ನಟಿ ಸುಕೃತಾ ವಾಗ್ಲೆಯವರನ್ನು ವಿಶ್ವವಾಣಿ ನ್ಯೂಸ್‌ ಮಾತನಾಡಿಸಿದಾಗ ಈ ಕುರಿತ ಒಂದಿಷ್ಟು ವಿಷಯಗಳನ್ನು ಹಂಚಿಕೊಂಡರು.
ವಿಶ್ವವಾಣಿ ನ್ಯೂಸ್‌: ಸೂಪರ್‌ ಮಾಡೆಲ್‌ನಂತೆ ಕಾಣಿಸುತ್ತಿರುವ ಈ ಫ್ಯಾಷನ್ ಶೂಟ್‌ ಕಾನ್ಸೆಪ್ಟ್ ಏನು?
ಸುಕೃತಾ ವಾಗ್ಲೆ: ಇದು ಚಾರ್ಲಿ ಚಾಪ್ಲಿನ್‌ ಲುಕ್‌ನ ಫೀಮೇಲ್‌ ವರ್ಶನ್‌ ಎನ್ನಬಹುದು. ಡಿಫರೆಂಟ್‌ ಫ್ಯಾಷೆನಬಲ್‌ ಟ್ವಿಸ್ಟ್ ನೀಡಿ ವಿಭಿನ್ನವಾಗಿ ಶೂಟ್‌ ಮಾಡಲಾಗಿದೆ.
ವಿಶ್ವವಾಣಿ ನ್ಯೂಸ್‌: ಕಾನ್ಸೆಪ್ಟ್ ವಿಭಿನ್ನವಾಗಿಸಿರುವುದು ಹೇಗೆ?
ಸುಕೃತಾ ವಾಗ್ಲೆ: ಕಾನ್ಸೆಪ್ಟ್ ಚಾರ್ಲಿ ಚಾಪ್ಲಿನ್‌ ಲುಕ್‌ನದ್ದಾದರೂ ನಾವು ಅದನ್ನು ವಿಭಿನ್ನವಾಗಿ ಬಿಂಬಿಸಲು ಪಿಂಕ್‌ ಬ್ಯಾಕ್‌ಗ್ರೌಂಡ್‌ ಆಯ್ಕೆ ಮಾಡಿದ್ದೇವೆ. ಇನ್ನು ನಾನು ಇದಕ್ಕೆ ಪೂರಕವಾಗಿ ಬ್ಲ್ಯಾಕ್‌ & ವೈಟ್‌ ಕಾಸ್ಟ್ಯೂಮ್‌ ಧರಿಸಿದ್ದೇನೆ.
ವಿಶ್ವವಾಣಿ ನ್ಯೂಸ್‌: ಮೇಕಪ್‌ ಹಾಗೂ ಸ್ಟೈಲಿಂಗ್‌ ಬಗ್ಗೆ ಹೇಳಿ
ಸುಕೃತಾ ವಾಗ್ಲೆ: ಖಂಡಿತಾ, ಈ ಸ್ಪೆಷಲ್‌ ಲುಕ್‌ಗೆ ಹೊಂದುವಂತೆ ಟ್ರೆಂಡಿಯಾಗಿರುವ ಫಿಶ್‌ ಐ ಮೇಕಪ್‌ ಹೈಲೈಟ್‌ ಮಾಡಲಾಗಿದ್ದು, ಇದಕ್ಕೆ ಪೂರಕವಾಗುವಂತೆ ಕ್ವಿರ್ಕಿ ಸೈಡ್‌ ಬನ್‌ ಹೇರ್‌ಸ್ಟೈಲ್‌ ಮ್ಯಾಚ್‌ ಮಾಡಲಾಗಿದೆ.
ವಿಶ್ವವಾಣಿ ನ್ಯೂಸ್‌: ಫ್ಯಾಷನ್ ಫೋಟೋಶೂಟ್‌ ಪ್ರಿಯರಿಗೆ ನೀವು ನೀಡುವ 3 ಟಿಪ್ಸ್
ಸುಕೃತಾ ವಾಗ್ಲೆ: ಮಾಡೆಲ್‌ನಂತೆ ಕಾಣಲು ಮೊದಲು ಆತ್ಮವಿಶ್ವಾಸ ಬೆಳೆಸಿಕೊಳ್ಳಬೇಕು.
* ಬಾಡಿ ಟೈಪ್‌ಗೆ ತಕ್ಕಂತೆ ಕಾಸ್ಟ್ಯೂಮ್‌ ಆಯ್ಕೆ ಮಾಡಬೇಕು.
* ಪೋಸಿಂಗ್‌ ಪ್ರಮುಖವಾಗಿ ಪರಿಗಣಿಸಬೇಕು. ಮೇಕಪ್‌ ಮೇಕೋವರ್‌ ಬೆಸ್ಟ್ ಆಗಿರಬೇಕು.
